ແມນ​ຢູ ຄວ້າ​ແຊັມ​ລີກ​ຄັບ​ສະ­ໄໝ 5

1,240 28 ກ.ພ. 2017 ວົງຈອນກີລາ
ແມນ​ຢູ ຄວ້າ​ແຊັມ​ລີກ​ຄັບ​ສະ­ໄໝ 5

    ການ​ແຂ່ງ­ຂັນ​ເຕະ­ບານ ອີ​ເອ​ຟ​ແອວ ຄັບ ຮອບ​ຊີງ​ຊະ­ນະ​ເລີດ  ທີ່​ສະ­ໜາມ​ເວມ​ບລີ  ເປັນ​ການ​ພົບ​ກັນ​ລະ­ຫວ່າງ ແມນ​ເຊ​ສ​ເຕີ ຢູ​ໄນ​ເຕັດ ອະ­ດີດ​ແຊັມ 4 ສະ­ໄໝ ພົບ​ກັບ​ອະ­ດີດ​ຮອງ​ແຊັມ​ເມື່ອ​ປີ 1979 ຢ່າງ ເຊົາ​ແທມ​ຕັນ.

    ຜົນ​ປາ­ກົດ​ວ່າ ແມນຯ ຢູ​ໄນ​ເຕັດ ມາ​ຂຶ້ນ​ນຳ 1-0 ໃນ​ນາ­ທີ 18 ຈາກ  ອິບ​ຣາ​ຮິ​ໂມ​ວິ​ຊ ຮັບ​ໜ້າ­ທີ່​ຍິງ​ລູກ​ໂທດ​ນອກ​ເຂດ​ເຂົ້າ​ປະ­ຕູ​ໄປ​ຢ່າງ​ສວຍ​ງາມ.

    ນາ­ທີ 38 ແມນຯ ຢູ​ໄນ​ເຕັດ ມາ​ໜີ​ຫ່າງ​ເປັນ 2-0 ຈາກ  ລິນ​ກາດ ທີ່​ຍິງ​ສຽບ​ເສົາ​ໄກ​ເຂົ້າ​ໄປ​ຢ່າງ​ເດັດ­ຂາດ.

    ໄລ­ຍະ​ທົດ​ແທນ​ເວ­ລາ​ບາດ­ເຈັບ​ກ່ອນ​ໝົດ​ເຄິ່ງ​ທຳ​ອິດ ເຊົາ​ແທມ​ຕັນ ມາ​ໄດ້​ປະ­ຕູ​ຕີ​ໄຂ່​ແຕກ ຈາກ ມາ​ໂນ​ໂລ ກັບ​ເບຍ​ດິ​ນິ  ແລະ ຈົບ​ເຄິ່ງ​ທຳ​ອິດ​ໄປ​ດ້ວຍ​ປະ­ຕູ​ນີ້.

    ເຄິ່ງ​ຫຼັງ ນາ­ທີ​ທີ່ 49 ເຊົາ​ແທມ​ຕັນ ຕີ​ສະ­ເໝີ​ເປັນ 2-2 ຈາກ ມາ​ໂນ​ໂລ ກັບ​ເບຍ​ດິ​ນີ ແລະ ກ່ອນ​ໝົດ​ເວ­ລາ 3 ນາ­ທີ ແມນຯ ຢູ​ໄນ​ເຕັດ ກໍ​ມາ​ໄດ້​ປະ­ຕູ​ໄຊ ເມື່ອ ເອ​ເຣ​ຣ່າ ໂດ່ງ​ບານ​ຈາກ​ຂວາ​ຢ່າງ​ແມ່ນ​ຢຳ ໄປ​ໃຫ້ ອິບ​ຣາ​ຮິ​ໂມ​ວິ​ຊ ເອົາ​ຫົວ​ຂຶ້ນ​ຕຳ​ບານ​ເຂົ້າ​ເຕັມ​ຕາ​ຂ່າຍ.

    ຈົບ​ເກມ ແມນຯ ຢູ​ໄນ​ເຕັດ ບຽດ​ຊະ­ນະ ເຊົາ​ແທມ​ຕັນ 3-2 ຄວ້າ​ແຊັມ​ລາຍ­ການ​ນີ້​ເປັນ​ສະ­ໄໝ​ທີ 5 ໄດ້​ສຳ­ເລັດ.

ຂ່າວທີ່ກ່ຽວຂ້ອງ