ຊົກ​ແນ່­ນອນ “ປາ​ກຽວ-ຂ່ານ” 23 ເມ­ສາ ລໍ­ຖ້າ​ຢືນ­ຢັນ​ສະ­ຖານ­ທີ່

1,233 01 ມີ.ນ. 2017 ວົງຈອນກີລາ
ຊົກ​ແນ່­ນອນ “ປາ​ກຽວ-ຂ່ານ”  23 ເມ­ສາ ລໍ­ຖ້າ​ຢືນ­ຢັນ​ສະ­ຖານ­ທີ່

    ແມນ​ນີ່ ປາ​ກຽວ ຍອດ​ນັກ​ມວຍ​ຊາວ​ຟິ​ລິບ​ປິນ ໄດ້​ກຳ­ນົດ​ການ​ຂຶ້ນ​ຊົກ​ໃໝ່​ແລ້ວ ໂດຍ​ຈະ​ພົບ​ກັບ ອາ​ມີ ຂ່ານ ນັກ​ມວຍ​ຈາກ​ສະ­ຫະ​ຣາ​ຊະ​ອາ­ນາ­ຈັກ ໃນ​ວັນ​ທີ 23 ເມ­ສາ​ນີ້ ຫຼັງ​ຈາກ​ທັງ 2 ຝ່າຍ​ໂພ​ສ​ຢືນ­ຢັນ​ຜ່ານ​ທວິດ​ເຕີ​ສ່ວນ​ຕົວ​ຮຽບ​ຮ້ອຍ​ແລ້ວ.

    ສຳ­ລັບ​ນັດ​ດັ່ງ­ກ່າວ ເກີດ​ຂຶ້ນ​ຫຼັງ​ຈາກ​ທີ່​ປາ​ກຽວ​ເປິດ​ໂອ­ກາດ​ໃຫ້​ກອງ​ເຊຍ​ມວຍ​ໄດ້​ລົງ​ຄະ­ແນນ​ສຽງ​ຜ່ານ​ທວິດ​ເຕີ​ສ່ວນ​ຕົວ ວ່າ​ຢາກ​ໃຫ້​ຕົນ​ຂຶ້ນ​ຊົກ​ກັບ​ນັກ​ມວຍ​ຄົນ​ໃດ​ເປັນ​ຄົນ​ຕໍ່​ໄປ ເຊິ່ງ​ປາ­ກົດ​ວ່າ​ຜູ້​ຄົນ​ລົງ​ຄະ­ແນນ​ສຽງ​ໃຫ້​ຂ່ານ​ຫຼາຍ​ທີ່​ສຸດ ຈຶ່ງ​ເກິດ​ການ​ເຈລະ­ຈາ​ຈົນ​ໄດ້​ກຳ­ນົດ​ການ​ຂຶ້ນ​ຊົກ​ແລ້ວ​ດັ່ງ­ກ່າວ.

    ທັງ​ນີ້​ຍັງ​ບໍ່​ມີ​ການ​ຢືນ­ຢັນ​ວ່າ​ນັດ​ດັ່ງ­ກ່າວ​ຈະ​ຊົກ​ກັນ​ບ່ອນ​ໃດ ແຕ່​ປາ​ກຽວ​ເຄີຍ​ເວົ້າ​ໄວ້​ວ່າ​ອາດ​ຈະ​ເປັນ​ທີ່​ສະ­ຫະ­ລັດ​ອາ​ຣັບ​ເອ​ມິ​ເຣດ ໂດຍ​ປາ​ກຽວ​ປັດ­ຈຸ­ບັນ​ຄອງ​ແຊັມ​ໂລກ​ຮຸ່ນ​ເວວ​ເຕີ​ເວດ​ຂອງ​ອົງ​ກອນ​ມວຍ​ໂລກ ຫຼື WBO ຂຶ້ນ​ຊົກ 67 ນັດ ຊະ­ນະ 59 ເສຍ 6 ສ່ວນ​ຂ່ານ​ຂຶ້ນ​ຊົກ​ໄປ​ແລ້ວ 35 ນັດ ຊະ­ນະ 31 ເສຍ 4.

ຂ່າວທີ່ກ່ຽວຂ້ອງ