ຫຼາຍ​ພາກສ່ວນ​ອຸປະຖຳ​ງານແຂ່ງຂັນ​ກີລາ​ເຜາະ​ກາຍ

485 15 ມີ.ນ. 2017 ວົງຈອນກີລາ
ຫຼາຍ​ພາກສ່ວນ​ອຸປະຖຳ​ງານແຂ່ງຂັນ​ກີລາ​ເຜາະ​ກາຍ

    ພິທີ​ເຊັນ​ສັນຍາ​ໃຫ້ການ​ອຸປະ ຖຳ​ຫຼັກ​ງານ​ແຂ່ງຂັນ​ກີລາ​ເຜາະ​ກາຍ ແລະ ຊາຍ-ຍິງ​ຫຸ່ນ​ດີ ປະຈຳ​ປີ 2017 ຈຳນວນ 100 ລ້ານ​ກີບ ຈັດ​ຂຶ້ນ​ວັນ​ທີ 13 ມີນາ 2017 ທີ່​ຄະນະ​ກຳມະການ​ໂອ​ແລມ​ປິກ​ ລາວ (ຄອລ) ລະຫວ່າງ​ ທ່ານ ສອນ​ສະຫວັນ ສຸກ​ດາລາ ຮອງ​ຜູ້   ອຳນວຍການ​ບໍລິສັດ ນະຄອນ ຫຼວງ​ອຸດສາຫະກຳ​ເຫຼັກ ຈຳກັດ (VSI) ແລະ ທ່ານ ບຸນ​ມີ ບັນ​ນາ​ວົງ ປະທານ​ສະຫະພັນ​ກີລາ​ເຜາະ​ກາຍ​ແຫ່ງ​ຊາດ​ລາວ ມີ​ທ່ານ ສົມ​ພູ ພົງສາ ຜູ້​ຊ່ວຍ​ລັດຖະມົນຕີ ກະຊວງ​ສຶກ​ສາ​ທິ​ການ ແລະ ກີລາ ທັງ​ເປັນ​ຮອງ​ປະທານ ແລະ ເລຂາທິການ ຄອລ ພ້ອມ​ດ້ວຍ​ພາກ ສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.
    ທ່ານ ບຸນ​ມີ ບັນ​ນາ​ວົງ ກ່າວ​ວ່າ: ການ​ຈັດການ​ແຂ່ງຂັນ​ກີລາ​ເຜາະ​ກາຍ​ຄັ້ງ​ນີ້ ເພື່ອ​ເປັນ​ການ​ສົ່ງເສີມ​ໃຫ້​ຄົນ​ລາວ​ມີ​ສຸຂະພາບ​ແຂງແຮງ​ເວົ້າ​ລວມ ເວົ້າ​ສະເພາະ​ແມ່ນ​ເປັນ​ການ​ສົ່ງເສີມ​ໃຫ້​ຊາວ​ໜຸ່ມ​ຫັນ​ມາ​ອອກກຳລັງ​ກາຍ ເພື່ອ​ໃຫ້​ມີ​ສຸຂະພາບ​ແຂງແຮງ​ຫ່າງ​ໄກ​ຈາກ​ສິ່ງ​ເສບ​ຕິດ ແລະ ສິ່ງ​ມືນ​ເມົາ​ຕ່າງໆ ອອກກຳລັງ​ກາຍ​ທີ່​ຖືກ​ວີ​ທີ ແລະ ມີ​ແບບແຜນ​ຈະ​ເຮັດ​ໃຫ້​ມີ​ສຸຂະພາບ​ດີ ມີ​ຈິດ​ແຈ່ມ​ໃສ ແລະ ມີ​ບຸກ​ຂະ​ລິກ​ທີ່​ສະຫງ່າ​ງາມ ປັດຈຸບັນ​ກີລາ​ເຜາະ​ກາຍ​ແມ່ນ​ໄດ້​ຮັບ​ຄວາມ​ນິຍົມ​ທັງ​    ພາຍ​ໃນ ແລະ ຕ່າງປະເທດ ເຊິ່ງ​ເປັນ​ເງື່ອນໄຂ​ທີ່​ເໝາະ​ສົມ​ໃນ​ການ ​ຈັດການ​ແຂ່ງຂັນ​ໃນ​ແຕ່​ລະ​ປີ ເພື່ອ​ຈະ​ໄດ້​ຄັດ​ເລືອກ​ເອົາ​ນັກກີລາ​ເຂົ້າ​ເປັນ​ທີມ​ຊາດ​ໃນ​ອະນາຄົດ ສະນັ້ນ​ ສະຫະພັນ​ຈຶ່ງ​ກຽມ​ຈັດ ການ​ແຂ່ງຂັນ​ກີລາ​ເຜາະ​ກາຍ ຫຼື “Mr.Lao 2017” ຂຶ້ນ​ໃນ​ວັນ​ທີ 1 ເມສາ 2017 ເລີ່ມ​ແຕ່​ເວລາ 16:00 ໂມງ​ເປັນຕົ້ນ​ໄປ​ ທີ່​ເດີ່ນ​ຈອດ​ລົດ​ຫໍ​ວັດທະນາ​ທຳ​ແຫ່ງ​ຊາດ ເຊິ່ງ​ຈະ​ມີ​ການ​ຖ່າຍ​ທອດ​ສົດ​ທາງ​ໂທລະພາບ​ແຫ່ງ​ຊາດ​ລາວ​ຊ່ອງ 1.
    ການ​ແຂ່ງຂັນ​ກີລາ​ເຜາະ​ກາຍ ນີ້​ມີ​ທັງ​ໝົດ 4 ຮຸ່ນ​ ຄື: ເຜາະ​ກາຍ​ຊາຍ ຮຸ່ນ​ນ້ຳໜັກ 70 ກິ​ໂລ​ລົງ​ມາ ຮຸ່ນ​ນ້ຳໜັກ 72 ກິ​ໂລ​ຂຶ້ນ​ໄປ ຊາຍ​ຫຸ່ນ​ງາມ​ທີ່​ມີ​ລວງ​ສູງ 170-180 ຊັງ​ຕີ​ແມັດ ແລະ ຍິງ​ຫຸ່ນ​ງາມ​ບໍ່​ຈຳກັດ​ລວງ​ສູງ ສ່ວນ​ເງິນ​ລາງວັນ​ເຜາະ​ກາຍ​ຊາຍ​ ຮຸ່ນ​ນ້ຳໜັກ 70 ແລະ 72 ກິ​ໂລ ທີ 1 ຈະ​ໄດ້​ຮັບ​ຂັນ+ເງິນສົດ 4 ລ້ານ​ກີບ ທີ 2 ໄດ້​ຮັບ​ຂັນ+ເງິນສົດ 3 ລ້ານ​ກີບ ແລະ ທີ 3 ໄດ້​ຮັບ​ຂັນ+ເງິນສົດ 2 ລ້ານ​ກີບ ຊາຍ​ຫຸ່ນ​ງາມ ແລະ ຍິງ​ຫຸ່ນ​ງາມ ທີ 1 ໄດ້​ຮັບ​ຂັນ+ ເງິນສົດ 2 ລ້ານ​ກີບ ທີ 2 ໄດ້​ຮັບ​ຂັນ+ເງິນສົດ 1,5 ລ້ານ​ກີບ ແລະ ທີ 3 ໄດ້​ຮັບ​ຂັນ+ເງິນສົດ 1 ລ້ານ​ກີບ.
    ສຳລັບ​ຜູ້​ໃຫ້ການ​ສະໜັບສະ ໜູນ​ຄັ້ງ​ນີ້​ປະກອບ​ມີ​ ບໍລິສັດ ນະ ຄອນຫຼວງ​ ອຸດສາຫະກຳ​ເຫຼັກ 100 ລ້ານ​ກີບ ບໍລິສັດ ແອ​ລ​ເຄ​ການ​ຄ້າ 15 ລ້ານ​ກີບ ບໍລິສັດ ເອ​ັສ​ທີ​ ກຣຸບ 10 ລ້ານ​ກີບ ສູນ​ອອກກຳລັງ​ກາຍ​ແສງ​ດາລາ 3  ລ້ານ​ກີບ ພ້ອມ​ອອກກຳລັງ​ກາຍ  ​ຟຣີ 1 ປີ ລວມ 16,4 ລ້ານ​ກີບ (ສຳລັບ​ຜູ້​ຊະນະ​ເລີດ) ສູນ​ອອກ ກຳລັງ​ກາຍ​ອັບ​ທູ​ຢູ 5 ລ້ານ​ກີບ ພ້ອມ​ອອກກຳລັງ​ກາຍ​ຟຣີ 1 ປີ ລວມ 10 ລ້ານ​ກີບ (ສຳລັບ​ຜູ້​ຊະ  ນະ​ເລີດ) ບໍລິສັດ ພິດ​ຊາ​ຄອມ​ປານີ ແລະ ເທັກ​ຊັດ​ຊິກ​ເກັນ 10  ລ້ານ​ກີບ ແລະ ຍັງ​ມີ​ບັນດາ​ບໍລິ ສັດ​ຫ້າງ​ຮ້ານ​ອີກ​ຈຳນວນ​ໜຶ່ງ​ທີ່​ໄດ້​ຮ່ວມ​ອຸປະຖຳ​ການ​ແຂ່ງຂັນ​ຄັ້ງ​ນີ້.

ຂ່າວທີ່ກ່ຽວຂ້ອງ