ລັດ​ຖະ​ສະ­ພາ​ອັງ­ກິດ ຮັບ­ຮອງ​ຮ່າງ​ກົດ­ໝາຍ Brexit ຢ່າງ​ເປັນ​ທາງ​ການ

234 15 ມີ.ນ. 2017 ຂ່າວຕ່າງປະເທດ
ລັດ​ຖະ​ສະ­ພາ​ອັງ­ກິດ ຮັບ­ຮອງ​ຮ່າງ​ກົດ­ໝາຍ Brexit ຢ່າງ​ເປັນ​ທາງ​ການ

ຕອນ​ເຊົ້າ​ວັນ​ທີ 14 ມີ­ນາ​ນີ້ ສອງ​ສະ­ພາ​ໃນ​ລັດ​ຖະ​ສະ­ພາ​ອັງກິດ ໄດ້​ປ່ອນ​ບັດ​ຮັບ­ຮອງ​ຮ່າງ​ກົດໝາຍ ວ່າ​ດ້ວຍ​ການ​ທີ່​ອັງ­ກິດ ຖອນ​ຕົວ​ອອກ​ຈາກ​ສະ­ຫະ­ພາບເອີ​ຣົບ (EU) ຫຼືທີ່​ເອີ້ນ​ວ່າ Brexit ເປັນ​ການ​ເປີດ​ທາງ​ຢ່າງເປັນ​ທາງ​ການ​ໃຫ້​ແກ່​ລັດ­ຖະ­ບານຂອງ​ນາ­ຍົກ­ລັດ­ຖະ­ມົນ­ຕີ ເຕ​ເຣ​ຊາ ເມ ໃນ​ການ​ແຈ້ງ​ຕໍ່​ບັນ­ດາ​ຜູ້­ນຳຂອງ EU ກ່ຽວ​ກັບ​ແຜນ­ການ​ທີ່ອັງ­ກິດ ​ອອກ​ໄປ​ຈາກ EU.

ດ້ວຍ 274 ສຽງ​ເຫັນ​ດີ ແລະ 11 ສຽງ​ຄັດ­ຄ້ານ​ນັ້ນ ສະ­ພາ​ສູງອັງ­ກິດ​ ໄດ້​ຮັບ­ຮອງ​ຮ່າງ​ກົດ­ໝາຍ Brexit ຊຶ່ງ​ສະ­ພາ​ຕ່ຳ​ອັງ­ກິດ​ ຮັບຮອງ​ໄປ​ກ່ອນ​ໜ້າ​ນັ້ນ ​ດ້ວຍ​ອັດ­ຕາສ່ວນ 335-287.

ຄາດ​ວ່າ ຮ່າງ​ກົດ­ໝາຍ Brexit ຈະ​ໄດ້​ຮັບ​ການ​ໃຫ້​ສັດ­ຕະ­ຍາ­ບັນ ໂດຍ​ພະ​ລາ​ຊີ​ນີ​ອັງ­ກິດ​ ເປັນ​ຢ່າງໄວພາຍ​ໃນ​ວັນ​ທີ 14 ມີ­ນາ​ນີ້ ຊ່ວຍ​ໃຫ້​ນາ­ຍົກ­ລັດ­ຖະ­ມົນ­ຕີ ເມ ມີ​ຄວາມ​ພ້ອມ​ໃນ​ການ​ເລີ່ມ​ຕົ້ນຂະ​ບວນ​ການ​ເຈລະ­ຈາ​ແກ່­ຍາວເປັນ​ເວ­ລາ 2 ປີ ກັບ EU ຕາມທີ່​ລະ­ບຸ​ຢູ່​ໃນ​ມາດ­ຕາ 50 ຂອງ​ສົນທິ​ສັນ­ຍາ ລິ​ສ​ບອນ.

ຂ່າວທີ່ກ່ຽວຂ້ອງ