ຕ້ອງ​ລະ­ວັງ​ເວ­ລາ​ອອກ­ທ່າ​ທາງ​ປະ­ກອບ​ຄຳ​ເວົ້າ​ໃນ​ໂຕະ​ອາ­ຫານ - ໂດຍ : ສາວ​ສິ້ນ​ແຕ້ມ

439 21 ມີ.ນ. 2017 ຫົວຂໍ້ຂ່າວອື່ນໆ
ຕ້ອງ​ລະ­ວັງ​ເວ­ລາ​ອອກ­ທ່າ​ທາງ​ປະ­ກອບ​ຄຳ​ເວົ້າ​ໃນ​ໂຕະ​ອາ­ຫານ - ໂດຍ : ສາວ​ສິ້ນ​ແຕ້ມ

ເວ­ລາ​ຮ່ວມ​ໂຕະ​ອາ­ຫານ​ກັບ​ແຂກ​ຄົນ ບໍ່​ວ່າ​ຈະ​ເປັນ​ລະ­ດັບ​ໃດ​ກໍ່​ຕາມ ເຮົາ​ຕ້ອງ​ມີ​ສະ­ຕິ​ລະ­ວັງ​ຕົວ ຢ່າ​ເຮັດ​ແນວ​ແຕກ​ປອກ​ອອກ​ຄອງ​ມາ­ລະ­ຍາດ ສິ່ງ​ທີ່​ຄວນ​ລະ­ວັງ​ທີ່​ສຸດ​ກໍ່​ຄື ເວ­ລາ​ໃຊ້​ພາ­ສາ​ກາຍ ເຊັ່ນ: ເວ­ລາ​ໃຊ້​ມື​ປະ­ກອບ​ຄຳ​ເວົ້າ ຫ້າມ​ເດັດ­ຂາດ​ຢ່າ​ໃຊ້​ສ້ອມ ບ່ວງ ມີດ ໄມ້​ຖູ່ ຊີ້​ຜູ້​ນັ້ນ​ຜູ້​ນີ້ ທີ່​ຕ້ອງ​ເຕືອນ​ກັນ​ໄວ້​ກໍ່​ເພາະ­ວ່າ​ເຄີຍ​ເຫັນ​ຫຼາຍ​ກໍ­ລະ­ນີ​ຜິດ­ພາດ​ມາ​ແລ້ວ ຈະ​ເປັນ​ການ​ເຮັດ​ດ້ວຍ​ເຈ­ຕະ­ນາ ຫຼື ບໍ່​ກໍ່​ຕາມ ມັນ​ເບິ່ງ​ບໍ່​ງາມ ດັ່ງ­ນັ້ນ ເວ­ລາ​ກິນ​ເຂົ້າ ກ່ອນ​ຈະ​ໃຊ້​ມື​ປະ­ກອບ​ເວ­ລາ​ມີ​ຄຳ​ເຫັນ ຫຼື ເວ­ລາ​ສົນ­ທະ­ນາ​ກັບ​ເພື່ອນ​ຮ່ວມ​ໂຕະ ຄວນ​ປົງ​ບ່ວງ ສ້ອມ ມີດ ຫຼື ໄມ້​ຖູ່​ໄວ້​ກ່ອນ ບໍ່​ຊັ້ນ​ອາດ​ຈະ​ຜິດ­ພາດ​ໄດ້​ໂດຍ​ບໍ່​ຮູ້­ເມື່ອ​ຄີງ ອີກ​ປາ­ກົດ­ການ​ໜຶ່ງ​ທີ່​ຄວນ​ເອົາ­ໃຈ­ໃສ່ ຄື: ຢ່າ​ຫຼົງ​ໃຊ້​ບ່ວງ ສ້ອມ ຫຼື ໄມ້​ຖູ່ ເຄາະ​ຖ້ວຍ ເຄາະ​ໜ້າ​ໂຕະ​ຫຼິ້ນ​ຄື​ຕີ​ກອງ ຍົກ­ເວັ້ນ​ໃນ​ກໍ­ລະ­ນີ​ຕ້ອງ­ການ​ມີ​ຄຳ​ເຫັນ​ເພື່ອ​ເຕືອນ​ໃຫ້​ໝູ່​ງຽບ ຫຼື ຕັ້ງ­ໃຈ​ຟັງ​ກໍ່​ສາ­ມາດ​ໃຊ້​ບ່ວງ ຫຼື ສ້ອມ ເຄາະ​ຈອກ​ໄດ້ ແຕ່​ຢ່າ​ເຄາະ​ເກີນ 3 ຄັ້ງ​ເດັດ­ຂາດ.

ຂ່າວທີ່ກ່ຽວຂ້ອງ