G20 ບໍ່​ບັນ­ລຸ​ຄວາມ​ຄືບ​ໜ້າ​ກ່ຽວ​ກັບ​ການ​ຄ້າ​ເສລີ ແລະ ການ​ປົກ​ປ້ອງ​ການ​ຄ້າ

161 21 ມີ.ນ. 2017 ຂ່າວຕ່າງປະເທດ
G20 ບໍ່​ບັນ­ລຸ​ຄວາມ​ຄືບ​ໜ້າ​ກ່ຽວ​ກັບ​ການ​ຄ້າ​ເສລີ ແລະ ການ​ປົກ​ປ້ອງ​ການ​ຄ້າ

ພາຍ­ຫຼັງ​ທີ່​ໄດ້​ປະ­ຊຸມ​ມາ​ເວລາ​ສອງ​ວັນ (17-18 ມີ­ນາ) ຢູ່​ທີ່ເມືອງ ບາ​ເດນ-ບາ​ເດນ ຂອງ ເຢຍ​ລະ​ມັນ ກອງ​ປະ­ຊຸມ​ລັດຖະມົນ­ຕີ​ການ​ເງິນ ແລະ ຜູ້​ວ່າ­ການທະ­ນາ­ຄານກຸ່ມ​ປະ­ເທດ​ພັດ​ທະນາ ແລະ ເກີດ​ໃໝ່​ຊັ້ນ​ນຳ​ຂອງໂລກ (G20) ກໍ່​ໄດ້​ອອກຖະ­ແຫຼງການ​ຮ່ວມ ໂດຍ​ທີ່​ບໍ່​ມີ​ຄຳ​ສັນຍາ​ໃດໆ​ທີ່​ຈະ­ແຈ້ງກ່ຽວ​ກັບ​ການຄ້າ​ເສລີ ແລະ ການ​ຕ້ານ​ການປົກ​ປ້ອງ​ການ​ຄ້າ.

ແຫຼ່ງ​ຂ່າວ​ທີ່​ມີ​ອອກ​ມາ​ກ່ອນໜ້າ​ນັ້ນລະ­ບຸ​ວ່າ ກອງ​ປະ­ຊຸມ G20 ໃນ​ເທື່ອ​ນີ້​ ອາດ​ຈະ​ນຳ​ເອົາຄຳ​ສັນ­ຍາ​ທີ່​ຈະ­ແຈ້ງ​ອອກ​ມາກ່ຽວ​ກັບ​ການ​ຄ້າ​ເສລີ ແລະ ການຕ້ານ​ການ​ປົກ​ປ້ອງ​ການ​ຄ້າ ແຕ່ເຖິງ​ຢ່າງ­ໃດ​ກໍ່​ຕາມ ຫຼັງ​ຈາກ​ທີ່ໄດ້​ປະ­ຊຸມ​ເປັນ​ເວ­ລາ 2 ວັນ ກອງປະ­ຊຸມ​ກໍ່​ບັນ­ລຸ​ໄດ້​ການ​ຕົກ­ລົງ​ກັນທີ່​ຕ່ຳ​ສຸດ ແລະ ບໍ່​ໄດ້​ມີ​ຄຳ​ສັນຍາ​ຮ່ວມ​ກັນ​ທີ່​ຈະ­ແຈ້ງ​ອອກ​ມາແຕ່​ຢ່າງ­ໃດ.

ຂ່າວທີ່ກ່ຽວຂ້ອງ