ກຳ­ປັ່ນ​ຜູ້​ລີ້​ໄພ​ຊາວ​ໂຊ​ມາ­ລີ ຖືກ​ໂຈມ​ຕີ​ຈາກ​ເຮືອ­ບິນ​ເອ​ລີ​ກອບ​ແຕ

109 21 ມີ.ນ. 2017 ຂ່າວຕ່າງປະເທດ
ກຳ­ປັ່ນ​ຜູ້​ລີ້​ໄພ​ຊາວ​ໂຊ​ມາ­ລີ ຖືກ​ໂຈມ​ຕີ​ຈາກ​ເຮືອ­ບິນ​ເອ​ລີ​ກອບ​ແຕ

ຂ່າວ­ສານ Reuters ລາຍງານ​ວ່າ ກອງ​ກຳ­ລັງ​ປ້ອງ​ກັນ​ຝັ່ງທະ­ເລ ຢູ່​ໃນ​ເຂດໂຮ​ເດ​ດາ ທີ່ຄວບ​ຄຸມ​ໂດຍ​ກຸ່ມ​ມື​ປືນ​ມຸ​ສລິມ ຮູຕີ ແຈ້ງ​ໃຫ້​ຮູ້­ເມື່ອ​ອາ­ທິດ​ທີ່​ຜ່ານມາ​ວ່າ ເຮືອ­ບິນ​ເອ​ລີ​ກອບ​ແຕ​ລຳໜຶ່ງ​ໄດ້​ປະ­ຕິ­ບັດ​ການ​ໂຈມ​ຕີ​ລົງໃສ່​ກຳ­ປັ່ນ​ບັນ­ທຸກ​ຜູ້​ລີ້​ໄພຊາວ​ໂຊມາ­ລີ ຢູ່​ໃນ​ເຂດ​ນອກ​ຝັ່ງ​ທະ­ເລເຢ​ແມນ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 42 ຄົນ ແລະ ບາດ­ເຈັບ 29 ຄົນ ຈາກ​ຈຳ­ນວນ​ຜູ້​ຢູ່​ໃນ​ກຳ­ປັ່ນທັງ​ໝົດ 150 ກວ່າ​ຄົນ.

ເຈົ້າ​ໜ້າ­ທີ່​ກອງ​ກຳ­ລັງ​ປ້ອງກັນ​ຝັ່ງ​ທະ­ເລ ຢັ້ງ­ຢືນ​ວ່າ ບັນ­ດາຜູ້​ລີ້​ໄພ​ດັ່ງ­ກ່າວ​ມີ​ໜັງ­ສື​ຢ່າງ​ເປັນທາງ​ການ​ຂອງ​ອົງ­ການ​ຂ້າຫຼວງໃຫຍ່​ສະ­ຫະ​ປະ­ຊາ​ຊາດ ກ່ຽວ​ກັບຜູ້​ລີ້​ໄພ (UNHCR) ຊຶ່ງ​ພວມ​ເດີນທາງ​ຈາກ​ເຢ​ແມນ ໄປ​ຍັງ​ຊູ​ດານ ກໍ​ຖືກ​ໂຈມ​ຕີ​ໂດຍ​ເຮືອ­ບິນ​ເອ​ລີກອບ​ແຕ​ລຳ​ໜຶ່ງ ໃນ​ເວ­ລາ​ທີ່­ຢູ່ໃກ້ໆ​ກັບ​ຊ່ອງ​ແຄບ​ທະ­ເລ ບັບ ອາ​ລ-ມັນ ໃນ​ຂະ­ນະ​ດຽວ​ກັນ ຄົນຂັບ​ກຳ­ປັ່ນ​ໃຫ້​ຮູ້​ວ່າ ມີ​ຜູ້​ລີ້​ໄພ​ໄດ້ຮັບ​ຄວາມ​ຊ່ວຍ­ເຫຼືອ​ໃຫ້​ລອດ​ຊີວິດ​ຈາກ​ການ​ໂຈມ​ຕີ​ນັ້ນ 80 ຄົນ.

ຂ່າວທີ່ກ່ຽວຂ້ອງ