IS ອ້າງ​ຄວາມ​ຮັບ­ຜິດ­ຊອບ​ຕໍ່​ການ​ວາງ​ລະ­ເບີດ​ໃນ​ບັງ​ກລາ​ເດ​ສ

140 21 ມີ.ນ. 2017 ຂ່າວຕ່າງປະເທດ
IS ອ້າງ​ຄວາມ​ຮັບ­ຜິດ­ຊອບ​ຕໍ່​ການ​ວາງ​ລະ­ເບີດ​ໃນ​ບັງ​ກລາ​ເດ​ສ

ອົງ­ການ ລັດ​ອິ​ສລາມ (IS) ໄດ້​ກ່າວ​ອ້າງ​ຄວາມ​ຮັບ­ຜິດ­ຊອບ ເມື່ອ​ວັນ​ທີ 18 ມີ­ນາ​ນີ້ວ່າ ​ເປັນ​ຜູ້ດຳ­ເນີນ​ການ​ວາງ​ລະ­ເບີດສະ­ລະຊີບ ຊຶ່ງ​ເກີດ​ຂຶ້ນ​ກ່ອນ​ໜ້າ​ນັ້ນ​ໜຶ່ງວັນ ຢູ່​ທີ່​ຄ້າຍ​ທະ­ຫານ​ແຫ່ງ​ໜຶ່ງຂອງ​ກອງ​ກຳ­ລັງ​ປະ­ຕິ­ບັດ​ງານ​ພິເສດຂອງ​ບັງ​ກລາເດ​ສ.

ຄຳ​ຖະ­ແຫຼງ​ຂອງ IS ມີ​ອອກມາ​ຜ່ານ​ວິ­ທະ­ຍຸ​ກະ­ຈາຍ­ສຽງ  al-Bayan ໂດຍ​ຊີ້​ແຈງ​ວ່າ​ນັກ­ຮົບສັກ­ສິດ​ຄົນ​ໜຶ່ງ​ໃນ​ບັງ​ກລາ​ເດສ ໄດ້​ສະ­ຫຼະ​ຊີບ​ດ້ວຍ​ການ​ວາງ​ວັດ­ຖຸລະ­ເບີດ ຢູ່​ໃນ​ຄ້າຍ​ທະ­ຫານ​ແຫ່ງໜຶ່ງ​ຂອງ​ກອງ​ກຳ­ລັງ​ປະ­ຕິ­ບັດ​ໜ້າທີ່​ພິ­ເສດ ຢູ່​ໃນນະ­ຄອນ­ຫຼວງ​ດາກາ ເປັນ​ເຫດ​ໃຫ້​ມີ​ຜູ້​ໄດ້​ຮັບ​ບາດເຈັບ 2 ຄົນ.

ເມື່ອ​ປີ​ກາຍ IS ກໍ່​ໄດ້​ຍອມ­ຮັບວ່າ ເປັນ​ຝ່າຍ​ໂຈມ​ຕີ​ຮ້ານ​ກາ­ເຟແຫ່ງ​ໜຶ່ງຢູ່​ໃນ​ນະ­ຄອນ­ຫຼວງດາກາ ທີ່​ເປັນ​ເຫດ​ໃຫ້​ມີ​ຜູ້​ເສຍຊີ­ວິດ 22 ຄົນ ໃນ​ນັ້ນ ເປັນ​ຊາວ​ຕ່າງປະ­ເທດ 18 ຄົນ.

ຂ່າວທີ່ກ່ຽວຂ້ອງ