ທະ­ຫານ​ອາ​ຟະ​ກາ​ນິດ​ສະ­ຖານ ຍິງ​ປືນ​ໃສ່​ທະ­ຫານ ສ ອາ​ເມ​ຣິ​ກາ ໃນ​ຂະ­ນະ​ທີ່​ເຝິກ­ຊ້ອມ

286 21 ມີ.ນ. 2017 ຂ່າວຕ່າງປະເທດ
ທະ­ຫານ​ອາ​ຟະ​ກາ​ນິດ​ສະ­ຖານ ຍິງ​ປືນ​ໃສ່​ທະ­ຫານ ສ ອາ​ເມ​ຣິ​ກາ ໃນ​ຂະ­ນະ​ທີ່​ເຝິກ­ຊ້ອມ

ວິ­ທະ­ຍຸ​ສຽງ​ອາ​ເມ​ຣິ​ກາ ລາຍງານ​ວ່າ ທະ­ຫານ​ຂອງອາ​ຟະ​ການິດ​ສະ­ຖານ​ຜູ້​ໜຶ່ງ ໄດ້​ຍິງ​ປືນ​ໃສ່ທະ­ຫານ ສ ອາ​ເມ​ຣິ​ກາ ຈົນໄດ້ຮັບ​ບາດ­ເຈັບ 3 ຄົນ ໃນ​ຂະ­ນະທີ່​ພວມ​ເຝິກ­ຊ້ອມ​ຢູ່​ໃນ​ຖານ​ທັບແຫ່ງ​ໜຶ່ງ ໃນ​ແຂວງ ເຮລ​ແມນ (ພາກ​ໃຕ້​ອາ​ຟະ​ກາ​ນິດສະ­ຖານ) ເມື່ອ​ວັນ​ທີ 19 ມີ­ນາ​ນີ້.

ຄະ­ນະ​ຂອງ​ອົງ­ການ​ສົນ­ທິ­ສັນ­ຍາປ້ອງ​ກັນ​ອັດ​ລັງ​ຕິກ​ເໜືອ (NATO) ປະ­ຈຳ​ອາ​ຟະ​ກາ​ນິດ​ສະ­ຖານ ໃຫ້​ຮູ້ວ່າ ທະ­ຫານ​ຂອງ ສ ອາ​ເມ​ຣິ​ກາ ທັງ 3 ຄົນ ທີ່​ໄດ້​ຮັບ​ບາດ­ເຈັບ​ນັ້ນ ພວມ​ໄດ້​ຮັບ​ການ​ດູ​ແລ​ຈາກ​ແພດໝໍ ໃນ​ຂະ­ນະ​ດຽວ​ກັນ ເຈົ້າ​ໜ້າ­ທີ່ອາ​ຟະກາ​ນິດ​ສະ­ຖານ ເວົ້າ​ວ່າ ທະ­ຫານ​ຜູ້​ທີ່​ກໍ່​ເຫດ​ນັ້ນ​ໄດ້​ຖືກ​ທະຫານ​ຕ່າງ­ປະ­ເທດ​ຍິງ​ຕາຍ.

ຂ່າວທີ່ກ່ຽວຂ້ອງ