NATO ສົ່ງ​ທະ­ຫານ​ຄັ້ງ​ໃຫຍ່ ໄປ​ຍັງ​ເອີ​ຣົບ​ຕາ­ເວັນ​ອອກ

288 21 ມີ.ນ. 2017 ຂ່າວຕ່າງປະເທດ
NATO ສົ່ງ​ທະ­ຫານ​ຄັ້ງ​ໃຫຍ່ ໄປ​ຍັງ​ເອີ​ຣົບ​ຕາ­ເວັນ​ອອກ

ຂໍ້​ມູນ​ຈາກ​ໜັງ­ສື­ພິມ Guardian ສະ­ບັບ​ວັນ​ທີ 18 ມີ­ນາ ໃຫ້​ຮູ້​ວ່າ ອັງ­ກິດ ​ຈະ​ສົ່ງ​ທະ­ຫານ 800 ຄົນ ໄປ​ຍັງ​ເອ​ສ​ໂຕ​ເນຍ ເພື່ອ​ປະ­ຕິ­ບັດພັນ­ທະ​ຂອງ​ຕົນ ຢູ່​ໃນ​ອົງ­ການ​ສົນທິ​ສັນ­ຍາ​ປ້ອງ​ກັນອັດ​ລັງ​ຕິກ​ເໜືອ (NATO).

ການ​ສົ່ງ​ທະ­ຫານ​ອັງ­ກິດ ໄປປະ­ຈຳ­ການ​ຢູ່​ໃນ​ເອ​ສ​ໂຕ​ເນຍ ແມ່ນ​ນອນ​ຢູ່​ໃນຂອບ​ຂອງ​ບັ້ນ​ຮົບສົ່ງ​ທະ­ຫານ​ຄັ້ງ​ໃຫຍ່​ຂອງ NATO ໄປ​ຍັງ​ເອີ​ຣົບ​ຕາ­ເວັນ​ອອກ ​ໃນ​ຮອບຫຼາຍ​ທົດ​ສະ​ວັດ​ທີ່​ຜ່ານ​ມາ.

ອັງ­ກິດ ຮັບ​ບົດ­ບາດ​ເປັນ​ແກນນຳ​ກຸ່ມ​ການ​ທະ­ຫານ​ຂອງ NATO ຢູ່​ໃນເອ​ສ​ໂຕ​ເນຍ ໃນ​ຂະ­ນະ​ທີ່​ປະເທດ​ສະ­ມາ­ຊິກ​ອື່ນໆ​ຂອງ NATO ຈະ​ຜັນ​ຂະ­ຫຍາຍ​ທະ­ຫານ​ໄປ​ຍັງ ລັດ​ເວຍ ລິດ​ຕູ​ອາ​ນີ ແລະ ໂປໂລຍ ເໝືອນ​ກັບ​ວ່າ​ເປັນ​ສ່ວນ​ໜຶ່ງໃນ​ແຜນ­ການເພີ່ມ​ທະ­ວີ​ການ​ມີໜ້າ​ຂອງ NATO ຢູ່​ໃນ​ເອີ​ຣົບ​ຕາເວັນ​ອອກ.

ໃນ​ຂະ­ນະ​ດຽວ​ກັນ ອັງ­ກິດ ກໍ່​ສົ່ງ​ລົດ​ການ​ທະ­ຫານປະ­ມານ 300 ຄັນ ໄປ​ຍັງ ​ເອ​ສ​ໂຕ​ເນຍ ໃນນັ້ນ ມີ​ລົດ​ຖັງ​ປະ­ກອບ​ລະ­ບົບປ້ອງກັນ Challenger 2 ທີ່​ດີ​ທີ່​ສຸດ​ໃນໂລກ ລົດ​ຖັງ​ສູ້​ຮົບ Warrior ແລະ ລູກ​ສອນ​ໄຟ​ເຄື່ອນ​ທີ່ AS90.

ຂ່າວທີ່ກ່ຽວຂ້ອງ