ນິ­ໄສ​ຈັງ­ໄຮ ໄຮ້​ຢາງ​ອາຍ - ໂດຍ: ສາວ​ສິ້ນ​ແຕ້ມ

427 24 ມີ.ນ. 2017 ຫົວຂໍ້ຂ່າວອື່ນໆ
ນິ­ໄສ​ຈັງ­ໄຮ ໄຮ້​ຢາງ​ອາຍ - ໂດຍ: ສາວ​ສິ້ນ​ແຕ້ມ

ກາ​ຕູນ​ເຕືອນ​ສະ­ຕິ​ແຜ່ນ​ນີ້ ​ເວົ້າ​ເຖິງ​ຄວາມ​ເຫັນ­ແກ່​ໂຕ​ຂອງ​ບາງຄົນ ​ເວ­ລາ​ໃຊ້​ສະ­ຖານ­ທີ່​ອຳ­ນວຍ​ຄວາມ​ສະ­ດວກ​ລວມ​ສຳ­ລັບ​ມວນຊົນ ເຊັ່ນ: ບ່ອນ​ນັ່ງ​ສຳ­ລັບ​ລໍ­ຖ້າ​ລົດ­ເມ​ປະ­ຈຳ​ທາງ ບ່ອນ​ນັ່ງ​ໃນ​ພາ­ຫະນະ​ໂດຍ­ສານ​ອື່ນໆ ຄົນ​ທີ່​ເຫັນ­ແກ່​ໂຕເຫຼົ່າ​ນີ້​ມັກ​ຈະ​ເໝົາ​ເອົາ​ເອງ​ວ່າຂອງ​ລັດ-ຂອງ​ຫຼວງ ຢາກ​ເຮັດ​ແນວ­ໃດ​ກໍ່​ເຮັດ​ໄດ້ ເຊັ່ນ: ນັ່ງ​ຈ່າງ​ຂາກວມ​ເອົາ​ບ່ອນ​ນັ່ງ​ຂອງຄົນ​ອື່ນ ນອນ​ຢຽດ​ວາງ​ຂາ​ສະ­ບາຍໃນ​ຂະ­ນະຄົນ​ອື່ນ​ຢືນ​ຈົນ​ຂາ​ແຂງ ມີ​ບາງ​ຄົນ​ນອກ­ຈາກ​ນັ່ງ​ແລ້ວ​ກໍ​ຍັງ​ເອົາ​ຖົງ ຫຼື ເຄື່ອງຂອງ​ສ່ວນ​ຕົວ​ວາງ​ໄວ້​ຕັ່ງ​ວ່າງ ທີ່​ຄວນ​ປະ​ໄວ້​ໃຫ້​ຄົນ​ອື່ນ​ນັ່ງ ​ຄົນ​ທີ່​ມີ​ນິ­ໄສ​ແບບ​ນີ້​ເຖິງ​ຈະ​ມີ​ປະ­ລິນ­ຍາ​ສູງໆ ຮຽນ​ຈົບ​ຈາກ 5 ມະ­ຫາວິ­ທະ­ຍາ­ໄລ ແຕ່​ກໍ່​ຈະ​ບໍ່​ມົ້ມ​ຖືກ​ຖາກ​ໜ້າ​ວ່າ​ ມາ­ລະ­ຍາດ​ຕ່ຳ​ຈຳ​ດິນ.

ຂ່າວທີ່ກ່ຽວຂ້ອງ