ຮູ້ພາສາລາວ ມື້ລະຄຳ : ນ້ຳ​ຂຶ້ນ​ຮີບ​ຕັກ

1,196 03 ມ.ສ. 2017 ຫົວຂໍ້ຂ່າວອື່ນໆ

ຄຳ​ສຳ­ນວນ​ບູ­ຮານ​ທີ່​ໃຊ້​ເປັນ​ເຕືອນ​ສະ­ຕິ ຫຼື ຄຳ​ສັ່ງ­ສອນ.

ສຳ­ນວນ​ນີ້, ແມ່ນ​ການ​ປຽບ­ທຽບ​ສອງ​ຢ່າງ​ທີ່​ຕ່າງ​ກັນ ໂດຍ​ການ​ໃຊ້​ຄຳ​ຮູບ​ປະ​ທຳ​ໃສ່​ກັບ​ຄຳ​ນາມ­ທຳ ເຊິ່ງ​ຄຸນ­ຄ່າ​ຂອງ​ຄວາມ​ໝາຍ​ແມ່ນ​ເທົ່າ​ກັນ. ນ້ຳ ໝາຍ​ເຖິງ ໂອ­ກາດ, ຂຶ້ນ ໝາຍ​ເຖິງ ມີ ແລະ ຮີບ​ຕັກ ໝາຍ​ເຖິງ ໃຊ້​ໂອ­ກາດ. ຖ້າ​ອະ­ທິ­ບາຍ​ຕາມ​ທິດ​ສະ​ດີ​ພາ­ສາ​ສາດ​ແລ້ວ​ແມ່ນ​ເຊື່ອມ​ຄວາມ​ໝາຍ​ຂອງ​ສອງ​ຢ່າງ​ເຂົ້າ­ກັນ​ແລ້ວ ຈຶ່ງ​ໝາຍ​ເຖິງ ເມື່ອ​ມີ​ໂອ­ກາດ​ມາ​ຮອດ​ເຮົາ​ຕ້ອງ​ຮີບ​ໃຊ້​ໂອ­ກາດ​ນັ້ນ​ໃຫ້​ເກີດ​ປະ­ໂຫຍດ​ໃນ​ທາງ​ທີ່​ດີ. ດັ່ງ­ນັ້ນ, ສຳ­ນວນ​ນີ້​ສາ­ມາດ​ໃຊ້​ໃນ​ຊີ­ວິດ​ປະ­ຈຳ​ວັນ​ໄດ້ ແຕ່​ບໍ່​ຄວນ​ນຳ­ໄປ​ໃຊ້​ໃນ​ເຈດ​ຕະ​ນາ​ທີ່​ບໍ່​ດີ.

ຕົວ­ຢ່າງ:

- ທ້າວ​ສີ​ວອນ​ເຮັດ​ວຽກ​ດີ ຈົນ​ນາຍ​ຈ້າງ​ຮັກ­ແພງ ແລະ ເຊື່ອ​ໝັ້ນ, ລາວ​ກໍ​ໄດ້​ຕັ້ງ­ໃຈ​ເຮັດ​ວຽກ ຈົນ​ໄດ້​ເປັນ​ຮອດ​ເລ­ຂາ​ຫົວ­ໜ້າ​ເລີຍ

- ເວ­ລາ​ມີ​ຄົນ​ສົນ­ໃຈ​ມັກ​ຮັກ​ເຮົາ ກໍ​ຄວນ​ປະ­ພຶດ​ຕົນ​ໃຫ້​ດີ​ກັບ​ເຂົາ.

- ນ້ຳ​ຂຶ້ນ​ຮີບ​ຕັກ ສາວ​ມັກ​ຮີບ​ເອົາ​ໂລດ! (ເຕືອນ​ວ່າ ຍາມ​ໄດ້​ຕຳ­ແໜ່ງ ຢ່າ​ຄິດ​ກອບ­ໂກຍ...)

ຂ່າວທີ່ກ່ຽວຂ້ອງ