ຮູ້ພາສາລາວ ມື້ລະຄຳ : ທວງ

1,208 03 ມ.ສ. 2017 ຫົວຂໍ້ຂ່າວອື່ນໆ

ຄຳ​ນາມ ເປັນ​ຄຳ​ລາວ​ເດີມ ແປ​ວ່າ 1/ ໃຈ, ຫົວ­ໃຈ, ຈິດ­ໃຈ, ຫົວ​ເອິກ, ຫົວ­ອົກ (ວັດ​ຈະ​ນາ​ນຸກົມ​ພາ­ສາ​ລາວ ທອງ­ຄຳ ອ່ອນມະ­ນີ​ສອນ 2008:454). ໃນຊີ­ວິດ​ປະ­ຈຳ​ວັນ ຄວາມ​ໝາຍ​ທີໜຶ່ງ​ຈະ​ບໍ່​ພົບ​ເຫັນ​ໃຊ້​ຄຳ​ນີ້​ຫຼາຍ ແຕ່​ຈະ​ເຫັນ​ໃຊ້​ຄວາມໝາຍ​ທີສອງ ຄື: ທວງ ແປ​ວ່າ ຖາມ​ເອົາ​ຄືນ, ຖາມ​ເອົາ​ສິ່ງ​ທີ່​ຢືມ. ໃນ​ທາງວັນ­ນະ­ຄະ­ດີ​ເກົ່າ​ຂອງ​ລາວ​ກໍ່​ເຫັນ​ໃຊ້​ຫຼາຍ​ໃນຄວາມ​ໝາຍ​ທີ​ໜຶ່ງ.

ຕົວ­ຢ່າງ:

...ນາຍ​ເມືອງ​ເຫັນ            ລູບ​ທວງ​ສະ­ເທີນ​ທ້ວງ... (ທ້າວ ຈັນ­ທະຄາດ)

...ໃນ​ທວງ​ຄື                    ຄູ່​ໄຟ​ລາມ​ໄໝ້...

...ນາງ​ຄານ​ຄຶດ              ຢູ່​ທົນ​ທວງ​ສະ​ຫຼັງ... (ສັງ​ສິນ​ໄຊ)

...ທວຍ​ທວງ​ເທ້ງ             ແທງ​ຕົນ​ຕາຍ​ພ່ຳ...

...ນາງ​ນາດ​ໄຫ້                ດີ້ນ​ດັ່ງ​ທວງ​ສະ­ຫຼົບ...

...ພູ­ມີ​ມາຍ​ທວງ​ທຸກ          ກ່າວ​ເຂົາ​ຂຸນ​ຂ້າ...

...ກະ­ສັນ​ກ້ຽວ                 ກື​ລ້ານ​ລູບ​ທວງ...

ຂ່າວທີ່ກ່ຽວຂ້ອງ