ອັດ­ຕາ​ສ່ວນ​ເງິນ​ເຟີ້​ໃນ​ສິງ­ກະ­ໂປ ສູງ​ສຸດ​ໃນ​ຮອບ​ຫຼາຍ​ປີ

410 03 ມ.ສ. 2017 ຂ່າວຕ່າງປະເທດ
ອັດ­ຕາ​ສ່ວນ​ເງິນ​ເຟີ້​ໃນ​ສິງ­ກະ­ໂປ ສູງ​ສຸດ​ໃນ​ຮອບ​ຫຼາຍ​ປີ

ຕົວ​ເລກ​ສະ­ຖິ­ຕິ​ໃໝ່​ຫຼ້າ​ສຸດໃຫ້ຮູ້​ວ່າ ອັດ­ຕາ​ສ່ວນ​ເງິນ​ເຟີ້​ຂອງສິງກະ​ໂປ ໃນ​ເດືອນ​ກຸມ­ພາ​ທີ່​ຜ່ານມາ ເພີ່ມ​ຂຶ້ນ 0,7% ເມື່ອທຽບໃສ່​ເວ­ລາ​ດຽວ​ກັນ​ຂອງ​ປີ​ກາຍ ນັບວ່າ​ເປັນ​ລະ­ດັບ​ສູງ​ສຸດ ນັບ​ແຕ່​ໄຕມາດ 3/2014 ເປັນ­ຕົ້ນ​ມາ ແລະ ເປັນ​ການ​ເພີ່ມຂຶ້ນ​ເດືອນ​ທີ​ສີ່​ຕິດ­ຕໍ່​ກັນນັບ​ແຕ່​ເດືອນ​ພະ­ຈິກ ປີ 2016 ເປັນ­ຕົ້ນ​ມາ ຊຶ່ງ​ເປັນ​ການແທດ­ເໝາະ​ກັບ​ຄວາມ​ຫວັງ​ຂອງອົງ­ການຄຸ້ມ​ຄອງ​ເງິນ­ຕາ  (MAS ຫຼື ທະ­ນາ­ຄານ​ກາງ) ຂອງ​ສິງກະ​ໂປ.

ເງິນ​ເຟີ້​ພື້ນ­ຖານ (ບໍ່​ລວມ​ເຖິງຄ່າ​ໃຊ້​ຈ່າຍ​ໃຫ້​ແກ່​ເຮືອນ​ຢູ່ ແລະ ຄ່າ​ໃຊ້​ຈ່າຍ​ການ​ຄົມ­ມະ­ນາ­ຄົມສ່ວນ​ບຸກ­ຄົນ) ໃນ​ເດືອນກຸມ­ພາ ເພີ່ມ​ຂຶ້ນ 1,2% ທຽບ­ໃສ່​ລະ­ດັບເພີ່ມ​ຂຶ້ນ 1,5% ຂອງ​ເດືອນ​ກ່ອນໜ້າ​ນັ້ນ.

MAS ໃຫ້­ການ​ຄາດ​ຄະ­ເນ​ວ່າ ເງິນ​ເຟີ້​ສະ­ເລ່ຍ​ໃນ​ປີ​ນີ້ ຈະ​ຢູ​ທີ່​ລະດັບ​ແຕ່ 0,5% ຫາ 1,5% ໃນການ​ສຳ​ຫຼວດ​ທີ່​ດຳ­ເນີນການ​ໂດຍ MAS ເມື່ອ​ບໍ່​ດົນ​ມາ​ນີ້ ຊ່ຽວ­ຊານລະ­ດັບ​ແຖວ​ໜ້າ 23 ຄົນ ໃຫ້ການ​ຄາດ​ຄະ­ເນ​ວ່າ ເງິນ​ເຟີ້​ຂອງສິງ­ກະ­ໂປ ຕະ­ຫຼອດ​ທັງ​ປີ​ນີ້ ຈະ​ຄົງຕົວ​ຢູ່​ທີ່ 1%.

ຂ່າວທີ່ກ່ຽວຂ້ອງ