ສຕລ ກຽມ​ຄັດ​ເລືອກ​ທີມ​ຊາດ ຢູ-15 ແລະ 23

1,419 03 ມ.ສ. 2017 ວົງຈອນກີລາ
ສຕລ ກຽມ​ຄັດ​ເລືອກ​ທີມ​ຊາດ ຢູ-15 ແລະ 23

ອີງ​ຕາມ​ແຜນ­ການ­ເຄື່ອນ­ໄຫວຂອງ​ສະ­ຫະ­ພັນ​ບານ­ເຕະ​ແຫ່ງຊາດ​ລາວ (ສຕລ) ປະ­ຈຳ​ປີ 2017 ຈະ​ໄດ້​ຄັດ​ເລືອກ​ນັກ­ກີ­ລາເຍົາ­ວະ​ຊົນ​ທີ່​ມີ​ພອນ​ສະ­ຫວັນ ແລະ ທັກ​ສະ ເພື່ອ​ກະ­ກຽມ​ນັກ​ກີລາ​ທີມ​ບານ­ເຕະ​ຊາຍ​ລາວ ອາ­ຍຸບໍ່​ເກີນ 15 ປີ ຫຼື ຢູ-15 ເຂົ້າ​ຮ່ວມແຂ່ງ­ຂັນ​ລາຍ­ການ​ບານ­ເຕະ​ຊີງຂັນ​ອາ​ຊຽນ ຮຸ່ນ​ອາ­ຍຸ​ບໍ່​ເກີນ 15 ປີ ທີ່​ປະ­ເທດ​ໄທ ເປັນ​ເຈົ້າ­ພາບ ໃນລະ­ຫວ່າງ​ວັນ​ທີ 9-12 ກໍ­ລະ­ກົດ 2017 ແລະ ທີມ​ບານ­ເຕະ​ຊາຍລາວ​ ອາ­ຍຸ​ບໍ່​ເກີນ 23 ປີ ຫຼື ຢູ-23 ເຂົ້າ​ຮ່ວມ​ການ​ແຂ່ງ­ຂັນບານ­ເຕະຊາຍຊີງ​ຂັນ​ອາ­ຊີ ຮຸ່ນ​ອາ­ຍຸ​ບໍ່​ເກີນ 23 ປີ ຮອບ​ຄັດ​ເລືອກທີ່ ສປປ ເກົາ­ຫຼີ ເປັນ​ເຈົ້າ­ພາບ ໃນ​ລະຫວ່າງ​ວັນ​ທີ 19-23 ກໍ­ລະ­ກົດ 2017.

ສຳ­ລັບ​ການ​ຄັດ​ເລືອກ​ຈະ​ຈັດຂຶ້ນ​ລະ­ຫວ່າງ​ວັນ​ທີ 20-30 ເມສາ 2017 ທີ່​ເດີ່ນ​ສູນ​ເຝິກ​ກີ­ລາບານ­ເຕະ​ແຫ່ງ​ຊາດ ບ້ານຫ້ວຍຫົງ ເມືອງ​ຈັນ­ທະ​ບູ​ລີ ເລີ່ມ​ແຕ່​ເວລາ 16:00-18:00 ໂມງ ເຊິ່ງ​ນັກກີ­ລາ​ທີ່​ເຂົ້າ​ຮ່ວມ​ຄັດ​ເລືອກ​ທີມບານ­ເຕະ​ຊາຍລາວ ຢູ-15 ຕ້ອງເກີດ​ໃນ​ເດືອນ​ມັງ­ກອນ 2002 ຂຶ້ນ​ໄປ ສ່ວນ​ນັກ­ກີ­ລາ​ທີ່​ເຂົ້າ​ຮ່ວມຄັດ​ເລືອກ​ທີມ​ບານ­ເຕະ​ຊາຍ​ລາວ ຢູ-23 ຕ້ອງ​ເກີດ​ເດືອນ​ມັງ­ກອນ 1995 ຂຶ້ນ​ໄປ.

ສ່ວນ​ນັກ­ກີ­ລາ​ຕ່າງ​ແຂວງ​ທີ່ຕ້ອງ­ການ​ມາ​ຄັດ​ເລືອກ​ນັກ­ກີ­ລາຄັ້ງ​ນີ້ ສຕລ ແມ່ນ​ອຳ­ນວຍ​ຄວາມສະ­ດວກ​ທາງ​ດ້ານ​ທີ່​ພັກ ແລະ ອາ­ຫານ ຕະ­ຫຼອດ​ໄລ­ຍະ​ຂອງການ​ຄັດ​ເລືອກ ສຳ­ລັບ​ຜູ້​ທີ່​ມາ​ຄັດເລືອກ​ຈະ​ຕ້ອງ​ນຳ​ເອົາ​ເອ­ກະ­ສານ ປຶ້ມ​ສຳ­ມະ­ໂນຄົວ ຫຼື ໜັງ­ສື​ການເດີນ­ທາງ ແລະ ໃບ­ຢັ້ງ­ຢືນ​ການສຶກ​ສາ (ຂອງ​ແທ້) ເພື່ອ​ເປັນ​ຫຼັກຖານ ແລະ ສາ­ມາດ​ຕິດ­ຕໍ່​ສອບຖາມ​ຂໍ້ມູນ​ເພີ່ມ​ເຕີມ​ໄດ້​ທີ່​ເບີ: 020 99707053 (ທ່ານ ກັນ­ລະ­ຍາ) 020 54443133 (ທ່ານ ອຸດ­ຕະ­ມະ) ແລະ 020 54918322 (ທ່ານ ວົງ​ມີ​ໄຊ) Email: tecnic@laoff.org.la

ຂ່າວທີ່ກ່ຽວຂ້ອງ