ລມຕ ຕ່າງປະເທດ ສະຫະລັດ ອວຍພອນປີໃໝ່ລາວ

404 19 ມ.ສ. 2017 ຂ່າວໜ້າ​ໜຶ່ງ
ລມຕ ຕ່າງປະເທດ ສະຫະລັດ ອວຍພອນປີໃໝ່ລາວ

ວັນ​ທີ 13 ເມສາ 2017 ທ່ານ ເຣັກສ ທີວ​ເລີ​ຊັນ (Rex W. Tillerson) ລັດຖະມົນຕີ​ກະຊວງການ​ຕ່າງປະເທດ ສະຫະລັດ​ອາເມ​ຣິ​ກາ ສົ່ງ​ສານ​ອວຍພອນ ​ໃນນາມ​ຕາງໜ້າ​ໃຫ້​ລັດຖະບານສະຫະ​ລັດ​ອາ​ເມ​ຣິ​ກາ ຂ້າພະເຈົ້າ​ຂໍອວຍ​ໄຊ​ໃຫ້​ພອນ​ອັນ​ປະເສີດ​ມາ ຍັງ​ປະຊາຊົນແຫ່ງ ​ສປປ ລາວ ເນື່ອງ​ໃນ​ໂອກາດ​ການ​ສະເຫຼີມ​ສະຫຼອງ​ປີ​ໃໝ່​ລາວ 2560 ນີ້ ໃນ​ປີທີ່​ຜ່ານ​ມາ ສອງ​ຊາດ​ຂອງ​ພວກເຮົາ (ສະຫະລັດ​ອາ​ເມ​ຣິ​ກາ ແລະ ​ສປປ ລາວ) ໄດ້​ປະກາດ​ການຮ່ວມ​ມື​ແບບ​ກວມ​ລວມ ເຊິ່ງ​ເປັນການ​ເປີດ​ສັງກາດ​ໃໝ່ ແຫ່ງ ສາຍ​ພົວພັນລະຫວ່າງ ສະຫະລັດ​ອາ​ເມ​ຣິ​ກາ ແລະ ​ສປປ ລາວ ແລະ ຍັງ​ເປັນ​ການ​ຮັດ​ແໜ້ນ​ສາຍພົວພັນ​ດ້ານ​ການ​ທູດ ການ​ຄ້າ ແລະ ສາຍ​ພົວພັນລະຫວ່າງປະຊາ​ຊົນ​ດ້ວຍ​ກັນ ພວກ​ເຮົາ​ຫວັງຢ່າງ​ຍິ່ງ​ໃນ​ການ​ສ້າງ​ໂອກາດໃໝ່ໆ ແລະ ການ​ຮ່ວມ​ມື​ເຊິ່ງ​ກັນ ແລະ ກັນລະຫວ່າງ​ສອງ​ຊາດຂອງ​ພວກ​ເຮົາ​ໃຫ້​ນັບ​ມື້​ແໜ້ນແຟ້ນ​ຍິ່ງໆ​ຂຶ້ນ ​ຂໍ​ອວຍພອນ​ໄຊ​ໃຫ້ບັນດາ​ທ່ານ ​ຈົ່ງ​ມີ​ແຕ່​ຄວາມສຸກຄວາມ​ຈະເລີນ​ໃນ​ວັນ​ປີ​ໃໝ່​ນີ້.

ຂ່າວທີ່ກ່ຽວຂ້ອງ