ມອບຫຼຽນໄຊພັດທະນາຊັ້ນ 2 ໃຫ້ກາແດງແດນມາກ

386 20 ມ.ສ. 2017 ຂ່າວໜ້າ​ໜຶ່ງ
ມອບຫຼຽນໄຊພັດທະນາຊັ້ນ 2 ໃຫ້ກາແດງແດນມາກ

ເພື່ອ​ສະແດງ​ເຖິງ​ຜົນງານ ແລະ ຄຸນງາມຄວາມດີ ໃນ​ການປະກອບສ່ວນ​ຊ່ວຍເຫຼືອ​ທາງ​ດ້ານວັດຖຸ ທຶນຮອນ ​ເຂົ້າ​ໃນ​ການ​ພັດທະ​ນາ​ວຽກ​ງານ​ລຶບລ້າງ​ຄວາມທຸກ​ຍາກ ສົ່ງເສີມ​ບົດບາດ​ຍິງ-ຊາຍ ຫຼຸດຜ່ອນ​ການ​ຕາຍ​ຂອງເດັກ ສົ່ງເສີມ​ວຽກ​ງານ​ສຸ​ຂະ​ອະນາ​ໄມ ໃຫ້​ແກ່​ຊຸມ​ຊົນ​ຫ່າງ​ໄກສອກຫຼີກ ໄລຍະ 1998-2016 ຂອງ​ສະພາກາແດງ​ແດນ​ມາກ ທີ່ຮ່ວມ​ມື​ກັບ​ອົງການ​ກາແດງ​ລາວ ໃນ​ການຈັດຕັ້ງ​ປະຕິບັດ​ໂຄງການຕ່າງໆ​ຢູ່ 6 ແຂວງພາກ​ເໜືອ ຊຽງ​ຂວາງ ຫົວພັນ ຜົ້ງ​ສາລີ ຫຼວງ​ນ້ຳ​ທາ ບໍ່​ແກ້ວ ແລະ ແຂວງ​ວຽງ​ຈັນ ລວມ 15 ເມືອງ 173 ບ້ານ ເຊິ່ງ​ມີ​ປະຊາຊົນ​ໄດ້ຮັບ​ຜົນ​ປະໂຫຍດ​ຈາກ​ການ​ຊ່ວຍເຫຼືອ 47.767 ຄົນ ອັນ​ໄດ້​ເຮັດໃຫ້​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃນ​ຂົງເຂດ​ດັ່ງກ່າວ​ດີ​ຂຶ້ນ.

ວັນ​ທີ 19 ເມສາ 2017 ທີ່ອົງການ​ກາແດງ​ລາວ ຕາງໜ້າໃຫ້​ພັກ-ລັດຖະບານ ທ່ານ ຄຳ​ຮຸ່ງ ເຮືອງ​ວົງ​ສີ ປະທານ​ອົງການ​ກາແດງ​ລາວ ມອບ​ຫຼຽນ​ໄຊ​ພັດ​ທະນາ​ຊັ້ນ 2 ໃຫ້​ແກ່​ອົງການ​ກາແດງ​ແດນ​ມາກ ຕາງໜ້າ​ຮັບ​ໂດຍທ່ານ​ນາງ ຮັນ​ນາ ລາຍ ຈາ​ກອບເຊັນ (Hanna Line JAKOBSEN) ປະທານ​ອົງການ​ກາແດງ​ແດນມາກ ໂດຍ​ຊ່ອງ​ໜ້າ​ພາກສ່ວນກ່ຽວຂ້ອງ​ທັງ​ສອງ​ຝ່າຍ ​ເຂົ້າ​ຮ່ວມສະແດງ​ຄວາມ​ຍິນ​ດີ.

ຂ່າວທີ່ກ່ຽວຂ້ອງ