ຮູ້ພາສາລາວ ມື້ລະຄຳ : ແຖນ

1,125 25 ມ.ສ. 2017 ຫົວຂໍ້ຂ່າວອື່ນໆ

ຄຳ​ນາມ ແປ​ວ່າ ເທວະ​ດາ, ຜີ­ຟ້າ (ວັດ­ຈະ­ນາ­ນຸ­ກົມ ທອງ­ຄຳ ອ່ອນ​ມະ­ນີ​ສອນ, 2008:430). ນັບ​ແຕ່​ອະ­ດີດ​ຮອດ​ປັດ­ຈຸ­ບັນ​ນີ້, ຍັງ​ພົບ​ເຫັນ​ໃຊ້​ປົກ­ກະ­ຕິ​ໃນ​ຊີ­ວິດ​ປະ­ຈຳ​ວັນ ຈຶ່ງ​ຖື​ເປັນ​ຄຳ​ລາວ​ເດີມຄຳ​ໜຶ່ງ ​ທີ່​ຮັກ­ສາ​ຄວາມ​ໝາຍ​ເກົ່າ​ໄວ້​ດົນ​ນານ​ທີ່ສຸດ. ໃນ​ທາງ​ພາ­ສາ​ສາດ, ແຖນ ແມ່ນ​ຈັດ​ຢູ່​ໃນ​ປະ­ເພດ​ຄຳ​ສັກ­ສິດ, ສູງ​ສົ່ງ ແລະ ຄົນ​ລາວ​ບູ­ຮານກໍ​ເຊື່ອ​ວ່າ ແຖນ​ເປັນ​ເຈົ້າກົກ​ເຈົ້າ​ເຄົ້າ​ຂອງ​ຄົນ​ລາວ​ແທ້... ຈຶ່ງ​ພົບ​ເຫັນ​ໃຊ້​ຫຼາຍໃນ​ວັນ­ນະ­ຄະ­ດີ​ ໂດຍ​ສະ­ເພາະ​ໜັງ­ສື “ພື້ນ​ຂຸນ​ບູ­ລົມ​ລາ­ຊາ­ທິ­ລາດ”.

ຕົວ­ຢ່າງ:

...ກັບ​ທັງ​ລາ­ຊາ​ເຖົ້າ                     ແຖນ​ຫຼວງ​ຟ້າ​ຄື່ນ...

...ຝູງ​ໝູ່​ແຖນ​ຫຼວງ                        ຟັງ​ເຢີ​ຊູ່​ຄົນ​ຈະ­ແຈ້ງ...

...ເມື່ອ­ນັ້ນ ແຖນ​ຈົງ​ເສັງ​ສ່ຽງ​ຮູ້        ບຸນ​ແຫ່ງ​ຝູງ​ແຖນ...

...ແລ້ວ​ຈຶ່ງ​ໃຫ້​ລູກ​ເຈົ້າ                   ແຖນ​ຫຼວງ​ຟ້າ​ຄື່ນ...

...ຍົມ​ມະ​ພາ­ລາ​ນາງ​ນາດ              ເປັນ​ລູກ​ແຖນ​ແຕ່ງ​ເຈົ້າ...

ຂ່າວທີ່ກ່ຽວຂ້ອງ