“ກັອງ​ເຕ” ນັກ​ເຕະ​ຝຣັ່ງ​ຄົນ­ທີ 4 ລາ­ງວັນ PFA

950 26 ມ.ສ. 2017 ວົງຈອນກີລາ
“ກັອງ​ເຕ” ນັກ​ເຕະ​ຝຣັ່ງ​ຄົນ­ທີ 4 ລາ­ງວັນ PFA

ເອັນ​ໂກ​ໂລ ກັອງ​ເຕ ກອງ​ກາງ­ຂອງ​ເຊວ​ຊີ ໄດ້​ຮັບ​ການ​ປະ­ກາດ​ຊື່​ຄວ້າ​ລາ­ງວັນ​ນັກ​ເຕະ​ໂດດ​ເດັ່ນ​ຂອງ​ສະ­ມາ­ຄົມ​ນັກ​ເຕະ­ບານ​ອາ­ຊີບ (PFA) ປະ­ຈຳ​ປີ 2017 ເມື່ອ​ວັນ​ທີ 23 ເມ­ສາ​ທີ່​ຜ່ານ​ມາ.

ກັອງ​ເຕ ໄວ 26 ປີ ເຊິ່ງ​ຍ້າຍ​ຈາກ ເລ​ສ​ເຕີ ຊິ​ຕີ ແຊມ​ເກົ່າ ພຣີ​ເມຍ ລີກ ອັງ­ກິດ ມາ​ຢູ່​ສະ­ແຕມ​ຟອດ​ບຣິດ ເມື່ອ​ພັກ​ຮ້ອນ​ປີ 2016 ເປັນ​ນັກ​ເຕະ​ສັນ­ຊາດ​ຝຣັ່ງ ຄົນ­ທີ 4 ທີ່​ໄດ້​ຮັບ​ລາ­ງວັນ​ນີ້ ຕໍ່​ຈາກ ເອ​ຣິກ ຄັນ​ໂຕ​ນາ ດາ​ວິດ ຊິ​ໂນ​ລາ ແລະ ເທຍ​ຣີ ອອງ​ຣີ (2 ສະ­ໄໝ).

ເປັນ​ທີມ​ຊາດ​ຝຣັ່ງ ຊຸດ​ຮອງ​ຊະ­ນະ​ເລີດ​ເອີ​ໂຣ 2016 ເອົາ​ຊະ­ນະ​ຄູ່​ແຂ່ງ​ຢ່າງ ເອ​ເດນ ອາ­ຊາ ກອງ​ກາງເພື່ອນ​ຮ່ວມ​ສັງ­ກັດ ແຮ​ຣີ ເຄນ ກອງ​ໜ້າ ທັອດ​ແນມ​ຮອດ​ສະ​ເປີ ຊະ­ລາ​ຕັນ ອິບ​ຣາ​ຮິ​ໂມ​ວິ​ຊ ດາວ​ຍິງ​ຈອມປະ­ສົບ​ການ​ຂອງແມນ​ເຊ​ສ​ເຕີ ຢູໄນ​ເຕັດ ໂຣ​ເມ​ລູ ລູ​ກາ​ກູ ກອງ​ໜ້າ​ເອ​ຟ​ເວີ​ຕັນ ແລະ ອະ​ເລັກ​ຊິ​ສ ຊານເຊ​ຊ ກອງ​ໜ້າອາ​ເຊ​ນອນ.                

ຂະ­ນະ​ທີ່ ເດ​ເລ ອັນ​ລີ ກອງ​ກາງ​ໄວ 21 ປີ ໄດ້ລາ­ງວັນ​ນັກ​ເຕະ​ດາວ​ຮຸ່ງ​ແຫ່ງ​ປີ PFA 2 ສະ­ໄໝ​ຕິດຕໍ່​ກັນ ສະ​ເປີ ລຸ້ນ​ແຊັມ​ລີກ​ສະ­ໄໝ​ທຳ​ອິດ ຕັ້ງ­ແຕ່​ປີ 1961 ແລະ ເດ​ວິດ ເບັກ​ແຮມ ອະ­ດີດ​ນັກ​ເຕະ­ບານຄົນ​ດັງ ຮັບ​ລາ­ງວັນ​ບຸກ­ຄົນ​ຊົງ​ຄຸນ­ຄ່າ.

ຂ່າວທີ່ກ່ຽວຂ້ອງ