ສະ­ໂມ­ສອນ​ເທ​ຄວັນ​ໂດເສືອ​ນ້ອຍ ຍາດ​ໄດ້​ຫຼຽນ​ຄຳ ທີ່​ປະ­ເທດ​ໄທ

985 26 ມ.ສ. 2017 ວົງຈອນກີລາ
ສະ­ໂມ­ສອນ​ເທ​ຄວັນ​ໂດເສືອ​ນ້ອຍ ຍາດ​ໄດ້​ຫຼຽນ​ຄຳ ທີ່​ປະ­ເທດ​ໄທ

ອີງ​ຕາມ​ຂໍ້​ມູນ​ຈາກ​ເວັບ​ໄຊ໊ ລາວ​ສະ­ປອດ​ນິວ ໄດ້​ລາຍ​ງານໃຫ້​ຊາບ​ວ່າ: ສະ­ໂມ­ສອນ​ເທ​ຄວັນໂດ​ເສືອ​ນ້ອຍ ຕົວ​ແທນ​ຈາກລາວ ທີ່​ໄປ​ເຂົ້າ​ຮ່ວມ​ການ​ແຂ່ງ­ຂັນ​ເທຄວັນ​ໂດ​ໂອ​ເພັນ ຄັ້ງ​ທີ 5 ທີ່ແຂວງ​ອຸ­ດອນ​ທາ­ນີ ປະ­ເທດ​ໄທ ເປັນ​ເຈົ້າ­ພາບ ໃນ​ວັນ​ທີ 23 ເມສາ 2017 ໂດຍ​ມີ​ການ​ແຂ່ງ­ຂັນກັນ​ຢູ່ 2 ປະ­ເພດ ຄື: ປະ­ເພດ​ຟ້ອນປຸ້ມ​ເຊ້ ແລະ ປະ­ເພດ​ຕໍ່­ສູ້​ປ້ອງ​ກັນຕົວ ເຊິ່ງ​ສະ­ໂມ­ສອນ​ເທ​ຄວັນ​ໂດເສືອ​ນ້ອຍ ໄດ້​ສົ່ງ​ນັກ­ກີ­ລາ​ເຂົ້າຮ່ວມ​ທັງ​ໝົດ 10 ຄົນ ຜ່ານ​ການແຂ່ງ­ຂັນ​ຜົນ​ປາ­ກົດ​ວ່າ​ ສາ­ມາດຍາດມາ​ໄດ້ 6 ຫຼຽນ​ຄຳ 3 ຫຼຽນເງິນ ແລະ 1 ຫຼຽນ​ທອງ ລວມ​ທັງໝົດ 10 ຫຼຽນ ນອກ­ຈາກ​ນັ້ນ​ຍັງສາ­ມາດ​ຍາດ​ຂັນ​ລາ­ງວັນ​ດີ­ເດັ່ນປະ­ເພດ​ຟ້ອມ​ປຸ້ມ​ເຊ້ ແລະ ຂັນລາ­ງວັນ​ດີ­ເດັ່ນ​ປະ­ເພດ​ຕໍ່­ສູ້​ປ້ອງກັນ​ຕົວ​ອີກ​ດ້ວຍ.

ສຳ­ລັບ​ຜົນ­ງານ​ທີ່​ຍາດ​ມາ​ໄດ້ 6 ຫຼຽນ​ຄຳ ແມ່ນ​ໄດ້​ມາ​ຈາກ​ປະເພດ​ຕໍ່­ສູ້​ປ້ອງ​ກັນ​ຕົວ 5 ຫຼຽນ​ຄຳ ຄື: ທ້າວ ພັດ­ທະ­ນາ ໄຊ​ຍະກຸມມານ ທ້າວ ກຽດ​ຕິ​ສັກ ຫຼວງ​ຮັກສາ ທ້າວ ພິ­ລາ​ກອນ ຫຼວງ​ຮັກ­ສາ ທ້າວ ສິດ­ທິ­ກອນ ສໍ​ພາບ​ມີ​ໄຊ ທ້າວ ພູ​ວິ­ໄລ ຍົມ​ມະລາດ ແລະ ອີກ 1 ຫຼຽນ​ຄຳແມ່ນ​ໄດ້​ຈາກທ້າວ ອາ​ເຊີນ ລາດ​ວົງ​ໄຊ ປະເພດ​ຟ້ອນ​ປຸ້ມ​ເຊ້ ສ່ວນ​ຫຼຽນ​ເງິນແມ່ນ​ໄດ້​ມາ​ຈາກປະ­ເພດ​ຕໍ່­ສູ້​ປ້ອງກັນ​ຕົວ ທ້າວ ອາ­ລີ ສີ​ບຸນ​ທາ ທ້າວ ລັດ­ສະ­ໝີ ໄຊ​ຍະ​ວົງ ແລະ ທ້າວ ພິ­ສິດ​ໄຊ ແສງ​ວົງ​ສັກ ແລະ 1 ຫຼຽນທອງ ແມ່ນ​ໄດ້​ມາ​ຈາກທ້າວ ພຸດ​ທະ​ສົມ ກັນ­ຫາ​ວົງ ໃນປະ­ເພດ​ຕໍ່­ສູ້​ປ້ອງ​ກັນ​ຕົວ.

ຂ່າວທີ່ກ່ຽວຂ້ອງ