ຈຳ­ນວນ​ຜູ້​ເສຍ​ຊີ­ວິດ​ຈາກ​ເຫດ­ການ​ພິ­ພາດ​ໃນ​ໂລກ ຫຼຸດ​ລົງ​ໃນ​ປີ 2016

216 12 ພ.ພ. 2017 ຂ່າວຕ່າງປະເທດ
ຈຳ­ນວນ​ຜູ້​ເສຍ​ຊີ­ວິດ​ຈາກ​ເຫດ­ການ​ພິ­ພາດ​ໃນ​ໂລກ ຫຼຸດ​ລົງ​ໃນ​ປີ 2016

ຜົນ​ຂອງ​ການ​ສຳ​ຫຼວດ​ປະ­ຈຳປີ ທີ່​ຈັດ​ທຳ​ໂດຍ​ສະ​ຖາ​ບັນ​ຄົ້ນຄວ້າ​ຍຸດ​ທະ​ສາດ​ສາ­ກົນ (IISS) ແລະ ນຳ​ອອກ​ມາ​ເປີດ­ເຜີຍເມື່ອວັນ​ທີ 9 ພຶດ­ສະ­ພາ​ນີ້ ລະ­ບຸ​ວ່າ ໃນ​ປີ 2016 ຈຳ­ນວນ​ຜູ້​ເສຍ​ຊີ­ວິດຈາກ​ເຫດ­ການ​ພິ­ພາດ​ຕ່າງໆ​ໃນທົ່ວ​ໂລກ ໄດ້​ສືບ­ຕໍ່ຫຼຸດ​ລົງ​ເປັນ​ປີ​ທີສອງ​ຕິດ­ຕໍ່​ກັນ.

ບົດ​ລາຍ​ງານ​ການ “ສືບ­ສວນການ​ພິ­ພາດ​ດ້ວຍ​ການ​ປະ­ກອບອາ­ວຸດ​ປະ­ຈຳ​ປີ 2017” ລະ­ບຸ​ວ່າ ໃນ​ປີ 2016 ຈຳ­ນວນ​ຜູ້ເສຍ​ຊີ­ວິດຈາກ​ການ​ພິ­ພາດຫຼຸດ​ລົງ​ມາ ​ຍັງເຫຼືອ 157.000 ຄົນ ທຽບ­ໃສ່ 167.000 ຄົນ ​ໃນ​ປີ 2015 ແລະ 180.000 ຄົນ ໃນ​ປີ 2014.

ໃນ​ນັ້ນ ການ​ພິ­ພາດ​ຢູ່​ໃນ​ຊີ​ຣີ ມີ​ຜູ້​ເສຍ​ຊີ­ວິດ​ຫຼາຍ​ສຸດ​ທີ່ 50.000 ຄົນ ໃນ​ຂະ­ນະ​ທີ່​ການ​ສູ້​ຮົບ​ຢູ່​ໃນ​ອີຣັກ ແລະ ອາ​ຟະ​ການິດ​ສະ­ຖານ ມີ​ຜູ້​ເສຍ​ຊີ­ວິດ 17.000 ຄົນ ແລະ 16.000 ຄົນ ຕາມ​ລຳ­ດັບ.

ທີ່​ໜ້າ​ໃສ່­ໃຈ​ກໍ່​ແມ່ນບັ້ນ​ປາບປາມ​ອາ​ສະ​ຍາ​ກຳ​ຢາ​ເສບ​ຕິດຂອງ​ກອງ­ທັບ​ຝ່າຍ​ລັດ­ຖະ­ບານ​ນັ້ນ ສະ­ພາບ​ການ​ກຳ­ຈັດ​ຊຶ່ງກັນ ແລະ ກັນ ລະ­ຫວ່າງ​ບັນ­ດາ​ອົງ­ການອາ​ສະ​ຍາ​ກຳ​ໃນ​ປະ­ເທດ​ເມັກ​ຊິກ ເຮັດ​ໃຫ້​ມີ​ຜູ້​ເສຍ​ຊີ­ວິດ 23.000 ຄົນ ໃນ​ປີ 2016 ເຮັດ​ໃຫ້​ປະ­ເທດນີ້ ຂຶ້ນ​ໄປ​ຢູ່​ໃນ​ອັນ​ດັບ​ທີ 2 ໂດຍເປັນ​ຮອງ​ຈາກ​ຊີ​ຣີ ຢູ່​ໃນ​ບັນ­ຊີ​ລາຍຊື່​ບັນ­ດາ​ປະ­ເທດ​ທີ່​ມີ​ຜູ້​ເສຍ​ຊີ­ວິດຫຼາຍຈາກ​ການ​ພິດ​ພາດ​ໃນໂລກ ຈາກ​ຕົວ​ເລກ​ການ​ເສຍ​ຊີວິດ​ສູງ​ໄປ​ກວ່າ​ອີ​ຣັກ ແລະ ອາ​ຟະກາ​ນິດ​ສະ­ຖານ​ ນັ້ນ  IISS ຖື​ວ່າ ເມັກ​ຊິກ ເປັນ​ປະ­ເທດ​ທີ່​ມີ​ການ​ພິພາດ​ດ້ວຍ​ການ​ປະ­ກອບ​ອາ­ວຸດ ໃນ​ໜຶ່ງ​ທົດ​ສະ​ວັດ​ທີ່​ຜ່ານ​ມາ ມີຜູ້​ເສຍ​ຊີ­ວິດ 100.000 ກວ່າ​ຄົນ ຍ້ອນ​ການ​ປາບ​ປາມ​ຢາ​ເສບ​ຕິດ​ຢູ່​ໃນ​ປະ­ເທດ​ເມັກ​ຊິກ.

ຂ່າວທີ່ກ່ຽວຂ້ອງ