ກິນ​ເນ​ສ ມອບ​ລາ­ງວັນ ບາ​ເຢິນ ຄວ້າ​ໄຊ ຊປລ ໃນ​ບ້ານ​ຕິດ​ກັນ​ຫຼາຍ​ສຸດ

233 24 ພ.ພ. 2017 ວົງຈອນກີລາ
ກິນ​ເນ​ສ ມອບ​ລາ­ງວັນ ບາ​ເຢິນ ຄວ້າ​ໄຊ ຊປລ ໃນ​ບ້ານ​ຕິດ​ກັນ​ຫຼາຍ​ສຸດ

ກິນ​ເນ​ສ ເວິ​ລດ໌ ເຣກ​ຄອດ ບັນ­ທຶກ​ສະ­ຖິ­ຕິ​ໂລກ​ຂອງ ບາ​ເຢິນ ມິວ​ນິກ ຫຼັງ​ຄວ້າ​ໄຊ­ຊະ­ນະ​ໃນ​ບ້ານ​ຍາວ​ນານ​ສຸດ 16 ນັດ​ຕິດ ໃນ​ຂັນ​ແຊມ​ປຽນລີກ ຕັ້ງ­ແຕ່​ເກມ​ທີ່​ຊະ­ນະ ແມນຯ ຊິ​ຕີ ເມື່ອ​ເດືອນ​ກັນ­ຍາ 2014 ຈົນ​ມາ​ເຖິງ​ນັດ​ຖະ​ຫຼົ່ມ ອາ​ເຊ​ນ່ອນ ເມື່ອ​ເດືອນ​ກຸມ­ພາ​ທີ່​ຜ່ານ​ມາ.

ຟິ​ລິບ ລາມ ແລະ ໂທມ​ັສ ມຸນ​ເລີ ເປັນ​ສອງ​ນັກ​ເຕະ​ຕົວ​ແທນ​ສະໂມ​ສອນ ບາ​ເຢິນ ມິວ​ນິກ ທີມ​ຍິ່ງ​ໃຫຍ່​ແຫ່ງ​ເວ­ທີ ບຸນ​ເດສ ລີ​ກາ ເຢຍ​ລະ​ມັນ ເຂົ້າ​ຮັບ​ໃບ​ຮັບ­ຮອງ​ຈາກ ກິນ​ເນ​ສ ເວິ​ລດ໌ ເຣກ​ຄອດ (The Guinness World Records) ຫຼັງ​ສ້າງສະ­ຖິ­ຕິ​ໂລກ​ ເກັບ​ໄຊ­ຊະ­ນະ​ໃນ​ບ້ານ​ຕິດ­ຕໍ່​ກັນ​ຫຼາຍ​ທີ່​ສຸດ ​ໃນ​ເຕະ­ບານ ຢູ​ຟາ ແຊັມ​ປຽນ ລີກ ໄວ້​ທີ່ 16 ນັດ.

ສະ­ຖິ­ຕິ​ດັ່ງ­ກ່າວ​ເລີ່ມ​ນັບ​ຕັ້ງ­ແຕ່​ເກມ​ທີ່ ບາ​ເຢິນ ມິວ​ນິກ ເປິດ​ຖິ່ນ ອັນ​ລິ​ອັນ ອາ​ຣີ​ນ່າ ​ເອົາ​ຊະ­ນະ ແມນ​ເຊ​ສ​ເຕີ ຊິ​ຕີ 1-0 ເມື່ອ​ວັນ​ທີ 17 ກັນ­ຍາ 2014 ຈົນ​ມາ​ເຖິງ​ເກມ​ທີ່​ຖະ​ຫຼົ່ມ ອາ​ເຊ​ນ່ອນ 5-1 ເມື່ອ​ວັນ​ທີ 15 ກຸມ­ພາ 2017.

ຟີ​ລິບ ລາມ ເປີດ­ເຜີຍ​ຫຼັງ​ຮັບ​ລາ­ງວັນ​ຈາກ​ສະ​ຖາ​ບັນ​ທີ່​ໄດ້​ຮັບ​ຄວາມ​ໜ້າ​ເຊື່ອ​ຖື​ຫຼາຍ​ທີ່​ສຸດ​ ໃນ​ການ​ບັນ­ທຶກ​ສະ­ຖິ­ຕິ​ໂລ​ກ ວ່າ "ເຈົ້າ​ຄົງ​ບໍ່​ຄ່ອຍ​ໄດ້​ມີ​ສະ­ຖິ­ຕິ​ແບບ​ນີ້​ຫຼາຍ​ປານ­ໃດ ບໍ່​ເໝືອນ​ກັບ​ຂັນ​ລາ­ງວັນ​ຊະ­ນະ​ເລີດ​ທີ່​ຂ້ອຍ​ໄດ້​ມາ​ຫຼາຍ​ກວ່າ​ນີ້".

ຂ່າວທີ່ກ່ຽວຂ້ອງ