ສປຊ ກ່າວ​ປະ­ນາມ​ການ​ທົດ​ລອງລູກ​ສອນ​ໄຟ​ຂອງ ສປປ ເກົາ­ຫຼີ

296 24 ພ.ພ. 2017 ຂ່າວຕ່າງປະເທດ
ສປຊ ກ່າວ​ປະ­ນາມ​ການ​ທົດ​ລອງລູກ​ສອນ​ໄຟ​ຂອງ ສປປ ເກົາ­ຫຼີ

ວັນ​ທີ 22 ພຶດ­ສະ­ພາ​ນີ້ ສະພາ​ຄວາມ​ໝັ້ນ­ຄົງ ອົງ­ການ​ສະ­ຫະປະ­ຊາ​ຊາດ ໄດ້​ກ່າວ​ປະ­ນາມ​ຕໍ່ການ​ທົດ​ລອງ​ຍິງ​ລູກ​ສອນ​ໄຟເທື່ອຫຼ້າ​ສຸດ​ຂອງ ສປປ ເກົາ­ຫຼີ ຊຶ່ງ​ມີຂຶ້ນ​ເມື່ອ​ວັນ​ທີ 21 ພຶດ­ສະ­ພາ​ນີ້ ໃນ​ຂະ­ນະ​ດຽວ​ກັນ ສະ­ພາ​ຄວາມໝັ້ນ­ຄົງ​ກໍ່​ໃຫ້​ສັນ­ຍາທີ່​ຈະ​ຊຸກ­ຍູ້​ໃຫ້ທຸກໆ​ປະ­ເທດ ຮັດ​ເຄັ່ງ​ການ​ຂວ້ຳບາດ​ຕໍ່ ສປປ ເກົາ­ຫຼີ.

ໃນ​ຖະ­ແຫຼງ­ການ​ສະ­ບັບ​ໜຶ່ງຂອງສະ­ພາ​ຄວາມ​ໝັ້ນ­ຄົງ ອົງ­ການ​ສະຫະ​ປະ­ຊາ​ຊາດ ໄດ້​ຊີ້​ນຳ​ໃຫ້​ກຳ­ມາທິ​ການ​ຂວ້ຳ​ບາດຂອງ​ອົງ­ການ​ນີ້ ເພີ່ມ​ທະ­ວີ​ຄວາມ​ພະ­ຍາ­ຍາມ​ຫຼາຍຂຶ້ນ ໃນ​ການ​ປະ­ຕິ­ບັດ​ມາດ​ຕະການ​ຕ່າງໆ​ທີ່​ໄດ້​ປະ­ກາດ​ໃຊ້​ເມື່ອປີກາຍ.

ສະ­ພາ​ຄວາມ​ໝັ້ນ­ຄົງ ຍັງ​ໄດ້ເຫັນ​ດີ​ເປັນ​ເອ­ກະ­ສັນ​ທີ່​ຈະ “ດຳເນີນ​ມາດ​ຕະ­ການ​ເພີ່ມ​ຂຶ້ນ​ອີກຫຼາຍ​ພໍ​ສົມ­ຄວນ ໃນ​ນັ້ນມີການຂວ້ຳ​ບາດ” ເພື່ອ​ໃຫ້ ສປປ ເກົາ­ຫຼີ ປ່ຽນ­ແປງ​ທ່າ​ທີ ແລະ ງົດ “ການດຳ­ເນີນ​ການ​ທີ່​ເຮັດ​ໃຫ້​ເກີດຄວາມ​ບໍ່​ສະ­ຫງົບ”.

ຖະ­ແຫຼງ­ການ​ດັ່ງ­ກ່າວຮ່າງຂຶ້ນ​ມາ​ໂດຍ ສ ອາ​ເມ​ຣິ​ກາ ແລະ ໄດ້​ຮັບ​ການ​ຮັບ­ຮອງ​ກ່ອນ​ການ​ປະຊຸມ​ລັບ​ສຸກ​ເສີນ​ຂອງ​ສະ­ພາຄວາມ​ໝັ້ນ­ຄົງ ທີ່​ສະ­ເໜີ​ຈັດ​ໂດຍ ສ ອາ​ເມ​ຣິ​ກາ ຍີ່­ປຸ່ນ ແລະ ສ ເກົາ­ຫຼີ ເພື່ອ​ປຶກ­ສາ​ຫາ­ລື​ມາດຕະ­ການ​ຮັບ​ມື​ກັບ ສປປ ເກົາ­ຫຼີ.

ໃນ​ວັນ​ດຽວ​ກັນ ອົງ­ການ​ສະຫະ​ປະ­ຊາ​ຊາດ (ສປຊ) ກໍ່​ໄດ້​ຮຽກຮ້ອງ​ໄປ​ຍັງ ສປປ ເກົາ­ຫຼີ ໃຫ້​ງົດການ­ເຄື່ອນ­ໄຫວ​ທົດ​ລອງລູກ​ສອນໄຟ ຫຼັງ​ຈາກ​ທີ່ ສປປ ເກົາ­ຫຼີ ດຳເນີນ​ການ​ທົດ​ລອງຍິງ​ລູກ​ສອນໄຟ​ເທື່ອ​ຫຼ້າ​ສຸດ​ເມື່ອ​ທ້າຍ​ອາ­ທິດ​ທີ່ຜ່ານ​ມາ (21 ພຶດ­ສະ­ພາ).

ຂ່າວທີ່ກ່ຽວຂ້ອງ