"ເມ​ສ​ຊີ" ກຽມ​ເຊັນ​ບາ​ເຊ​ໂລ​ນາ ເຖິງ 2021

108 12 ມິ.ນ. 2017 ວົງຈອນກີລາ
"ເມ​ສ​ຊີ" ກຽມ​ເຊັນ​ບາ​ເຊ​ໂລ​ນາ ເຖິງ 2021

ລິ​ໂອ​ເນວ ເມ​ສ​ຊີ ດາວ​ຍິງ​ຊາວ​ອາກ​ຊັງ​ຕິນ ກຽມ​ເຊັນ​ຕໍ່​ສັນ­ຍາ​ຢູ່​ບາ​ເຊ​ໂລ​ນາ ມະ­ຫາ​ອຳ­ນາດ​ເຕະ­ບານ​ຂອງ​ແອັດ​ສະປາຍ ຈົນ​ເຖິງ​ປີ 2021 ຮັບ​ຊັບ​ເຖິງ 5 ແສນ​ປອນ​ຕໍ່​ອາ­ທິດ ຫຼັງ​ຫັກ​ພາ­ສີ ທຳ­ລາຍ​ສະ­ຖິ­ຕິ​ຄ່າ​ຈ້າງ​ແພງ​ສຸດ​ຂອງ ຄຣິ​ສ​ເຕຍໂນ ໂຣ​ນັນ​ໂດ ກອງ​ໜ້າ ຣີວ ມາດ​ຣິດ ນັບ​ສະ­ເພາະ​ທະ­ວີ​ເອີ​ຣົບ.

ເມ​ສ​ຊີ ເຊິ່ງ​ຈະ​ໝົດ​ສັນ­ຍາ​ໃນ​ປີ 2018 ໄດ້​ສະ­ແດງ​ຄວາມ​ຕັ້ງ­ໃຈ​ຂໍ​ປັກ​ຫຼັກ​ຄ້າ​ຝີ​ຕີນ​ໃນ​ຖິ່ນ​ ຄ້ຳນູ ແລະ ອາດ​ເຖິງ​ຂັ້ນ​ຈົບອາ­ຊີບ ເນື່ອງ​ຈາກ​ຕາມ​ກຳ­ນົດ​ຂໍ້​ຕົກ­ລົງ​ໃໝ່ ຜູ້­ກ່ຽວ​ຈະ​ມີ​ອາ­ຍຸ​ຄົບ 34 ປີ ປະ­ກອບ​ກັບ​ຄ່າ​ຍົກ­ເລີກ​ສັນ­ຍາ​ທີ່​ຖືກ​ຕັ້ງ​ໄວ້​ສູງເຖິງ 350 ລ້ານ​ປອນ ຄາດ​ກັນ​ວ່າ​ຈະ​ເຊັນ​ສັນ­ຍາ​ຢ່າງ​ເປັນ​ທາງ​ການ​ໃນ​ທ້າຍ​ເດືອນ​ມິ­ຖຸ­ນາ​ນີ້.

ນັກ​ເຕະ​ຄົນ​ດັງ​ໄວ 29 ປີ​ຄົນ​ນີ້ ຄອງ​ດາວ​ຍິງ​ສູງ​ສຸດ​ໃນ​ເວ­ທີ ລາ ລີ​ກາ ແອັດ​ສະ​ປາຍ 2016-17 ຍິງ​ໄປ 37 ປະ­ຕູ ຕະ­ຫຼອດ 34 ເກມ ແລະ 54 ປະ­ຕູ ລວມ​ທຸກ​ລາຍ­ການ ແຕ່​ວ່າ ບາ​ເຊ​ໂລ​ນາ ປະ​ເຊີນ​ກັບ​ລະ­ດູ​ການ​ອັນ​ໜ້າ​ຜິດ​ຫວັງ ຈົບ​ອັນ​ດັບ 2 ຂອງ​ຕາ­ຕະ­ລາງ ຮອງ​ຈາກ ຣີວ ມາດ​ຣິດ ຄູ່​ແຄ້ນ​ຕະ­ຫຼອດ​ການ ແລະ ຖືກ ຢູ​ເວນ​ຕຸ​ສ ເຂ່ຍ​ຕົກ​ຮອບ 8 ທີມ​ສຸດທ້າຍ ຢູ​ຟາ ແຊມ​ປຽນ ລີກ ມີ​ພຽງ​ແຕ່​ຂັນ​ຊະ­ນະ​ເລີດ ໂກ​ປາ ເດວ ເຣ ຕິດ​ມື​ພຽງ​ໜຶ່ງ​ດຽວ.

ຂ່າວທີ່ກ່ຽວຂ້ອງ