ສະ­ຫະ­ພັນ​ບານ­ເຕະ​ອາ­ຊີ ຍົກ​ລະ­ດັບ​ໃຫ້​ຄູ​ເຝິກ​ຟຸດ​ຊໍ​ລາວ

186 12 ມິ.ນ. 2017 ວົງຈອນກີລາ
ສະ­ຫະ­ພັນ​ບານ­ເຕະ​ອາ­ຊີ ຍົກ​ລະ­ດັບ​ໃຫ້​ຄູ​ເຝິກ​ຟຸດ​ຊໍ​ລາວ

ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ໄດ້​ຈັດ​ເຝິກ­ອົບ­ຮົມ​ຄູ​ຝຶກ​ຟຸດ​ຊໍ​ລະ­ດັບ 1 ຈາກ​ສະ­ຫະ­ພັນບານ­ເຕະ​ອາ­ຊີ (AFC Futsal Coaching Certificate Course-Level 1) ເພື່ອ​ເປັນ​ການ​ພັດ​ທະນາ​ຄູ​ເຝິກ ຂຶ້ນ​ວັນ​ທີ 8-13 ມິ­ຖຸ­ນາ 2017 ທີ່​ຫ້ອງ​ປະ­ຊຸມ​ໃຫຍ່​ສະ­ຫະພັນ​ບານ­ເຕະ​ແຫ່ງ​ຊາດ​ລາວ ບ້ານ​ຫ້ວຍ​ຫົງ ເມືອງ​ຈັນ­ທະ​ບູ​ລີ ນະຄອນ​ຫຼວງ​ວຽງ​ຈັນ ມີທ່ານ ວີ​ເພັດ ສີ​ຫາ​ຈັກ ປະ­ທານສະ­ຫະ­ພັນ​ບານເຕະ​ແຫ່ງ​ຊາດ​ລາວ ທ່ານ ໄຊ​ບັນ­ດິດ ຣາ​ຊະ​ພົນ ເລ­ຂາ­ທິ­ການ​ສະ­ຫະ­ພັນບານ­ເຕະ​ແຫ່ງ​ຊາດ​ລາວ ທ່ານ LING LUHUI ວິ­ທະ­ຍາ­ກອນ​ຈາກ​ສະ­ຫະ­ພັນ​ບານ­ເຕະ​ອາ­ຊີ (​ຈີນ) ພ້ອມ​ດ້ວຍ​ສຳ​ມະ​ນາ​ກອນ​ເຂົ້າ​ຮ່ວມ.

​ສຳ​ມະ­ກອນຊຸດນີ້ມີ 17 ຄົນ ມາ​ຈາກ​ແຂວງ​ຈຳ­ປາ​ສັກ ນະ­ຄອນ­ຫຼວງ​ວຽງ​ຈັນ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ປກສ ຊຽງຂວາງ ຫົວ­ພັນ ຄຳ​ມ່ວນ ອຸ­ດົມ​ໄຊ ແຂວງ​ວຽງ​ຈັນ ຫຼວງ​ພະ​ບາງ ແລະ ສຕລ ເຊິ່ງ​ຜູ້​ເຂົ້າ​ຮ່ວມ​ຈະ​ໄດ້​ຮຽນ​ຮູ້​ທັງ​ພາກ​ທິດ​ສະດີ ແລະ ພາກ​ປະ­ຕິ­ບັດ​ຕົວ​ຈິງ.

ຂ່າວທີ່ກ່ຽວຂ້ອງ