ເກີດ​ເຫດ­ການ​ໂຈມ​ຕີ​ຄຸກ ​​ໃນ ສປ ກົງ​ໂກ

62 13 ມິ.ນ. 2017 ຂ່າວຕ່າງປະເທດ
ເກີດ​ເຫດ­ການ​ໂຈມ​ຕີ​ຄຸກ ​​ໃນ ສປ ກົງ​ໂກ

ຜູ້​ເສຍ​ຊີ­ວິດ 11 ຄົນ ແລະ ນັກ­ໂທດ​ກວ່າ 900 ຄົນ ໜີອອກ​ໄປ​ຈາກ​ຄຸກ​ແຫ່ງ​ໜຶ່ງ​ໃນ ສາ​ທາ​ລະນະ​ລັດ ປະ­ຊາ­ທິ­ປະ­ໄຕ ກົງໂກ ເມື່ອ​ວັນ​ທີ 11 ມິ­ຖຸ­ນາ​ນີ້ ຫຼັງ​ຈາກ​ທີ່​ຄຸກ​ແຫ່ງ​ນັ້ນ​ຖືກ​ໂຈມຕີ​ໂດຍ​ກຸ່ມ​ຄົນ​ແປກ​ໜ້າ.

ຜູ້​ວ່າ­ການ​ແຂວງກີ​ວູ​ເໜືອ ໃຫ້​ຮູ້​ວ່າ​ ຄຸກກັງ​ວາ​ຢີ ຢູ່​ໃນ​ເຂດເບ​ນີ ໄດ້​ຖືກ​ກຸ່ມ​ເປົ້າ​ໝາຍ​ທີ່​ບໍ່ຮູ້​ຊື່​ສຽງ​ ໂຈມ​ຕີ​ຢ່າງ​ບໍ່​ຄາດ​ຝັນ ໃນ​ເວ­ລາ​ຮຸ່ງ​ເຊົ້າ​ຂອງ​ວັນ​ທີ 11 ມິຖຸ​ນາ ຫຼັງ​ຈາກ​ທີ່​ໄດ້​ຍິງ​ຕໍ່­ສູ້​ລະຫວ່າງ​ເຈົ້າ​ໜ້າ­ທີ່​ຮັກ­ສາ​ຄວາມສະ­ຫງົບ ແລະ ເຈົ້າ​ໜ້າ­ທີ່ຍາມຄຸກ ກັບ​ກຸ່ມ​ທີ່​ໂຈມ​ຕີ​ແລ້ວ ເຈົ້າໜ້າ­ທີ່​ທ້ອງ­ຖິ່ນ​ໄດ້​ຢັ້ງ­ຢືນ​ວ່າ ​ມີ​ຜູ້​ເສຍ​ຊີ­ວິດ 11 ຄົນ ໃນ​ນັ້ນ​ເປັນເຈົ້າ​ໜ້າ­ທີ່​ຮັກ­ສາຄວາມ​ສະຫງົບ​ລວມ​ຢູ່​ນຳ 8 ຄົນ.

ປັດ­ຈຸ­ບັນ​ ​ຍັງ​ມີ​ນັກ­ໂທດເຫຼືອຢູ່ 30 ຄົນ ຈາກ​ຈຳ­ນວນ​ທັງໝົດ 966 ຄົນ ທີ່​ຖືກ​ກັກ​ຂັງ​ຢູ່​ໃນຄຸກ​ດັ່ງ­ກ່າວ.

ຂ່າວທີ່ກ່ຽວຂ້ອງ