ຫຼາຍແຫ່ງເປີດບັ້ນດຳເນີນຊີວິດການເມືອງ ປັບປຸງປົວແປງພັກ

144 15 ມິ.ນ. 2017 ຂ່າວໜ້າ​ໜຶ່ງ
ຫຼາຍແຫ່ງເປີດບັ້ນດຳເນີນຊີວິດການເມືອງ ປັບປຸງປົວແປງພັກ

ກອງ​ປະຊຸມ​ດຳເນີນ​ຊີວິດ​ການເມືອງ ​ປັບປຸງ​ປົວແປງ​ພັກ ທົ່ວ​ອົງຄະນະ​ພັກ​ສະຫະພັນ​ນັກຮົບ​ເກົ່າແຫ່ງ​ຊາດ​ລາວ ປີ 2017 ຈັດ​ຂຶ້ນ ລະຫວ່າງ​ວັນ​ທີ 13-16 ມິຖຸນາ 2017 ທີ່​ສະຫະພັນ​ນັກຮົບ​ເກົ່າແຫ່ງ​ຊາດ​ລາວ (​ສນຫລ) ເປັນປະທານ​ຂອງ​ສະຫາຍ ພົນ​ຈັດ​ຕະວາ ສົມ​ພອນ ແກ້ວ​ມີ​ໄຊ ເລຂາຄະນະ​ພັກ ສະຫະພັນ​ນັກຮົບ​ເກົ່າແຫ່ງ​ຊາດ ໃຫ້​ກຽດ​ເຂົ້າ​ຮ່ວມ​ໂດຍສະຫາຍ ພົນ​ໂທ ຈັນ​ສະໝອນ ຈັນ​ຍາ​ລາດ ກຳມະການ​ກົມ​ການເມືອງ ເລຂາ​ຄະນະ​ພັກ ລັດ​ຖະມົນຕີ​ກະຊວງ​ປ້ອງ​ກັນ​ປະເທດ ມີບັນດາ​ສະຫາຍ​ຄະນະ​ພັກ ຄະນະໜ່ວຍ​ພັກ ສະມາຊິກ​ພັກ.

ສະຫາຍ ພົນ​ຈັດຕະວາ ສົມ​ພອນ ແກ້ວ​ມີ​ໄຊ ກ່າວ​ວ່າ: ກອງ​ປະຊຸມ​ຄັ້ງ​ນີ້ ແມ່ນ​ເຊີດ​ຊູ​ສະຕິ​ຄວາມ​ຮັບຜິດຊອບ​ຂອງ​ຄະນະພັກ ສະມາຊິກ​ພັກ​ໃນ​ການ​ເຄົາລົບ ແລະ ປະຕິບັດ​ບັນດາ​ຫຼັກການ​ກໍ່ສ້າງ​ພັກ ເຊິ່ງ​ກ່ອນ​ອື່ນ​ໝົດແມ່ນ​ຫຼັກການ​ລວມ​ສູນ​ປະຊາ​ທິປະ​ໄຕ ຫຼັກການ​ຕິ​ຊົມ​ຕົນ​ເອງ ຕິຊົມ​ກັນ ແນໃສ່​ແກ້​ໄຂ​ປາກົດການຫຍໍ້ທໍ້​ຕ່າງໆ​ພາຍ​ໃນ​ພັກ ແລະ ສ້າງ​ໃຫ້​ອົງຄະ​ນະ​ພັກມີຄວາມ​ປອດ​ໃສ ເຂັ້ມແຂງ ໜັກແໜ້ນ.

ຂ່າວ​ແຈ້ງ​ຕື່ມ​ວ່າ: ອົງຄະ​ນະ​ພັກກະຊວງ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ (ຖວທ) ໄດ້ຈັດ​ກອງ​ປະຊຸມ​ບັ້ນ​ດຳເນີນ​ຊີວິດການເມືອງ ​ປັບປຸງ​ປົວແປງ​ພັກຂຶ້ນ​ເປັນ 2 ຂັ້ນ​ຕອນ​ຄື: ລະຫວ່າງວັນ​ທີ 14-15 ແລະ ວັນ​ທີ 27-29 ມິຖຸນາ 2017 ທີ່​ຫໍ​ວັດທະນະທຳແຫ່ງ​ຊາດ ໂດຍ​ເປັນ​ປະທານ​ຂອງສະຫາຍ ບໍ່​ແສງ​ຄຳ ວົງ​ດາລາ ກຳມະການ​ສູນ​ກາງ​ພັກ ເລຂາຄະນະ​ພັກ ລັດຖະມົນຕີ​ກະຊວງຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ມີ​ບັນດາ​ສະຫາຍ​ຄະນະ​ປະຈຳ​ຄະນະ​ພັກ ຄະນະ​ໜ່ວຍ ແລະ ສະມາຊິກ​ພັກ​ທົ່ວ​ກະຊວງ ຖວທ ເຂົ້າ​ຮ່ວມ.

ໃນ​ວັນ​ດຽວ​ກັນ ທີ່​ສະ​ຖາ​ບັນຄົ້ນຄວ້າ​ກະສິກຳ ແລະ ປ່າໄມ້ແຫ່ງ​ຊາດ ກະຊວງ​ກະສິກຳ ແລະ ປ່າໄມ້ ໄດ້​ຈັດ​ກອງ​ປະຊຸມ​ບັ້ນ​ດຳເນີນ​ຊີວິດ​ການເມືອງ ປັບປຸງ​ປົວແປງ​ທົ່ວ​ອົງຄະ​ນະ​ພັກ ຊຸດ​ທີ II ປະຈຳປີ 2017 ຂຶ້ນ ພາຍ​ໃຕ້​ການເປັນ​ປະທານຂອງ​ສະຫາຍ ລຽນ ທິ​ແກ້ວ ກຳມະການ​ສູນ​ກາງ​ພັກ ເລຂາ​ຄະນະ​ພັກ ລັດຖະມົນຕີ​ກະຊວງ​ກະສິກຳ ແລະ ປ່າໄມ້ ມີ​ຄະນະ​ປະຈຳ​ພັກ ຄະນະ​ພັກ ຕະຫຼອດຮອດ​ສະມາຊິກ​ພັກ ແລະ ພະນັກງານ​ຫຼັກ​ແຫຼ່ງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ