Laoviet Bank ມອບເຄື່ອງຊ່ວຍເຫຼືອສັງຄົມ

126 16 ມິ.ນ. 2017 ຂ່າວໜ້າ​ໜຶ່ງ
Laoviet Bank ມອບເຄື່ອງຊ່ວຍເຫຼືອສັງຄົມ

ວັນທີ 15 ມິຖຸນາ 2017 ທີ່ໂຮງໝໍມະໂຫສົດ ທະນາຄານຮ່ວມທຸລະກິດລາວ-ຫວຽດ ໄດ້ນຳເອົາເຄື່ອງຊ່ວຍເຫຼືອມາມອບໃຫ້ແກ່ໂຮງໝໍມະໂຫສົດ ແລະ ຄອບຄົວທຸກຍາກຂາດເຂີນທີ່ນອນປິ່ນປົວຢູ່ໂຮງໝໍປະກອບມີ: ຕັ່ງຫີນ ຈຳນວນ 25 ໜ່ວຍ ແລະ ເຄື່ອງບໍລິໂພກ ອຸປະໂພກ ຈໍານວນ 75 ຊຸດ ພ້ອມເງິນສົດ ລວມມູນຄ່າທັງໝົດ 24 ລ້ານກີບ ເຊິ່ງຕາງໜ້າກ່າວມອບໂດຍທ່ານ ຟາມກວັກກົງ ຮອງຜູ້ອໍານວຍການໃຫຍ່ທະນາຄານຮ່ວມທຸລະກິດລາວ-ຫວຽດ ແລະ ກ່າວຮັບໂດຍທ່ານ ອຸ່ນຄຳ ພັນທະລີ ຮອງຜູ້ອຳນວຍການໂຮງໝໍມະໂຫສົດ ມີພະນັກງານແພດໝໍ ແລະ ພາກສ່ວນກ່ຽວຂ້ອງເຂົ້າຮ່ວມ.

ໃນວັນດຽວກັນ ທີ່ໂຮງໝໍມິດຕະພາບ (150 ຕຽງ) ນະຄອນຫຼວງວຽງຈັນ ທະນາຄານຮ່ວມທຸລະກິດລາວ-ຫວຽດ ໄດ້ມອບເຄື່ອງຊ່ວຍເຫຼືອໃຫ້ແກ່ໂຮງໝໍມິດຕະພາບ ແລະ ຄົນເຈັບທີ່ທຸກຍາກ ປະກອບມີ ປະເພດເຄື່ອງບໍລິໂພກ ອຸປະໂພກ ພ້ອມເງິນສົດຈໍານວນໜຶ່ງ ແລະ ຕັ່ງຫີນ ຈຳນວນ 25 ໜ່ວຍ ລວມມູນຄ່າທັງໝົດ 24 ລ້ານກີບ ກ່າວມອບໂດຍທ່ານ ສີປະເສີດ ຄ່ວງສະຫວັນ ຮອງຜູ້ອຳນວຍການໃຫຍ່ ທະນາຄານຮ່ວມທຸລະກິດລາວ-ຫວຽດ ແລະ ກ່າວຮັບໂດຍທ່ານ ສະໜອງ ທອງຊະນະ ອຳນວຍການໂຮງໝໍມິດຕາບ ເຊິ່ງມີພາກສ່ວນກ່ຽວຂ້ອງເຂົ້າຮ່ວມ.

ຂ່າວທີ່ກ່ຽວຂ້ອງ