ນົມສົ້ມກາ 3 ດາວ ສິນຄ້າທີ່ໄດ້ຮັບຄວາມນິຍົມຈາກສັງຄົມ

163 19 ມິ.ນ. 2017 ຂ່າວໜ້າ​ໜຶ່ງ
ນົມສົ້ມກາ 3 ດາວ ສິນຄ້າທີ່ໄດ້ຮັບຄວາມນິຍົມຈາກສັງຄົມ

ນົມ​ສົ້ມ​ກາ 3 ດາວ ເປັນຜະລິດ​ຕະ​ພັນ​ໜຶ່ງ​ທີ່​ທຸກ​ຄົນ​ທຸກເພດທຸກ​ໄວ ສາມາດ​ຮັບ​ປະທານໄດ້ ປັດຈຸບັນ ນົມ​ສົ້ມ​ກາ 3 ດາວ ສາມາດ​ຕອບ​ໂຈດ​ກັບ​ຄວາມຮຽກຮ້ອງ​ຕ້ອງ​ຂອງ​ສັງຄົມ ຈາກນະຄອນຫຼວງໄປ​ສູ່​ບັນດາ​ແຂວງໃນ​ຂອບ​ເຂດ​ທົ່ວ​ປະເທດ ເຊິ່ງ​ເປັນທຸລະ​ກິດ​ຄອບຄົວ​ຂອງ​ທ່ານ​ນາງ ພອນ​ສະຫວັນ ພັນທະ​ວີ ເຈົ້າຂອງ​ໂຮງງານ​ຜະລິດ​ນົມ​ສົ້ມ​ກາ 3 ດາວ ສະຖານທີ່​ຕັ້ງ​ຢູ່​ບ້ານໜອງ​ໄຮ ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ.

ທ່ານ​ນາງ ພອນ​ສະຫວັນ ພັນທະວີ ໃຫ້​ຮູ້​ວ່າ: ນົມ​ສົ້ມ​ກາ 3 ດາວ ສ້າງຕັ້ງ​ຂຶ້ນໃນ​ປີ 2015 ໄດ້​ນຳ​ເອົາ​ສູດ​ການ​ປຸງ​ແຕ່ງ​ຈາກ 3 ປະເທດຄື: ປະເທດ​ຣັດ​ເຊຍ ອິນ​ເດຍ ແລະ ປະເທດ​ສິງກະໂປ ດ້ວຍ​ລົດ​ຊາດ​ທີ່​ແຊບ ​ເປັນ​ທີ່​ຍອມຮັບ​ຂອງ​ຄົນ​ທຸກ​ເພດ​ທຸກ​ໄວ ເຮັດໃຫ້​ຍອດ​ຂາຍ​ເພີ່ມ​ຂຶ້ນ ພາໃຫ້ກາຍເປັນ​ສິນຄ້າ​ຕົວ​ແບບ​ທີ່​ສັງຄົມ​ຍອມຮັບ ແລະ ໄດ້​ກາຍເປັນສິນຄ້າ​ໂອ​ດ໊ອບ​ໜຶ່ງ​ເມືອງ​ໜຶ່ງ​ຜະລິດ​ຕະ​ພັນ​ແຫ່ງ​ຊາດ ເປັນ​ຄອບຄົວ​ຕົວ​ແບບ​ຂອງ​ບ້ານ ສາມາດສ້າງ​ອາຊີບ ສ້າງ​ວຽກ​ເຮັດ​ງານທຳ​ໃຫ້​ປະຊາຊົນ​ເຮັດ​ທຸລະ​ກິດ​ຈະເລີນ​ເຕີບ​ໂຕ ແລະ ຂາຍ​ດີ​ໃນ​ປັດຈຸ​ບັນ ຍອດ​ຜະລິດ​ຕະ​ພັນ​ໃນ​ແຕ່ລະ​ວັນ 2.000-3.000 ກ້ອນ​ຕໍ່ວັນ ປະກອບ​ມີ 3 ຜະລິດ​ຕະ​ພັນຫຼັກ ຄື: ນົມ​ສົ້ມ​ເປັນ​ກ໋ອງ​ລົດ​ຊາດໂຢ​ເກິດ ເປັນ​ກາ​ແລັມ ມີ 6 ລົດຊາດ 6 ສີ ແລະ ກະ​ແລັມ​ຖົງນ້ອຍ​ກາ 3 ດາວ ໃນ​ນັ້ນ ຜະລິດຕະ​ພັນ​ທີ່​ໄດ້​ຮັບ​ຄວາມ​ນິຍົມ​ຫຼາຍທີ່​ສຸດ​ແມ່ນ​ກາ​ແລັມ​ຖົງ​ນ້ອຍ ປັດຈຸ​ບັນ ພາຍ​ໃນ​ໂຮງງານ​ມີ​ພະນັກງານທັງ​ໝົດ 50 ກວ່າ​ຄົນ ສະເລ່ຍ​ລາຍ​ຮັບ​ເງິນເດືອນ​ຄົນ​ໜຶ່ງໄດ້ 3 ລ້ານ​ກວ່າ​ກີບ​ຂຶ້ນ​ເມືອ ຂຶ້ນກັບ​ການ​ຜະລິດ.

ຂ່າວທີ່ກ່ຽວຂ້ອງ