ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ລື

432 20 ມິ.ນ. 2017 ຫົວຂໍ້ຂ່າວອື່ນໆ

ຄຳ​ສັນ­ທານ ໃຊ້​ໃນ​ຕຳ­ແໜ່ງ​ທ້າຍປະ­ໂຫຍກ ມີ​ຄວາມ​ໝາ­ຍວ່າ ເປັນ​ຄຳຖາມ​ວ່າ​ສົມ­ຄວນ​ບໍ ​ດັ່ງ­ນີ້​ເປັນ­ຕົ້ນ. ໃນ​ຊີ­ວິດ​ປະ­ຈຳ​ວັນ​ບໍ່​ພົບ​ເຫັນ​ໃຊ້​ປານ­ໃດ ແຕ່​ໃນ​ວັນ­ນະ­ຄະ­ດີ​ເກົ່າ​ຂອງ​ລາວ ຈະ​ພົບ​ເຫັນ​ໃຊ້​ຫຼາຍ.

ຕົວ­ຢ່າງ:

...ຕາມ­ຊ່າງ​ໄວ້​ມັນ​ປູກ​ເປັນ​ຫຼັກ ວ່າ​ຈັກ​ຂີນ​ຄຳ​ລື​ຫ້ອນ​ເປັນ​ຢ່າງ​ນີ້...(ສັງ​ສິນ​ໄຊ)

...ບຸນ​ປະ­ກອບ​ແກ້ວ         ກັນ​ແລ້ວ​ຮ່ອນ​ຂີນ ໄດ້​ລື...

...ໃຜ​ວ່າ​ຄູ­ຫາ​ຫ້ອງ           ສີ­ໂຫ​ຊິ​ເວັ້ນ​ຫຼີກ ເປັນ​ລື...

...ມີ​ບໍ່ ໃສ່​ທໍ່​ຈ້ຳ                ເຮືອ​ຊິ​ຂຶ້ນ​ເຜັ່ນ​ຜາຍ ພີ່​ລື...

...ເຫັນ​ແຕ່​ດວງ​ສີ​ໜ້າ        ຊິ​ໝາຍ​ດີ​ສັນ​ເກົ່າ ວ່າ​ລື...

...ຮຽມ​ຢາກ ວານ​ຝູງ​ພີ່­ນ້ອງ ວົງ​ວານ​ໃຫ້​ມາ​ຊ່ວຍ ຊິ​ຄື​ລື... (ສານ​ລຶບ­ພະ­ສູນ)

ໃນ​ແງ່​ຄວາມ​ໝາຍ​ວິ­ທະ­ຍາ​ພາ­ສາ​ສາດ, ລື ໃນ​ພາ­ສາ​ລາວ ມັກ​ໃຊ້​ເປັນ​ຄຳ​ຖາມ ແລະ ​ມີ​ຄວາມ​ໝາ­ຍວ່າໄດ້​ບໍ? ເປັນ​ບໍ? ວ່າ​ບໍ? ຊິ​ຄື​ບໍ?... ນອກ­ຈາກ​ນີ້ ລື ຍັງ​ຖື​ເປັນ​ຄຳ​ທີ່​ສະ­ແດງ​ຄວາມ​ຮູ້­ສຶກ ​ແລະ​ ອາ­ລົມ​ອອກ​ມາ​ໄດ​ເຊັ່ນ​ກັນ.

ຂ່າວທີ່ກ່ຽວຂ້ອງ