ດັບເຫງົາ ເຊົາຄຽດ - ໂດຍ : ບ່າວກະບື : ເງິນ​ປະ­ກັນ​ຕົວ

447 20 ມິ.ນ. 2017 ຫົວຂໍ້ຂ່າວອື່ນໆ

ໂຈນ​ມື​ກາວ​ຄົນ​ໜຶ່ງ​ບັງ­ອາດ​ລັກ​ຄວາຍ​ສອງ​ໂຕ​ພ້ອມ​ກັນ ເພື່ອ​ເອົາ​ໄປ​ຂາຍ ແຕ່​ຖືກ​ເຈົ້າ​ໜ້າ­ທີ່​ຕາມຮອຍ ແລະ ຈັບ​ໄດ້​ໄລ່ທັນ ພາຍ­ຫຼັງ​ຖືກ​ກັກ​ຂັງ​ເປັນ​ເວ­ລາ 3 ວັນ ເມື່ອ​ສອບ​ສວນໂຈນ​ມື​ກາວ​ໄດ້​ຂໍ​ຮ້ອງ​ເຈົ້າ​ໜ້າ­ທີ່​ໃຫ້​ປ່ອຍ​ເຂົາຊົ່ວ­ຄາວ ເພື່ອ​ໄປເບິ່ງ​ເມຍ​ຢູ່­ກຳ.

“ຕ້ອງ​ມີ​ເງິນ​ມາ​ວາງ ເພື່ອ​ປະ­ກັນ​ຕົວ​ຈຶ່ງ​ຊິ​ປ່ອຍ” ເຈົ້າ​ໜ້າ­ທີ່​ວ່າ

“ໄດ້ໆ...ເຮົາ​ມີ​ເງິນ 15 ພັນ​ໂດ​ລາ ເຮົາ​ຂໍ​ເອົາ​ເງິນ​ນີ້​ມາ​ປະ­ກັນ” ໂຈນ​ມື​ກາວ​ເວົ້າ​ຂຶ້ນ “ໂທມີ​ເງິນ​ຫຼາຍ ປານ​ນັ້ນ​ຍັງ​ມາ​ລັກຄວາຍ​ອີກ​ນໍ ​ຈັ່ງ​ແມ່ນ​ຊາດ” ເຈົ້າ​ໜ້າ­ທີ່​ຕຳ­ຫຼວດ​ເວົ້າ​ໃຫ້

ຝ່າຍ​ໂຈນ​ຕອບ​ວ່າ: “ອັນ​ເງິນ 15 ພັນ​ໂດ​ລາ​ຫັ້ນ​ກໍ່​ລັກ​ເຂົາ​ມາ​ຄື​ກັນ!”.

ຂ່າວທີ່ກ່ຽວຂ້ອງ