IS ເຂັ່ນ­ຂ້າ​ຊົນ­ເຜົ່າ​ຕວກ​ເມນ​ຫຼາຍ​ຮ້ອຍ​ຄົນ ໃນ​ເມືອງ ຕາ​ລ ອາ​ຟາ

171 06 ກ.ກ. 2017 ຂ່າວຕ່າງປະເທດ
IS ເຂັ່ນ­ຂ້າ​ຊົນ­ເຜົ່າ​ຕວກ​ເມນ​ຫຼາຍ​ຮ້ອຍ​ຄົນ ໃນ​ເມືອງ ຕາ​ລ ອາ​ຟາ

ໜັງ­ສື­ພິມ​ເອ​ເລັກ​ໂຕຣ​ນິກ Iraqi news ຂອງ​ອີ​ຣັກ ລາຍ​ງານ​ເມື່ອ​ວັນ​ທີ 4 ກໍ­ລະ­ກົດ​ນີ້​ວ່າ ກຸ່ມ​ກໍ່​ການ​ຮ້າຍ​ລັດ​ອິ​ສລາມ (IS) ໄດ້​ເຂັ່ນ­ຂ້າ​ຊົນ­ເຜົ່າ​ຕວກ​ເມນ (Turkmen) ຈຳ­ນວນ 200 ຄົນ ຢູ່​ໃນ​ເມືອງ​ຕາ​ລ ອາ​ຟາ ຊຶ່ງ​ຕັ້ງ​ຢູ່​ທາງ​ທິດ­ຕາ­ເວັນ­ຕົກ​ນະ­ຄອນ ໂມ​ຊູ​ລ ຂອງ​ອີ​ຣັກ.

ເຈົ້າ​ໜ້າ­ທີ່​ລະ­ດັບ​ສູງ​ໃນ​ແຂວງ​ນີ​ເນ​ເວີ (ອີ​ຣັກ) ກ່າວ​ຕໍ່​ສຳ­ນັກ​ຂ່າວ­ສານ Anadolu ຂອງ​ຕວກ​ກີ ເມື່ອ​ວັນ​ທີ 4 ກໍ­ລະ­ກົດ​ນີ້​ວ່າ ພວກ​ນັກ­ຮົບ IS ໄດ້​ຈັບ​ກຸມ ແລະ ເຂັ່ນ­ຂ້າ​ຊາວ​ຕວກ​ເມນ​ຈຳ­ນວນ​ດັ່ງ­ກ່າວ ໃນ​ນັ້ນ​ມີ​ທັງ​ເດັກ­ນ້ອຍ ແລະ ແມ່­ຍິງ​ລວມ​ຢູ່​ນຳ ເຫດ­ການ​ດັ່ງ­ກ່າວ​ມີ​ຂຶ້ນ​ໃນ​ຂະ­ນະ​ທີ່​ຜູ້​ເຄາະ​ຮ້າຍ​ເຫຼົ່າ­ນັ້ນ​ພວມ​ພະ­ຍາ­ຍາມ​ປົບ​ໜີ​ໄປ​ຍັງ​ເຂດ​ທີ່​ມີ​ຄວາມ​ປອດ​ໄພ.

ເມືອງ ຕາ​ລ ອາ​ຟາ ເປັນ​ໜຶ່ງ​ໃນ​ຖານ​ທີ່​ໝັ້ນ​ທີ່​ສຳ­ຄັນ ຊຶ່ງ​ຢູ່​ພາຍ​ໃຕ້​ການ​ຄວບ​ຄຸມ​ຂອງ IS ຢູ່​ໃນ​ແຂວງ​ນີ​ເນ​ເວີ ມາ​ຕັ້ງ­ແຕ່​ເດືອນ​ສິງ­ຫາ ປີ 2014.

ຂ່າວທີ່ກ່ຽວຂ້ອງ