ສາກົນຖອນລາວອອກຈາກບັນຊີສີເທົາ

308 13 ກ.ກ. 2017 ຂ່າວໜ້າ​ໜຶ່ງ
ສາກົນຖອນລາວອອກຈາກບັນຊີສີເທົາ

ຄະນະ​ກຳມະການ​ແຫ່ງ​ຊາດ ເພື່ອ​ຕ້ານ​ການ​ຟອກ​ເງິນ ແລະ ການ​ສະໜອງ​ທຶນ​ໃຫ້​ແກ່​ການ​ກໍ່ການ​ຮ້າຍ ໄດ້​ຈັດ​ກອງ​ປະຊຸມ​ຄະນະ​ກຳມະການ​ດັ່ງກ່າວ​ຂຶ້ນ ວັນ​ທີ 11 ກໍລະກົດ 2017 ທີ່​ທະນາຄານແຫ່ງ ​ສປປ ລາວ ເປັນ​ປະທານຂອງ​ທ່ານ ສົມ​ດີ ດວງ​ດີ ຮອງ​ນາຍົກ​ລັດຖະມົນຕີ ລັດຖະມົນຕີ​ກະຊວງ​ການ​ເງິນ ທັງ​ເປັນ​ປະທານຄະນະ​ກຳມະການ​ແຫ່ງ​ຊາດ ເພື່ອ​ຕ້ານ​ການ​ຟອກ​ເງິນ ແລະ ການ​ສະໜອງ​ທຶນ​ໃຫ້​ແກ່​ການ​ກໍ່ການ​ຮ້າຍ​ ມີ​ບັນດາ​ຄະນະ​ກຳ​ມະການ​ເຂົ້າ​ຮ່ວມ.

​ສປປ ລາວ ໄດ້​ຮັບ​ຜົນສຳເລັດ ໂດຍ​ໄດ້​ຖືກ​ຖອນ​ອອກ​ຈາກ​ບັນຊີຕິດຕາມ (ບັນຊີ​ສີ​ເທົາ) ຂອງ​ອົງການ​ຕ້ານ​ການ​ຟອກ​ເງິນ​ສາກົນ ໂດຍ ​ສປປ ລາວ ສາມາດ​ແກ້​ໄຂຂໍ້​ບົກ​ຜ່ອງ ແລະ ຂໍ້ຄົງຄ້າງ​ທາງດ້ານ​ນິຕິ​ກຳ ແລະ ການຈັດຕັ້ງ​ປະຕິ​ບັດ​ຕົວ​ຈິງ ກ່ຽວ​ກັບ​ວຽກ​ງານຕ້ານ​ການ​ຟອກ​ເງິນ ແລະ ສະໜອງ​ທຶນ​ໃຫ້​ແກ່​ການ​ກໍ່​ການ​ຮ້າຍ ມາ​ຢູ່​ບັນຊີ​ປົກກະຕິ​ໄດ້ ໃນ​ກອງປະຊຸມ​ຄົບ​ຄະນະ ປະຈຳ​ເດືອນ​ມິ​ຖຸນາ 2017 ທີ່​ປະເທດ​ແອັດ​ສະປາຍ ການຈັດຕັ້ງ​ປະຕິບັດ​ການປະ​ເມີນ​ຄວາມ​ສ່ຽງ​ລະດັບ​ຊາດ ກ່ຽວ​ກັບ​ການ​ຟອກ​ເງິນ ແລະ ການ​ສະໜອງ​ທຶນ​ໃຫ້​ແກ່​ການ​ກໍ່ການ​ຮ້າຍ ການ​ຮ່ວມ​ມື​ສາກົນ ການ​ສ້າງ​ຍຸດ​ທະ​ສາດ​ວຽກ​ງານດັ່ງກ່າວ.

ພາຍຫຼັງ​ທີ່​ຖືກ​ຖອນ​ອອກ​ຈາກບັນຊີ​ສີ​ເທົາ ແມ່ນ​ຈະ​ສືບຕໍ່​ຈັດ​ຕັ້ງປະຕິບັດ​ການຈັດຕັ້ງ​ປະຕິບັດ​ ການປະ​ເມີນ​ຄວາມ​ສ່ຽງ​ລະດັບ​ຊາດ ກ່ຽວ​ກັບ​ການ​ຟອກ​ເງິນ ແລະ ການ​ສະໜອງ​ທຶນ​ໃຫ້​ແກ່​ການ​ກໍ່ການ​ຮ້າຍ ໄດ້​ຮັບ​ການ​ຮ່ວມ​ມື ແລະ ຊ່ວຍເຫຼືອ​ດ້ານ​ວິຊາ​ການຈາກ​ທະນາຄານ​ໂລກ ໄດ້​ດຳເນີນສຳເລັດ​ໄລຍະ​ທີ 1 ແລະ ພວມກ້າວ​ເຂົ້າ​ສູ່​ໄລຍະ​ທີ 2 ຄາດ​ວ່າ ການ​ປະ​ເມີນ​ດັ່ງກ່າວ​ຈະ​ສຳເລັດໃນ​ທ້າຍ​ປີ 2018 ຜົນ​ການ​ປະເມີນ​ຄວາມ​ສ່ຽງ​ຈະ​ເປັນ​ຂໍ້​ມູນ​ສຳຄັນ​ ໃນ​ການ​ສ້າງ​ຍຸດ​ທະ​ສາດ​ກ່ຽວກັບ​ວຽກ​ງານ​ຂອງ ​ສປປ ລາວ ທັງ​ໝົດ​ນັ້ນ​ ເພື່ອ​ຮັບປະກັນ​ບໍ່​ໃຫ້ ​ສປປ ລາວ ຕົກ​ຢູ່​ໃນ​ການ​ຕິດຕາມ​ຂອງ​ສາກົນ ກ່ຽວ​ກັບ​ວຽກງານ​ເພື່ອ​ຕ້ານ​ການ​ຟອກ​ເງິນ ແລະ ການ​ສະໜອງ​ທຶນ​ໃຫ້​ແກ່ການ​ກໍ່​ການ​ຮ້າຍ ທັງ​ໝົດ​ນີ້ ເພື່ອຮັບປະກັນ​ບໍ່​ໃຫ້ ສປປ ລາວ ຕົກ​ຢູ່ໃນ​ການ​ຕິດຕາມ​ຂອງ​ສາກົນ ແລະ ກະກຽມ​ໃຫ້​ແກ່​ການ​ປະເມີນ ​ສປປ ລາວ ຮອບດ້ານ​ກ່ຽວກັບ​ວຽກ​ງານ​ນີ້ ໃນ​ປີ 2020.

ຂ່າວທີ່ກ່ຽວຂ້ອງ