ການລົງທຶນຈາກອິນເດຍ ຢູ່ໃນອັນດັບທີ 8 ຂອງການລົງທຶນຕ່າງປະເທດຢູ່ລາວ

104 09 ສ.ຫ. 2017 ຂ່າວໜ້າ​ໜຶ່ງ

ສປປ ລາວ ໄດ້ດູນການຄ້າຈາກການສົ່ງສິນຄ້າໄປອິນເດຍ 100 ກວ່າລ້ານໂດລາສະຫະລັດ ໃນປີ 2016 ຂະນະທີ່ການນຳເຂົ້າສິນຄ້າຈາກອິນເດຍ ມີມູນຄ່າ 30 ລ້ານໂດລາສະຫະລັດ ອິນເດຍຈັດເປັນອັນດັບທີ 8 ຂອງຕ່າງປະເທດມາລົງທຶນໃນ ສປປ ລາວ ຂໍ້ມູນດັ່ງກ່າວ ໄດ້ຮັບການເປີດເຜີຍໃນໂອກາດສະເຫຼີມສະຫຼອງຄົບຮອບ 25 ປີ ການເປັນຄູ່ຮ່ວມມືລະຫວ່າງອາຊຽນ-ອິນເດຍ ຊຶ່ງຈັດຂຶ້ນໂດຍສະພາອຸດສາຫະກຳ-ການຄ້າລາວ ແລະ ສະພານັກທຸລະກິດອິນເດຍ-ອາຊຽນ ໃນວັນທີ 7 ສິງຫາ 2017 ນີ້ ທີ່ນະຄອນຫຼວງວຽງຈັນ.

ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ: ໃນປີ 2016 ຜ່ານມາ ສປປ ລາວ ໄດ້ສົ່ງອອກສິນຄ້າຫຼາຍປະເພດໄປອິນເດຍ ເປັນຕົ້ນແມ່ນ ແຮ່ທາດ ຢາງພາລາ ເຟີນີເຈີໄມ້ ແລະ ອື່ນໆ ເຊິ່ງມີມູນຄ່າເຖິງ 100 ກວ່າລ້ານໂດລາສະຫະລັດ ຂະນະທີ່ສິນຄ້ານຳເຂົ້າຈາກອິນເດຍ ມີມູນຄ່າ 30 ກວ່າລ້ານໂດລາສະຫະລັດ ລວມມີເຄື່ອງກົນຈັກ ສິນຄ້າກະສິກຳ ຜະລິດຕະພັນເຫຼັກ ແລະ ອື່ນໆ.

ອີງຕາມຂໍ້ມູນຂອງສອງຝ່າຍໃຫ້ຮູ້ວ່າ: ກ່ອນໜ້ານີ້ ການຮ່ວມມືດ້ານການຄ້າອິນເດຍກັບອາຊຽນໃນລະຫວ່າງປີ 2007-2008 ມີພຽງແຕ່ 30 ຕື້ກວ່າໂດລາສະຫະລັດ ແຕ່ມາເຖິງປັດຈຸບັນໄດ້ເພີ່ມຂຶ້ນເປັນ 71 ຕື້ກວ່າໂດລາສະຫະລັດ ອາຊຽນເປັນຄູ່ຮ່ວມດ້ານການຄ້າໃຫຍ່ອັນດັບ 4 ຂອງອິນເດຍ ແລະ ເປັນຄູ່ຮ່ວມດ້ານການຄ້າໃຫຍ່ອັນດັບທີ 7 ຂອງອາຊຽນ.

ຂ່າວທີ່ກ່ຽວຂ້ອງ