ຄົນເມືອງໃຫຍ່ ແລະ ສວນສາທາລະນະ

2,953 30 ມິ.ນ. 2011 ນານາສາລະ
ຄົນເມືອງໃຫຍ່ ແລະ ສວນສາທາລະນະ

<p style="text-align: justify;"> ສວນ​ສາ­ທາ­ລະ­ນະ ເປັນ​ຊັບ​ສົມ­ບັດ​ລວມ​ຂອງ​ຊາດ ສ່ວນ​ໃຫຍ່​ສ້າງ​ຢູ່​ໃນ​ຕົວ​ເມືອງ​ໃຫຍ່ ຫຼື​ເທດ­ສະ­ບານ​ແຂວງ ມີ​ແຕ່​ລັດ​ເທົ່າ​ນັ້ນ​ສ້າງ ຈຶ່ງ​ເກີດ​ມີ​ມາ​ດ້ວຍ​ມູນ​ຄ່າ​ທີ່​ສູງ ແນ­ໃສ່​ເປັນ​ບ່ອນ​ພັກ­ຜ່ອນ​ຢ່ອນ​ໃຈ​ຂອງ​ຊາວ​ເມືອງ ຍິ່ງ​ບ້ານ​ເມືອງ​ມີ​ການ​ຂະ­ຫຍາຍ­ຕົວ​ຫຼາຍ​ເທົ່າ­ໃດ ສວນ​ສາ­ທາ­ລະ­ນະ​ຍິ່ງ​ມີ​ຄວາມ​ສຳ­ຄັນ ສຳ­ລັບ​ຄົນ​ໃນ​ຕົວ​ເມືອງ ເພາະ​ນອກ­ຈາກ​ເປັນ​ບ່ອນ​ພັກ­ຜ່ອນ​ຢ່ອນ​ໃຈ​ແລ້ວ ຍັງ​ເປັນ​ບ່ອນ​ອອກ­ກຳ­ລັງ​ກາຍ ອ່ານ­ໜັງ­ສື ບ່ອນ​ນັດ​ພົບ​ປຶກ­ສາ​ວຽກ​ງານ​ບາງ​ຢ່າງ ທີ່​ບໍ່​ຈຳ­ເປັນ​ຕ້ອງ​ໄປ​ບ່ອນ​ອື່ນ ເປັນ​ບ່ອນ​ພາ​ລູກ​ຫຼານ​ໄປ​ຫຼິ້ນ.</p> <p style="text-align: justify;"> ພ້ອມ​ດຽວ​ກັນ ສວນ​ສາ­ທາ­ລະ­ນະ​ກໍ​ບໍ່​ແມ່ນ: ເດີ່ນ​ເຕະ­ບານ ບ່ອນ​ຂີ່​ລົດ­ຈັກ ບ່ອນ​ບົນ​ແຊວ ບ່ອນ​ຖິ້ມ​ຂີ້​ເຫຍື້ອ ບ່ອນ​ກິນ​ເຂົ້າ ກິນ​ອາ­ຫານ ບ່ອນ​ມົ້ວ​ສຸມ​ປະ­ກົດ​ການ​ຫຍໍ້­ທໍ້ ບ່ອນ​ຂາຍ­ເຄື່ອງ​ກິນ​ແບບ​ຍູ້​ລໍ້ ຍົກ­ເວັ້ນ​ຂອງ​ສວນ​ທີ່​ມີ​ຮ້ານ​ສະ­ເພາະ​ຮັບ​ໃຊ້​ຜູ້​ມາ​ທ່ຽວ.</p> <p style="text-align: justify;"> ເວົ້າ​ສະ­ເພາະ​ໃນ​ນະ­ຄອນ­ຫຼວງ ມີ​ສວນ​ສາ­ທາ­ລະ­ນະ​ຫຼາຍ​ບ່ອນ ຈຳ­ນວນ​ໜຶ່ງ​ກໍ​ສະ­ອາດ ບໍ­ລິ­ຫານ​ຈັດ­ການ​ໄດ້​ດີ ມີ​ເດີ່ນ​ຫຍ້າ ສວນ​ດອກ​ໄມ້​ສວຍ​ງາມ ໜ້າ​ໄປ​ພັກ­ຜ່ອນ​ຢ່ອນ​ໃຈ ນອກ­ຈາກ​ນີ້ ບາງ​ສວນ​ກໍ​ມີ​ຮູບ​ປັ້ນ​ບັນ​ພະ​ບູ​ລຸດ ຜູ້​ມີ​ຄຸນ­ງາມ­ຄວາມ­ດີ​ຕໍ່​ປະ­ເທດ​ຊາດ​ບ້ານ​ເມືອງ ຊຶ່ງ​ເວ­ລາ​ຍ່າງ​ເຂົ້າ​ໄປ​ຫຼຽວ​ເຫັນ​ເພິ່ນ​ແລ້ວ​ກໍ​ອົບ​ອຸ່ນ­ໃຈ ດັ່ງ­ນັ້ນ​ເວົ້າ​ທົ່ວ​ໄປ​ແລ້ວ ສວນ​ທັງ­ຫຼາຍ​ແມ່ນ​ດີ ແຕ່​ຍັງ​ມີ​ສິ່ງ​ໜຶ່ງ​ທີ່​ຂໍ​ແລກ­ປ່ຽນ​ນຳ​ຜູ້​ຮັບ­ຜິດ­ຊອບ ແລະ ໂດຍ​ສະ­ເພາະ​ຄົນ​ໃນ​ເມືອງ​ຈຳ­ນວນ​ໜຶ່ງ ຊຶ່ງ​ໄປ​ໃຊ້​ສວນ​ເຈົ້າ​ອະ­ນຸ­ວົງ​ແຄມ​ຂອງ ປະ­ກົດ​ວ່າ​ຂ້ອນ​ຂ້າງ​ເສລີ​ກາຍ​ຂອບ​ເຂດ​ເກີນ​ໄປ ໂດຍ​ບໍ່​ນັບ­ຖື​ລະ­ບຽບ​ການ ແລະ ຂາດ​ຄວາມ​ສຳ­ນຶກ 6 ສ ຕາມ​ທຳ​ມະ​ດາ​ແລ້ວ ຄົນ​ວຽງ​ແທ້ໆ ຖ້າ​ເຂົ້າ​ໂຮງ­ຮຽນ​ປະ­ຖົມ ກໍ​ເຂົ້າ­ໃຈ​ດີ​ຕໍ່​ຄຳ​ຂວັນ​ນີ້ ພວກ​ຂາດ​ລະ­ບຽບ​ດັ່ງ­ກ່າວ ມີ​ການ​ກະ­ທຳ​ໃນ​ສວນ​ເຈົ້າ​ອະ­ນຸ­ວົງ​ດັ່ງ­ນີ້:</p> <p style="margin-left: 0.5in; text-align: justify;"> -    ຂີ່​ລົດ­ຈັກ​ເປັນ​ວຸ້ນໆ​ໃນ​ສວນ</p> <p style="margin-left: 0.5in; text-align: justify;"> -    ຖິ້ມ​ຂີ້​ເຫຍື້ອ​ຊະ­ຊາຍ ໂດຍ​ສະ­ເພາະ​ໃກ້ໆ​ຮູບ​ປັ້ນ</p> <p style="margin-left: 0.5in; text-align: justify;"> -    ພວກ​ຂາຍ­ເຄື່ອງ​ລໍ້​ຍູ້​ບໍ່​ເປັນ​ລະ­ບຽບ ຊຸກ​ໄປ​ຂາຍ​ທົ່ວ­ທີບ</p> <p style="margin-left: 0.5in; text-align: justify;"> -    ເຕະ­ບານ ແລະ ອື່ນໆ.</p> <p style="text-align: justify;"> ສິ່ງ​ທີ່​ກ່າວ​ມາ​ນີ້ ຕ້ອງ​ມີ​ການ​ແກ້​ໄຂ​ດ່ວນ ຖ້າ​ປ່ອຍ­ປະ​ໄປ ຄວາມ​ບໍ່​ເປັນ​ລະ­ບຽບ​ແນວ​ອື່ນ ກໍ​ອາດ​ຈະ​ໂຜ່​ຂຶ້ນ​ມາ ຄວນ​ມີ​ເຈົ້າ​ໜ້າ­ທີ່​ກ່າວ​ເຕືອນ​ຄັກ­ແນ່ ຕ້ອງ​ເຂົ້າ­ໃຈ​ວ່າ​ຜູ້​ມາ​ໃຊ້​ສວນ​ຈຳ­ນວນ​ໜຶ່ງ ກໍ​ເປັນ​ບຸກ­ຄົນ​ສຳ­ຄັນ ຄົນ​ຕ່າງ­ປະ­ເທດ ຜູ້​ອາ­ວຸ­ໂສ ມັກ​ຄວາມ​ມິດ​ແດ່ ຜູ້​ອອກ­ກຳ­ລັງ​ກາຍ​ແທ້ໆ ຊ້ຳ­ພັດ​ເປັນ​ຄົນ​ບໍ່​ສ້າງ​ບັນ­ຫາ ຢ່າ​ລືມ​ວ່າ 6 ສ ນັ້ນ​ຢູ່​ສວນ​ສາ­ທາ­ລະ­ນະ ກໍ​ປະ­ຕິ­ບັດ​ຄື​ກັນ ຖ້າ​ອົດ​ປະ­ພຶດ​ແບບ​ນີ້​ບໍ່​ໄດ້ ກໍ​ບໍ່​ຄວນ​ອອກ­ເຮືອນ ນະ­ຄອນ­ຫຼວງ​ແມ່ນ​ຈະ­ເລີນ​ໄປ​ໜ້າ ລູກ​ໃຜ​ຫຼານ​ໃຜ​ຊ່ວຍ​ຕັກ­ເຕືອນ​ກັນ​ແດ່​ເນີ.</p> <p style="text-align: justify;"> <strong>ໂດຍ: ນະ​ບ່າວ</strong></p>

ຂ່າວທີ່ກ່ຽວຂ້ອງ