ຂໍ້​ຄິດ​ໃໝ່ໆ ຫຼັ່ງ​ໄຫຼ​ເຂົ້າ​ສູ່​ສະພາ

2,608 18 ກ.ກ. 2012 ນານາສາລະ
ຂໍ້​ຄິດ​ໃໝ່ໆ ຫຼັ່ງ​ໄຫຼ​ເຂົ້າ​ສູ່​ສະພາ

<p>  </p> <p style="text-align: justify; "> ຄະ­ນະ​ຮັບ­ຜິດ­ຊອບ​ໂທລະ­ສັບ​ສາຍ​ດ່ວນ​ສູ່​ກອງ​ປະ­ຊຸມ​ສະ­ພາ​ແຫ່ງ​ຊາດ ໄດ້​ແຈ້ງ​ຕົວ​ເລກ​ທີ່​ໜ້າ​ຊື່ນ​ຊົມ​ໃຫ້​ຊາບ​ວ່າ: ຕະ­ຫຼອດ​ໄລ­ຍະ​ດຳ­ເນີນ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 3 ຂອງ​ສະ­ພາ​ຊຸດ​ປັດ­ຈຸ­ບັນ (ຊຸດ​ທີ 7) ທີ່​ໄດ້​ປິດ​ລົງ​ໃນ​ວັນ​ທີ 13 ເດືອນ​ກໍ­ລະ­ກົດ​ນີ້ ມີ​ຜູ້​ສົ່ງ​ຄຳ​ຄິດ​ເຫັນ​ຂໍ້​ສະ­ເໜີ​ຕ່າງໆ​ເຖິງ​ກອງ​ປະ­ຊຸມ​ຫຼາຍ​ກວ່າ​ຊຸດ​ຜ່ານໆ​ມາ​ສາ­ມາດ​ສັງ​ລວມ​ໄດ້ ທັງ​ໝົດ 17 ຊຸດ (ກອງ​ປະ­ຊຸມ​ໃຊ້​ເວ­ລາ 18 ວັນ ບໍ່​ນັບ​ວັນ​ພັກ).</p> <p style="text-align: justify; "> ນອກ­ຈາກ​ການ​ເພີ່ມ​ຂຶ້ນ​ທາງ​ດ້ານ​ຈຳ­ນວນ​ແລ້ວ ຍັງ​ມີ​ຂໍ້​ຄິດ​ຂໍ້​ສະ­ເໜີ​ໃໝ່​ສົ່ງ​ໃຫ້​ຜູ້​ແທນ​ກອງ​ປະ­ຊຸມ​ພິ­ຈາ­ລະ­ນາ ໃນ​ຄໍ​ລຳ​ທີ່​ມີ​ເນື້ອ­ທີ່​ຈຳ­ກັດ​ນີ້ ຜູ້​ຂຽນ​ຂໍ​ສະ­ເໜີ​ບາງ​ຂໍ້​ຄິດ​ດັ່ງ­ກ່າວ​ໃຫ້​ຊາບ​ດັ່ງ​ລຸ່ມ​ນີ້:</p> <p style="text-align: justify; "> ຄຳ​ສະ­ເໜີ​ຜ່ານ​ສາຍ​ດ່ວນ​ຂໍ້​ໜຶ່ງ​ຮຽກ­ຮ້ອງ​ໃຫ້​ພາກ­ສ່ວນ​ກ່ຽວ­ຂ້ອງ ພິ­ຈາ­ລະ­ນາ​ອອກ​ແບບ​ເຄື່ອງ­ນຸ່ງ​ປະ­ຈຳ​ຊາດ ທີ່​ສາ­ມາດ​ນຸ່ງ​ເຂົ້າ​ຮ່ວມ​ພິ­ທີ​ທາງ​ການ ເພື່ອ​ແທນ​ຊຸດ​ສາ­ກົນ ເພາະ​ເຫັນ​ວ່າ ການ​ນຸ່ງ​ຊຸດ​ສາ­ກົນ​ເຂົ້າ​ຮ່ວມ​ທຸກ​ພິ­ທີ­ການ​ໃນ​ສະ­ພາບ​ອາ­ກາດ​ຮ້ອນ​ອົບ­ເອົ້າ​ຂອງ​ບ້ານ​ເຮົາ​ນັ້ນ ບໍ່​ເໝາະ​ສົມ ມີ​ຫຼາຍ​ຄົນ​ເຂົ້າ­ໃຈ​ເອົາ​ເອງ​ວ່າ ເສື້ອ​ໄໝ​ແຂນ​ຍາວ ຕັດ​ແບບ​ເສື້ອ​ຊາ​ຟາ​ຣີ ມີ​ຄໍ ແລະ ບໍ່​ມີ​ຄໍ ຫຼື ຕັດ​ຊົງ​ເສື້ອ​ແວ໋ດ ວ່າ​ແມ່ນ​ຊຸດ​ປະ­ຈຳ​ຊາດ ແຕ່​ໃນ​ຕົວ​ຈິງ​ແລ້ວ​ຍັງ​ບໍ່​ເປັນ​ເອ­ກະ​ພາບ ຍັງ​ບໍ່​ທັນ​ມີ​ການ​ຮັບ­ຮອງ​ຢ່າງ​ເປັນ​ທາງ​ການ ສຸດ​ແລ້ວ­ແຕ່​ໃຜ​ຊິ​ຄິດ​ເອົາ​ເອງ ດັ່ງ­ນັ້ນ ຈຶ່ງ​ຄວນ​ກຳ­ນົດ​ຢ່າງ​ເປັນ​ທາງ​ການ ໂດຍ​ໃຫ້​ສະ­ພາ​ແຫ່ງ​ຊາດ ຫຼື ພາກ­ສ່ວນ​ກ່ຽວ­ຂ້ອງ​ມີ​ມະ­ຕິ​ຕົກ­ລົງ​ຮັບ­ຮອງ​ເອົາ​ຢ່າງ​ຄັກ­ແນ່ ເພື່ອ​ຄວາມ​ເປັນ​ເອ­ກະ​ພາບ.</p> <p style="text-align: justify; "> ອີກ​ຂໍ້​ໜຶ່ງ​ແມ່ນ​ຄຳ​ສະ­ເໜີ​ໃຫ້​ມີ​ວັນ “ພາ­ສາ​ລາວ” ຫຼື ວັນ “ອັກ­ສອນ​ລາວ” ເພື່ອ​ປຸກ­ລະ­ດົມ​ຊຸກ­ຍູ້​ໃຫ້​ທົ່ວ​ສັງ­ຄົມ​ຂຽນ-ປາກ ແລະ ໃຊ້​ພາ­ສາ​ລາວ​ຢ່າງ​ຖືກ­ຕ້ອງ ແລະ ເປັນ​ເອ­ກະ​ພາບ ໃນ​ວັນ​ດັ່ງ­ກ່າວ​ຕ້ອງ​ຈັດ​ໃຫ້​ມີ​ການ​ແຂ່ງ­ຂັນ​ການ​ໃຊ້​ພາ­ສາ​ລາວ​ໃຫ້​ຖືກ­ຕ້ອງ ເປັນ​ວັນ​ສະ­ຫຼຸບ​ຕີ​ລາ­ຄາ​ການ​ໃຊ້​ພາ­ສາ​ລາວ​ຂອງ​ຂະ­ແໜງ­ການ ແລະ ບຸກ­ຄົນ ລວມ​ທັງ​ຜູ້​ມີ​ຖາ­ນະ​ຕຳ­ແໜ່ງ​ຕ່າງໆ.</p> <p style="text-align: justify; "> ຄຳ​ສະ­ເໜີ​ຂໍ້​ຕໍ່​ໄປ​ແມ່ນ​ກ່ຽວ​ກັບ​ການ​ປະ­ກອບ​ຄຳ​ເຫັນ​ຂອງ​ສະ­ມາ­ຊິກ​ສະ­ພາ​ແຫ່ງ​ຊາດ ຕໍ່​ແຕ່​ລະ​ຫົວ­ຂໍ້​ກອງ​ປະ­ຊຸມ ຄື​ຢາກ​ໃຫ້​ຄະ­ນະ​ຮັບ­ຜິດ­ຊອບ​ກອງ​ປະ­ຊຸມ​ສະ­ພາ ສະ­ຫຼຸບ​ໃຫ້​ເຫັນ​ວ່າ ແຕ່​ລະ​ຫົວ­ຂໍ້​ນັ້ນ​ມີ​ຜູ້​ອອກ​ຄຳ​ເຫັນ​ໜ້ອຍ​ຫຼາຍ​ປານ­ໃດ ທັງ​ນີ້​ກໍ​ເພື່ອ​ໃຫ້​ທົ່ວ​ສັງ­ຄົມ​ເຫັນ​ໄດ້​ຄວາມ​ສຳ­ຄັນ​ຂອງ​ແຕ່​ລະ​ບັນ­ຫາ.</p> <p style="text-align: justify; "> ອີກ​ບັນ­ຫາ​ໜຶ່ງ​ນັ້ນ ມີ​ລັກ­ສະ­ນະ​ກວ້າງ​ໄກ​ຂ້າມ​ຊາຍ​ແດນ ນັ້ນ​ຄື ປະ­ກົດ​ການ​ລະ­ເມີດ​ເຄື່ອງ­ໝາຍ​ການ​ຄ້າ ເຈົ້າ​ຂອງ​ຄຳ​ສະ­ເໜີ​ບອກ​ວ່າ ເພິ່ນ​ເຄີຍ​ສັງ­ເກດ​ເຫັນ​ການ​ປອມ​ແປງ​ເຄື່ອງ­ໝາຍ​ລົດ​ຍີ່­ຫໍ້​ຕ່າງໆ ໂດຍ​ການ​ເອົາ​ກາ​ຂອງ​ຍີ່­ຫໍ້​ໜຶ່ງ​ໄປ​ຕິດ​ໃສ່​ລົດ​ຍີ່­ຫໍ້​ອື່ນ ເຊັ່ນ: ເອົາ​ກາ​ລົດ​ໂຕ​ໂຢ​ຕ້າ ໄປ​ຕິດ​ແທນ​ກາ “BYD” ຫຼື “Hyundai” ເອົາ​ກາ​ລົດ “Lexus” ໄປ​ຕິດ​ປ່ຽນ​ແທນ​ກາ​ລົດ​ຍີ່­ຫໍ້​ອື່ນ ເຈົ້າ​ຂອງ​ຂໍ້​ສະ­ເໜີ​ບອກ​ວ່າ ເລື່ອງ​ນີ້​ອາດ​ເກີດ​ຈາກ​ຄວາມ​ຄະ­ນອງ​ຄວາມ​ຮູ້​ເທົ່າ​ບໍ່​ເຖິງ​ການ​ຂອງ​ບຸກ­ຄົນ ແຕ່​ພວກ​ເຮົາ​ບໍ່​ຄວນ​ແນມ​ກາຍ ເພາະ​ແຂກ​ບ້ານ ແຂກ­ເມືອງ​ອາດ​ຕີ​ລາ­ຄາ​ວ່າ ບ້ານ​ເມືອງ​ຂອງ​ພວກ​ເຮົາ​ບໍ່​ເຄັ່ງ​ລະ­ບຽບ​ກົດ­ໝາຍ ປ່ອຍ​ໃຫ້​ຄົນ​ເຮັດ​ຊະ​ຊຸ​ຊະ­ຊາຍ.</p> <p style="text-align: justify; "> ຜູ້​ຂຽນ​ເຫັນ​ວ່າ ຂໍ້​ຄິດ​ຄຳ​ສະ­ເໜີ​ທີ່​ເວົ້າ​ມາ​ຂ້າງ​ເທິງ​ນັ້ນ​ມີ​ເຫດ­ຜົນ ຄວນ​ແກ່​ການ​ຄົ້ນ­ຄວ້າ​ພິ­ຈາ­ລະ­ນາ​ຢ່າງ​ເໝາະ​ສົມ.</p> <p style="text-align: justify; "> <strong>ໂດຍ: ຄົນ​ແດດ​ດຽວ</strong></p>

ຂ່າວທີ່ກ່ຽວຂ້ອງ