ຂ່າວຫຼ້າສຸດ

ຕີ​ຖອຍ​ການ​ຟຸມ​ເຟືອຍ Œ ໂດຍ : ດັ້ນ​ກີບ​ເມກ

142 04 ມ.ກ. 2017 ນານາສາລະ

ເດືອນ​ທັນ­ວາ ປີ 2016 ຖືເປັນ​ເດືອນ​ສະຫຼຸບ​ທົບ​ທວນ​ຊີວິດ ທັງ​ວຽກ​ສ່ວນ​ຕົວ ແລະ ວຽກ​ລວມ ໂດຍ​ສະເພາະແມ່ນ​ການ​ປະ­ກອບ​ອາ­ຊີບ ສະ­ນັ້ນ ຈຶ່ງ​ມັກມີ​ຜູ້​ຂຽນ​ເຖິງ​ການ​ສະ­ຫຼຸບ​ຖອດ​ຖອນ​ບົດ­ຮຽນ​ຊີວິດ ເດືອນ​ນີ້​ມີ​ເຫດ­ການ​ເດັ່ນ ຄື: ຄວາມ​ນິ­ຍົມ ແລະ ສະ­ໜັບ­ສະ­ໜູນ​ນາ­ຍົກ­ລັດ­ຖະ­ມົນ­ຕີ ທ່ານ ທອງ​ລຸນ ສີ​ສຸ​ລິດ ທີ່​ເວົ້າ​ເຖິງ​ນະ­ໂຍ­ບາຍ​ການ​ຕ້ານການ​ຟຸມ​ເຟືອຍ ໂດຍ​ສະ­ເພາະທ່ານ​ນາ­ຍົກ ​ຍິນ​ດີສົ່ງ​ລົດ​ທີ່​ມີ​ຍີ່­ຫໍ້​ລາ­ຄາ​ແພງ​ຄືນ​ແກ່​ລັດ ແລ້ວ​ປະ­ມູນຂາຍ ເຊິ່ງ​ສາ­ມາດ​ຊື້​ລົດ​ທີ່​ມີ​ຄຸ­ນະ­ພາບ​ດີ ລາ­ຄາສົມ​ເຫດ​ສົມ​ຜົນ​ໄດ້​ອີກ 3 ຄັນ ຂ່າວ​ມາດ​ຕະ­ການປະ­ຢັດຕ້ານ​ການ​ຟຸມ​ເຟືອຍ​ນີ້​ ຖື​ເປັນ​ຂ່າວ​ດັງ​ໄປ​ທົ່ວໂລກ ເຮັດ​ໃຫ້​ປະ­ຊາ­ຊົນ​ຄົນ​ລາວ ທັງ​ໃນ ແລະ ນອກ​ປະ­ເທດ ​ຊື່ນ​ຊົມ​ຍິນ​ດີ​ນຳ​ລັດ­ຖະ­ບານ.

ອີງ​ຕາມ​ແຫຼ່ງ​ຂ່າວ​ຈາກ​ສຳ­ນັກ​ຂ່າວ­ສານ​ປະເທດ​ລາວ (ຂປລ) ໄດ້​ລາຍ​ງານ​ວ່າ: ວັນ​ທີ 20 ທັນ­ວາ 2017 ທ່ານ​ນາ­ຍົກ­ລັດ­ຖະ­ມົນ­ຕີ ທອງ​ລຸນ ສີ​ສຸ​ລິດ ໄດ້​ໂອ້​ລົມ​ຕໍ່​ກອງ​ປະ­ຊຸມ​ແນະ­ນຳ​ການ​ຈັດຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ແຜນ​ງົບ­ປະ­ມານ​ແຫ່ງ​ລັດ ປະ­ຈຳ​ປີ 2016 ທີ່​ຫໍ​ປະ­ຊຸມ​ແຫ່ງ​ຊາດ ໂດຍ​ໄດ້​ເນັ້ນ​ຫຼາຍ​ຈຸດ ເຊັ່ນ: ການ​ເບີກ​ຈ່າຍ​ເງິນ­ເດືອນ​ຂອງ​ພະ­ນັກ­ງານ​ລັດ​ຖະກອນ ຄູ-ອາ­ຈານ ແລະ ກຳ­ລັງ​ປະ­ກອບ​ອາ­ວຸດ ໃຫ້​ທັນ​ຕາມ​ກຳ­ນົດ​ທຸກ​ທ້າຍ​ເດືອນ ໃຫ້​ທຸກ​ຄົນ​ເອົາໃຈ​ໃສ່​ຢ່າງ​ເຄັ່ງ​ຄັດ​ປະ­ຕິ­ບັດ​ມາດ​ຕະ­ການ​ປະ­ຢັດ ຕ້ານ​ການ​ຟຸມ​ເຟືອຍ ພາຍ​ໃນ​ລັດ­ຖະ­ບານ​ກໍ່​ໄດ້​ຕົກລົງ​ເຫັນ​ດີ​ກັນ​ໃນ​ກໍ­ລະ­ນີ​ການ​ນຳ​ໃຊ້​ລົດ​ປະ­ຈຳ​ຕຳແໜ່ງ​ໃຫ້​ເໝາະ​ສົມ ບໍ່​ຈຳ­ເປັນ​ຕ້ອງ​ນຳ​ໃຊ້​ລົດ​ຍີ່­ຫໍ້ລາ­ຄາ​ແພງ ເພື່ອ​ໃຫ້​ສອດ­ຄ່ອງກັບ​ມາດ​ຕະ­ການປະ­ຢັດ ​ຕ້ານ​ການ​ຟຸມ​ເຟືອຍ​ ທີ່​ໄດ້​ວາງ​ອອກ​ແລ້ວ.

ອີງ​ຕາມ​ແຫຼ່ງ​ຂ່າວ​ຕ່າງ­ປະ­ເທດ​ ຍັງ​ໄດ້​ນຳ​ສະເໜີ​ຂ່າວ​ມາດ​ຕະ­ການ​ປະ­ຢັດ​ຂອງ​ລັດ­ຖະ­ບານ​ລາວ ໂດຍ​ສະ­ເພາະເລື່ອງການ​ສົ່ງ​ລົດ​ຄືນ​ຂອງ​ນາ­ຍົກລັດ­ຖະ­ມົນ­ຕີ​ແກ່​ລັດ ເພາະ​ເປັນ​ການ​ປະ­ຕິ­ບັດ​ເປັນຕົວ­ຢ່າງ​ໃຫ້​ແກ່​ສັງ­ຄົມ ແຫຼ່ງ​ຂ່າວ​ດັ່ງ­ກ່າວຍັງ​ໄດ້ເວົ້າ​ເຖິງ​ນະ­ໂຍ­ບາຍ​ຫຼາຍ​ດ້ານ​ຂອງ​ລັດ­ຖະ­ບານ​ທີ່ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ປະ­ຊາ­ຊົນ ເຊັ່ນ: ການ​ຫ້າມ​ສົ່ງ​ອອກ​ໄມ້ ຄ່າ​ນ້ຳ​ປະ­ປາ ການ​ເກັບພາ­ສີ ການ​ເນັ້ນ​ໃຫ້​ຈ່າຍ​ເງິນ­ເດືອນ​ແກ່​ພະ­ນັກງານ​ໃຫ້​ທັນ​ຕາມ​ກຳ­ນົດ ຄ່າ​ໄຟ­ຟ້າ... ນະ­ໂຍ­ບາຍຂອງ​ລັດ­ຖະ­ບານ ນອກ­ຈາກ​ໄດ້​ຮັບ​ການ​ສະ­ໜັບສະ​ໜູນ​ຈາກ​ປະ­ຊາ­ຊົນ​ຄົນ​ລາວ​ແລ້ວ ຕ່າງ­ປະ­ເທດຍັງ​ສົນ­ໃຈນຳ­ໄປ​ເປັນ​ຂ່າວ​ຢ່າງ​ຄຶກ­ຄື້ນ.

ການ​ປະ­ຕິ­ບັດ​ເປັນ​ແບບ­ຢ່າງ​ຄື​ດັ່ງ­ກ່າວ ຖື​ເປັນສິ່ງ​ສຳ­ຄັນ​ເຮັດ​ໃຫ້​ປະ­ຊາ­ຊົນ​ເກີດ​ຄວາມ​ເຊື່ອ​ໝັ້ນໃນ​ການ​ນຳ­ພາ​ຂອງ​ພັກ-ລັດ­ຖະ­ບານ ໃນ​ການ​ພັດທະ​ນາ​ປະ­ເທດ ຄື​ດັ່ງ​ເຮົາ​ເຄີຍ​ໄດ້​ຍິນ​ເວ­ລາ​ເຊື່ອມຊຶມ​ເອ­ກະ­ສານ​ສຳ­ຄັນ ເພິ່ນ​ມັກ​ເວົ້າ​ວ່າ: ...ການນຳ­ພາ​ທີ່​ດີ​ ແມ່ນ​ການ​ນຳ­ພາ​ດ້ວຍ​ການ​ເປັນ​ແບບຢ່າງ...

ພວກ​ເຮົາ​ຂໍ​ຊົມ­ເຊີຍ​ຢ່າງ​ສຸດ​ອົກ​ສຸດ​ໃຈ...

ຂ່າວທີ່ກ່ຽວຂ້ອງ