ຂ່າວຫຼ້າສຸດ

ເຊີນສົມທົບທຶນປະຕິສັງຂອນ ພະທາດຫຼວງ

84 09 ມ.ກ. 2017 ຂ່າວໜ້າ​ໜຶ່ງ

ອີງໃສ່​ຂໍ້​ຕົກລົງ​ຂອງ​ຄະນະຮັບຜິດຊອບ​ລະດັບ​ຊາດ ເພື່ອ​ປະຕິ​ສັງ​ຂອນ​ພິ​ພິ​ທະ​ພັນ​ພະທາດຫຼວງ ຄັ້ງ​ທີ IV ສະບັບ​ເລກ​ທີ 1969/ຈນວ ລົງ​ວັນ​ທີ 30/9/2016 ອະນຸ​ກຳມະການ​ລະດົມທຶນ (ພະແນກການ​ເງິນ ແລະ ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ) ຂໍ​ສະແດງ​ຄວາມຂອບໃຈ ແລະ ຮູ້​ບຸນຄຸນ​ຕໍ່​ພໍ່​ແມ່ພີ່ນ້ອງ​ຊາວ​ລາວ​ຢູ່​ພາຍ​ໃນ ແລະ ຕ່າງປະເທດ ພ້ອມ​ດ້ວຍ​ຊາວ​ຕ່າງປະເທດ ທີ່​ໄດ້​ບໍລິຈາກ​ເງິນ ຄຳ ຫຼື ວັດຖຸ​ມີຄ່າ​ໃນ​ໄລຍະ​ຜ່ານ​ມາ.

ເພື່ອ​ເຮັດ​ໃຫ້ການ​ປະກອບສ່ວນ​ສົມທົບ​ທຶນ ​ໃຫ້​ພຽງພໍ​ກັບຄວາມ​ຕ້ອງການ​ທີ່​ຈຳເປັນຕ້ອງ ໄດ້​ນຳ​ໃຊ້​ເຂົ້າ​ໃນ​ການ​ປະຕິ​ສັງຂອນ​ໃນ​ຄັ້ງ​ນີ້ ໃຫ້​ປາກົດ​ຜົນ​ສຳເລັດ​ດ້ວຍ​ດີ ຈຶ່ງ​ຂໍ​ແຈ້ງ​ມາ​ຍັງ​ພໍ່ແມ່​ພີ່ນ້ອງ​ຊາວ​ລາວ ທັງ​ຢູ່​ພາຍໃນ ແລະ ຕ່າງປະເທດ ພ້ອມດ້ວຍ​ຊາວ​ຕ່າງປະເທດ ທີ່​ມີ​ຈິດໃຈໃສ​ສັດທາ ຈົ່ງ​ສືບຕໍ່​ບໍລິຈາກ ວັດຖຸ ເງິນ ຄຳ ຫຼື ວັດຖຸ​ມີຄ່າ​ອື່ນໆ ເພື່ອ​ປະກອບສ່ວນ​ເຂົ້າ​ໃນ​ການ​ປະຕິສັງຂອນ ພິ​ພິ​ທະ​ພັນ​ພະທາດຫຼວງ ​ຄັ້ງ​ທີ IV.

ທ່ານ​ສາມາດ​ບໍລິຈາກ​ໄດ້ກັບ​ທີ່​ພິ​ພິ​ທະ​ພັນ​ພະ​ທາດຫຼວງ ຫຼື ພະ​ແນກ​ຖະແຫຼງ​ຂ່າວ ວັດ​ທະນະ​ທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ 020 22413459 ຄະນະ​ກຳມະການຂໍ​ຂອບໃຈ ແລະ ອວຍພອນ​ໄຊ​ອັນ​ປະເສີດ ມາ​ຍັງ​ບັນດາ​ທ່ານຜູ້​ມີໃຈ​ບຸນ​ທັງຫຼາຍ ຈົ່ງ​ມີ​ພາລະ​ນາ​ໄມ​ສົມບູນ ມີ​ອາຍຸ ວັນນະ ສຸ​ຂະ ພາລະ ດ້ວຍ​ເທີ້ນ.

ຂ່າວທີ່ກ່ຽວຂ້ອງ