ຢ່າ​ເອົາ​ໄມ້​ຈີ້ມ​ແຂ້ວ ຄາ​ເກ່­ເດ່​ຢູ່​ປາກ - ໂດຍ : ສາວ​ສິ້ນ​ແຕ້ມ

145 09 ມ.ກ. 2017 ຫົວຂໍ້ຂ່າວອື່ນໆ
ຢ່າ​ເອົາ​ໄມ້​ຈີ້ມ​ແຂ້ວ ຄາ​ເກ່­ເດ່​ຢູ່​ປາກ - ໂດຍ : ສາວ​ສິ້ນ​ແຕ້ມ

ເບິ່ງ​ຮູບ​ກາ​ຕູນ​ປະ­ກອບ​ບົດ​ນີ້​ແລ້ວ​ຂໍ​ຢ່າ​ຄິດ​ວ່າ ​ຜູ້​ແຕ້ມ​ໂພດ ຫຼື ເວີ້ (ຊອດ​ມາ​ຈາກ​ຄຳ​ວ່າ Over) ເກີນ​ໄປ ເພາະ​ຖ້າ​ບໍ່​ເຊື່ອ​ຂໍ​ໃຫ້​ທ່ານ​ໄປເລາະ​ເບິ່ງ​ຕາມ​ບໍ­ລິ­ເວນ​ຮ້ານ​ອາ­ຫານ ລໍ­ຖ້າ​ຈົນ​ມີ​ຄົນ​ອີ່ມ​ແລ້ວ​ຍ່າງອອກ​ມາ​ ຮັບ­ຮອງ​ວ່າທ່ານ​ຈະ​ເຫັນ​ໄມ້​ຈີ້ມແຂ້ວ​ຄາ​ເກ່­ເດ່​ຢູ່​ໃນ​ຫຼາຍປາກ ຫຼື ອາດ​ເປັນ​ບາງ​ຄົນ ​ງຸບ​ປາກ​ໃຊ້​ໄມ້​ຈີ້ມ​ແຂ້ວ​ງັດ​ແຂ້ວ ເບື້ອງເທິງ​ເບື້ອງ​ລຸ່ມ ໃນ​ຂະ­ນະ​ທີ່ຍ່າງ ຫຼື ກຳ­ລັງ​ລົມ​ກັບ​ໝູ່ ເຮັດ​ແບບ​ນີ້ ເບິ່ງ​ບໍ່​ງາມ​ຕາ ທັງ​ເປັນ​ອັນ­ຕະ­ລາຍ ​ເຖິງ​ບາດ­ເຈັບ ຖ້າ​ບັງ­ເອີນ​ບໍ​ລິເວນ​ປາກສົບ ໄປຕຳ​ກັບ​ສິ່ງ​ໃດ​ສິ່ງ​ໜຶ່ງ ເລື່ອງ​ຈີ້ມ​ແລ້ວ​ຫຼັງ​ອາ­ຫານນັ້ນ​ບໍ່​ມີ​ໃຜ​ຫ້າມ​ກັນ ຂໍ​ພຽງ​ຢ່າ​ເອົາ​ໄມ້​ຈີ້ມ​ແຂ້ວ​ຄາ​ໄວ້​ແຂ້ວ​ຈູ່­ລູ່​ຢູ່​ຕໍ່ໜ້າຫຼາຍ​ຄົນ​ກໍ່​ແລ້ວ​ກັນ.

ຂ່າວທີ່ກ່ຽວຂ້ອງ