ທ່ອງທ່ຽວສາຍໄໝທອງ ຈັດກິດຈະກຳຊ່ວຍເຫຼືອສັງຄົມ

133 10 ມ.ກ. 2017 ຂ່າວໜ້າ​ໜຶ່ງ
ທ່ອງທ່ຽວສາຍໄໝທອງ ຈັດກິດຈະກຳຊ່ວຍເຫຼືອສັງຄົມ

ວັນ​ທີ 6 ມັງກອນ 2017 ທ່ານ​ນາງ ທອງ​ສະຫວັນ ບຸນ​ເລີດ ປະທານ​ບໍລິສັດ ທ່ອງ​ທ່ຽວ​ສາຍໄໝ​ທອງ ຈຳກັດ ໄດ້​ນຳ​ເອົາ​ເຄື່ອງນຸ່ງ​ຫົ່ມ​ປະເພດ​ເສື້ອ ຈຳນວນ 600 ຜືນ ແລະ ຖົງຕີນ​ຈຳນວນໜຶ່ງ ໄປ​ມອບ​ໃຫ້​ປະຊາຊົນ​ຄອບຄົວ​ທຸກ​ຍາກ ຈຳນວນ 91 ຄອບຄົວ ​ຢູ່​ເມືອງ​ໝື່ນ ແຂວງ​ວຽງ​ຈັນ ເພື່ອ​ເປັນ​ການ​ປະກອບສ່ວນ​ແບ່ງປັນ​ນ້ຳໃຈ​ຊ່ວຍເຫຼືອ​ສັງຄົມ.

ການ​ໄປ​ຊ່ວຍເຫຼືອ​ຄັ້ງ​ນີ້ ທາງບໍລິສັດໄດ້​ໄປ​ມອບ​ດ້ວຍ​ຕົນ​ເອງ ໃຫ້​ແກ່​ປະຊາຊົນ​ຜູ້​ທີ່​ທຸກ​ຍາກ​ຢູ່ 16 ບ້ານຄື: ກຸ່ມ​ບ້ານ​ໂນນ​ໄຮ ມີ 29 ຄອບຄົວ ປະກອບ​ມີ​ບ້ານ​ນາປາ​ໄຜ່ ນ້ຳ​ຫອນ ໂພນ​ງາມ ໂພນໄຮ ແລະ ບ້ານ​ໂພນ​ສີວິໄລ ກຸ່ມເມືອງ​ໝື່ນ ມີ 20 ຄອບຄົວ ປະກອບ​ມີ​ບ້ານ​ເລົາ ນາ​ໝໍ້ ໂພນ​ແສ ແລະ ນ້ຳ​ແຜ້ ກຸ່ມ​ບ້ານ​ວັງ ມີ 11 ຄອບຄົວ ປະກອບ​ມີ​ບ້ານ​ກ້ອນ​ຄຳ ຄົກ​ເໝືອດ ແລະ ບ້ານ​ປາກ​ຈັນ ແລະ ກຸ່ມ​ບ້ານ​ນ້ຳ​ເພີ່ນ ມີ 31 ຄອບຄົວ ປະກອບ​ມີ​ບ້ານ​ໂພນຕ້ອງ ນາ​ບົວ ນາ​ຍາວ ແລະ ບ້ານນ້ຳ​ເພີ່ນ.

ຂ່າວທີ່ກ່ຽວຂ້ອງ