ເປີດນຳໃຊ້ເຂື່ອນໄຟຟ້າເຊເສັດ 3

133 10 ມ.ກ. 2017 ຂ່າວໜ້າ​ໜຶ່ງ

ສປປ ລາວ ເປີດ​ນຳ​ໃຊ້​ເຂື່ອນ​ໄຟຟ້າ​ເຊ​ເສັດ 3 ໃນ​ວັນ​ທີ 6 ມັງກອນ 2017 ທ່າມກາງ​ຄວາມ​ຕ້ອງການ​ສະໜອງ​ກະແສ​ໄຟຟ້າ ທັງ​ພາຍ​ໃນ ແລະ ຕ່າງປະເທດ​ສູງ​ຂຶ້ນ​ຢ່າງ​ຕໍ່​ເນື່ອງ ຂະນະ​ທີ່​ລັດຖະບານ ກໍ່​ໄດ້​ຕັ້ງ​ເປົ້າ​ໝາຍວ່າ​ຈະ​ສູ້​ຊົນ​ ເຮັດ​ໃຫ້​ປະເທດ​ກາຍເປັນ​ໝໍ້​ໄຟ​ແຫ່ງ​ອາຊີ​ໃນ​ອະນາຄົດ.

ພິທີ​ເປີດ​ນຳ​ໃຊ້​ເຂື່ອນ​ໄຟຟ້າ​ເຊ​ເສັດ 3 ຄັ້ງ​ນີ້ ໄດ້​ຈັດ​ຂຶ້ນ​ທີ່​ແຂວງ​ສາລະ​ວັນ ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ຖອງ ດີ​ວີ​ໄຊ ເຈົ້າແຂວງ​ຈຳປາ​ສັກ ທ່ານ ຄຳ​ເຜີຍ ບຸດ​ດາ​ວຽງ ເຈົ້າແຂວງ ແຂວງ​ເຊ​ກອງ ທ່ານ ນາມ ວິ​ຍະ​ເກດ ເຈົ້າແຂວງ​ອັດ​ຕະ​ປື ມີ​ຜູ້ອຳນວຍການ​ໃຫຍ່​ລັດ​ວິ​ສາ​ຫະ​ກິດ​ໄຟຟ້າ​ລາວ ຜູ້ອຳນວຍການ​ໃຫຍ່​ບໍລິສັດ​ຜະລິດ​ໄຟຟ້າ​ລາວ​ມະຫາຊົນ ຕາງໜ້າ​ຜູ້ອຳນວຍການ​ບໍລິສັດ ນໍລິນ​ໂກ ​ພ້ອມ​ດ້ວຍ​ການ​ນຳ​ແຂວງ ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ທ່ານ ບຸນ​ອູ້ມ ສີ​ວັນເພັງ ຜູ້ອຳນວຍການ​ໃຫຍ່​ລັດ​ວິ​ສາ​ຫະ​ກິດ​ໄຟຟ້າ​ລາວ ກ່າວ​ວ່າ: ໂຄງການ​ເຂື່ອນໄຟຟ້າ​ເຊ​ເສັດ 3 ແມ່ນ 1 ໃນ​ບັນດາ​ໂຄງການ​ທີ່​ລັດ​ວິ​ສາ​ຫະ​ກິດ​ໄຟຟ້າ​ລາວ​ ທີ່​ໄດ້​ດຳເນີນ​ການ​ກໍ່ສ້າງ​ຢູ່​ໃນ​ປັດຈຸບັນ​ນີ້ ໂຄງການ​ນີ້​ມີ​ກຳລັງ​ຕິດ​ຕັ້ງ 23 ເມ​ກາ​ວັດ​ຕໍ່​ປີ (MW) ມູນ​ຄ່າ​ການ​ກໍ່ສ້າງ​ທັງ​ໝົດ 50 ກວ່າ​ລ້ານ​ໂດ​ລາ ໂດຍ​ທຶນ​ກູ້​ຢືມ​ຈາກ​ທະນາຄານ EXIM BANK ແຫ່ງ ​ສປ ຈີນ ຮັບ​ເໝົາ​ກໍ່ສ້າງ​ໂດຍ​ບໍລິສັດ NO RINCO ເລີ່ມ​ການ​ກໍ່ສ້າງ​ໃນ​ວັນ​ທີ 17 ມັງກອນ 2014 ແລະ ສຳເລັດ​ກ່ອນ​ແຜນການ 25 ມັງກອນ 2016.

ຂ່າວທີ່ກ່ຽວຂ້ອງ