ຮູ້ພາສາລາວ ມື້ລະຄຳ : ຈັ່ງ​ແມ່ນ​ໂພດ

95 10 ມ.ກ. 2017 ຫົວຂໍ້ຂ່າວອື່ນໆ

ຈັ່ງ​ແມ່ນ​ໂພດ ຄຳ​ສຳ­ນວນ​ລາວ ເປັນ​ຄຳ​ອຸ­ທານ ໃຊ້​ຄື​ກັນ​ກັບ ຈັ່ງ​ແມ່ນ​ຄັກ, ຈັ່ງ​ແມ່ນ​ຊາດ, ຈັ່ງ​ແມ່ນ​ເຫຼືອ­ໃຈ... ສະ­ແດງ​ເຖິງ​ອາ­ລົມ, ຄວາມ​ຮູ້­ສຶກ​ກ່ຽວ​ກັບ​ສິ່ງ​ທີ່​ບໍ່​ສົມ­ຄວນ​ເຮັດ, ສິ່ງ​ເຮັດ​ໃຫ້​ລຳ​ຄານ​ໃຈ, ບໍ່​ມັກ, ຊັງ, ລັງ​ກຽດ, ຄວາມ​ຜິດ​ຫວັງ, ເຫຼືອ​ອົດ​ເຫຼືອ​ທົນ... ເປັນ​ຄຳ​ສະ­ແດງ​ຄວາມ​ຮູ້­ສຶກ​ໄດ້​ດີ​ໃນ​ພາ­ສາລາວ. 

ຕົວ­ຢ່າງ:

- ມີ​ແຕ່​ໄປ​ຫຼິ້ນ​ໄປ​ທ່ຽວ​ຫຼາຍ ຈັ່ງ​ແມ່ນ​ໂພດ!

- ຈັ່ງ​ແມ່ນ​ໂພດ, ໃຊ້​ທໍ່​ນີ້​ກະ​ບໍ່​ໄດ້!

- ຈັ່ງ​ແມ່ນ​ໂພດ! ບອດ​ແນວ​ໜຶ່ງ​ພັດ​ໄປ​ເຮັດ​ແນວ​ໜຶ່ງ.

- ຈັ່ງ​ແມ່ນ​ໂພດ! ຊື້​ເລກ 32 ມັນ​ດັນ​ໄປ​ອອກ 23!

- ໄປ​ຫຼິ້ນ​ເດິກ​ດື່ນ​ແລ້ວ ນອນ​ຕື່ນ​ສວາຍ​ເກີນ​ບ້ານ​ເກີນ​ເມືອງ ຈັ່ງ​ແມ່ນ​ໂພດ ອີ່­ຫຼີ​ນໍ!

ຂ່າວທີ່ກ່ຽວຂ້ອງ