ຂ່າວຫຼ້າສຸດ

ລ້ານ​ຊ້າງ ເສຍ ບູ​ຣີ​ຣຳ 0-2 ໄດ້​ພຽງ​ຮອງ​ແຊັມ​ແມ່​ຂອງ​ຄຼັບ

61 10 ມ.ກ. 2017 ວົງຈອນກີລາ
ລ້ານ​ຊ້າງ ເສຍ ບູ​ຣີ​ຣຳ 0-2 ໄດ້​ພຽງ​ຮອງ​ແຊັມ​ແມ່​ຂອງ​ຄຼັບ

ການ​ແຂ່ງ­ຂັນ​ບານ­ເຕະ ໂຕ​ໂຍ​ຕ້າ ແມ່​ຂອງ​ຄຼັບ (Toyota Mekong Club Championship 2016) ຮອບ​ຊີງ​ຊະ­ນະ​ເລີດ ນັດ​ທີ 2 ສະ­ໂມ­ສອນ ບູ​ຣິ​ຣຳ ຢູ​ໄນ​ເຕັດ ຕ້ອນ­ຮັບ​ການ​ບຸກ​ມາ​ຂອງສະ­ໂມ­ສອນ ລ້ານ​ຊ້າງ ຢູ​ໄນ​ເຕັດ ວັນ​ທີ 08 ມັງ­ກອນ 2017 ທີ່​ສະໜາມ​ກີ­ລາ​ທຳ​ມະ​ສາດ ສູນ​ລັງ​ສິດ ນະ­ຄອນ­ຫຼວງ​ບາງ­ກອກ ປະ­ເທດ​ໄທ ໂດຍ​ທີ່​ໃນ​ນັດ​ທຳ​ອິດ ລ້ານ​ຊ້າງ​ ສາ­ມາດ​ເອົາ​ຊະ­ນະ ບູ​ຣີ​ຣຳ ​ມາ​ໄດ້​ກ່ອນ 1-0.

ການ​ແຂ່ງ­ຂັນ​ໃນ​ຄັ້ງ​ນີ້ ສະ­ໂມ­ສອນ​ບູ​ຣິ​ຣຳ ​ທີ່​ຫຼິ້ນ​ໄດ້​ດີ​ກວ່າ ແລະ ເປັນ​ຝ່າຍ​ສາ­ມາດ​ເອົາ​ຊະ­ນະສະ­ໂມ­ສອນ ​ລ້ານ​ຊ້າງ ໄປ​ໄດ້ 2-0 ຈາກ​ການ​ຍິງ​ຂອງ ດິ​ໂອ​ໂກ (ຍິງ​ລູກ​ຈຸດ​ໂທດ) ນາ­ທີໆ 38 ແລະ ໂກ​ຊຸນ​ກິ ນາ­ທີໆ 50 ລວມ​ຜົນ 2 ນັດ ສະ­ໂມ­ສອນ ບູ​ຣິ​ຣຳ ຢູ​ໄນ​ເຕັດ ແຊັມ​ເກົ່າ ເອົາ​ຊະ­ນະ​ສະ­ໂມ­ສອນ ລ້ານ​ຊ້າງ ຢູ​ໄນ​ເຕັດ 2-1 ຄອງ​ແຊັມ Toyota Mekong Club Championship 2016 ເປັນ​ສະ­ໄໝ​ທີ 2 ຮັບ​ຂັນ+ເງິນ​ລາ­ງວັນ 75.000 ໂດ​ລາ​ສະ­ຫະ­ລັດ (ປະ­ມານ 608 ລ້ານ​ກີບ) ສ່ວນ ລ້ານ​ຊ້າງ ທີ່​ເຂົ້າ​ຮ່ວມ​ເປັນ​ຄັ້ງ​ທຳ​ອິດ ເຮັດ​ໄດ້​ພຽງ​ຮອງ​ແຊັມ ຮັບ​ເງິນ​ລາ­ງວັນ 50.000 ໂດ​ລາ (ປະ­ມານ 405 ລ້ານ​ກີບ).

ຂະ­ນະ​ທີ່​ນັກ­ກີ­ລາ​ດີ­ເດັ່ນປະ­ຈຳ​ລາຍ­ການ ແມ່ນທ້າວ ສຸກ​ທະ­ວີ ສູນ​ດາ­ລາ ຜູ້​ຮັກ­ສາ​ປະ­ຕູສະ­ໂມ­ສອນ ​ລ້ານ​ຊ້າງ ຢູ​ໄນ​ເຕັດ ໄດ້​ຮັບ​ເງິນ​ລາ­ງວັນ 3.000 ໂດ​ລາ (ປະ­ມານ 24 ລ້ານ​ກີບ).

ຂ່າວທີ່ກ່ຽວຂ້ອງ