ຂ່າວຫຼ້າສຸດ

“ມາ​ຣາ​ໂດ​ນ່າ” ເຫັນ​ດີ​ນຳ​ປະ­ທານ​ຟີ​ຟ່າ ທີ່​ຈະ​ເພີ່ມ​ທີມ​ບານ​ໂລກ

48 11 ມ.ກ. 2017 ວົງຈອນກີລາ
“ມາ​ຣາ​ໂດ​ນ່າ” ເຫັນ​ດີ​ນຳ​ປະ­ທານ​ຟີ​ຟ່າ ທີ່​ຈະ​ເພີ່ມ​ທີມ​ບານ​ໂລກ

ດີ​ເອ​ໂກ ມາ​ຣາ​ໂດ​ນ່າ ອະ­ດີດ​ຕຳ­ນານນັກ​ເຕະ​ທີມຊາດ​ອາກ​ຊັງ​ຕິນ ຊຸດ​ແຊັມ​ເຕະ­ບານ­ໂລກ 1986 ແລະ ຮອງ​ແຊັມ​ໂລກ 1990 ເຫັນດີ​ນຳ​ທີ່​ທ່ານ ຈານ​ນີ່​ ອິນ​ຟານ​ຕິ​ໂນ່ ປະ­ທານ​ສະ­ຫະ­ພັນ​ເຕະບານ​ນາ­ນາ​ຊາດ (ຟີ​ຟ່າ) ກຳ­ລັງ​ເຮັດ​ຕາມ​ນະ­ໂຍ­ບາຍ​ຫາ​ສຽງ ຈົນ​ຊະ­ນະ​ການ​ເລືອກ​ຕັ້ງ​ປະ­ທານ “ຟີ​ຟ່າ” ເມື່ອ​ເດືອນ​ກຸມ­ພາ​ປີ​ທີ່​ຜ່ານ​ມາ ກັບ​ການ​ເພີ່ມ​ທີມ​ເຂົ້າ​ຮອບ​ສຸດທ້າຍ​ໃນ​ເຕະ­ບານ­ໂລກ 2026 ຈາກ​ເດີມ 32 ທີມ ເປັນ 40 ຫຼື 48 ທີມ.

ມາ​ຣາ​ໂດ​ນ່າ ໄວ 56 ປີ​ຄົນ​ນີ້ ຈະ​ເຄີຍ​ຖືກ​ຟີຟ່າ​ລົງ­ໂທດ​ດ້ວຍ​ຂໍ້​ຫາ​ເສບ​ສານ​ກະ​ຕຸ້ນ ລະ­ຫວ່າງ​ນຳທີມ​ອາກ​ຊັງ​ຕິນ​ບ້ານເກີດ ລຸຍ​ເຕະບານ​ໂລກ 1994 ທີ່​ປະ­ເທດ​ສະ­ຫະ­ລັດ​ອາ​ເມ​ຣິ​ກາ ແລະ ມີ​ສ່ວນ​ເຮັດ​ໃຫ້​ອາກ​ຊັງ​ຕິນ ​ທີ່​ໄຮ້ ມາ​ຣາ​ໂດ​ນ່າ ພ່າຍ​ແພ້​ໃນ​ເກມ​ສຸດ​ທ້າຍ​ຮອບ​ແບ່ງ​ກຸ່ມ ແລະ ຕົກ​ພຽງ​ແຕ່​ຮອບ 16 ທີມ ດ້ວຍ​ຄວາມ​ພ່າຍ​ແພ້​ອີກ​ຄັ້ງ​ໃນ​ນັດ​ຖັດ​ມາ​ກໍຕາມ ແຕ່​ຄັ້ງ​ນີ້​ກັບ​ເຫັນ​ດີ​ທີ່​ຟີ​ຟ່າ ​ຕ້ອງ­ການ​ເພີ່ມ​ທີມໃນ​ຮອບ​ສຸດ​ທ້າຍ.

ມາ​ຣາ​ໂດ​ນ່າ​ ໃຫ້​ສຳ­ພາດ​ທີ່​ສຳ­ນັກ­ງານ​ໃຫຍ່​ຟີ​ຟ່າ ໃນ​ນະ­ຄອນ​ຊູ​ຣິກ ປະ­ເທດ​ສວິດ ເມື່ອ​ວັນ​ທີ 9 ມັງ­ກອນ ຫຼື 1 ວັນ​ກ່ອນ​ລົງ​ການ​ປະ­ຊຸມ​ສະ­ພາ​ຟີ​ຟ່າ ເພື່ອ​ລົງ­ມະ­ຕິ​ວ່າ​ຈະ​ໃຫ້​ເຕະ­ບານ­ໂລກ 2026 ອີກ 10 ຂ້າງ​ໜ້າ ມີ​ທີມ​ໃນ​ຮອບ​ສຸດ​ທ້າຍ 32 ທີມ​ເທົ່າ​ເດີມ ຫຼື ​ເພີ່ມ​ເປັນ 40 ຫຼື 48 ທີມ ແຖມ​ຍັງ​ຮ່ວມ​ເຕະບານ​ເພື່ອ​ມິດ­ຕະ­ພາບ​ກັບ​ທ່ານ ອິນ​ຟານ​ຕິ​ໂນ່ ວ່າ ເປັນ­ຄວາມ​ຄິດ​ທີ່​ດີ ເພາະ​ຢ່າງ​ໜ້ອຍ​ກໍ​ເຮັດ​ໃຫ້​ຫຼາຍປະ­ເທດ​ທີ່​ບໍ່​ເຄີຍ​ເຂົ້າ​ຮອບ​ສຸດ​ທ້າຍ​ມາ​ກ່ອນ ມີ​ໂອ­ກາດ​ສ້າງ​ຝັນ​ໃຫ້​ເປັນຈິງ.

ນອກ­ຈາກ​ນີ້ຍັງ​ບໍ່​ຄິດ​ວ່າ ການ​ເພີ່ມ​ທີມໃນ​ຮອບ​ສຸດ​ທ້າຍ ຈະ​ເຮັດ​ໃຫ້​ຄຸ­ນະ­ພາບ​ຂອງ​ເຕະ­ບານ­ໂລກ​ຫຼຸດ​ລົງ​ຢ່າງ​ທີ່​ຫຼາຍຝ່າຍ​ຫວັ່ນ​ວິ­ຕົກ​ອີກ​ດ້ວຍ.

ຂ່າວທີ່ກ່ຽວຂ້ອງ