ອາ­ກາດ​ຮ້ອນ​ຜິດ​ປົກ­ກະ­ຕິ ຢູ່​ໃນ​ອົດ​ສະ​ຕຣາ​ລີ

98 11 ມ.ກ. 2017 ຂ່າວຕ່າງປະເທດ
ອາ­ກາດ​ຮ້ອນ​ຜິດ​ປົກ­ກະ­ຕິ ຢູ່​ໃນ​ອົດ​ສະ​ຕຣາ​ລີ

ອົງ­ການ​ອຸ­ຕຸ­ນິ­ຍົມ​ຂອງ​ອົດ​ສະຕຣາ​ລີ (BOM) ມີ​ຄຳ​ແຈ້ງ​ເຕືອນອອກ​ມາ​ເມື່ອ​ວັນ​ທີ 9 ມັງ­ກອນ​ນີ້ວ່າ ລັດ​ນີວ​ເຊົາ​ແວ​ລ (New South Wales) ຂອງ​ອົດ​ສະຕຣາ​ລີ ຈະ​ມີ​ແດດ​ກ້າ​ງວດ​ໃໝ່​ໃນອາ­ທິດ​ນີ້ ໂດຍ​ຈະ​ມີ​ອຸນ­ຫະ­ພູມ​ໃນທີ່​ກາງ­ແຈ້ງ​ຢູ່ຫຼາຍ​ແຫ່ງ​ສູງ​ເຖິງ 46 ອົງ­ສາ C.

ເຂດ​ທີ່​ໄດ້​ຮັບ​ຜົນ​ກະ­ທົບ​ໜັກໜ່ວງ​ທີ່​ສຸດ​ຂອງ​ອາ­ກາດ​ຮ້ອນງວດ​ນີ້ ຕົ້ນ­ຕໍ​ແມ່ນ​ຢູ່​ທາງ​ພາກຕາ­ເວັນ­ຕົກ​ຂອງ​ລັດ​ນີວ​ເຊົາ​ແວ​ລ ໂດຍ​ທີ່​ອຸນ­ຫະ­ພູມ​ຢູ່​ໃນ​ເຂດວີ​ລແຄນ​ເນຍ (Wilcannia) ຄາດ​ວ່າຈະ​ສູງ​ເຖິງ 46 ອົງ­ສາ C ໃນຕອນ​ບ່າຍ​ຂອງ​ວັນ​ທີ 13 ມັງ­ກອນ ໃນ​ຂະ­ນະ​ທີ່​ໃນ​ເຂດ​ບວກ (Bourke) ມີ​ອຸນ­ຫະ­ພູມ​ຢູ່​ທີ່​ປະມານ 45 ອົງ­ສາ C ໃນ​ວັນ​ທີ 11 ແລະ 13 ມັງ­ກອນ.

ນອກ­ຈາກ​ນັ້ນ­ແລ້ວ ຢູ່​ໃນ​ອີກຫຼາຍ​ເຂດ​ໃນ​ລັດ​ນີວ​ເຊົາ​ແວ​ລ ກໍ່​ມີ​ອຸນ­ຫະ­ພູມ​ສູງ​ກວ່າ 40 ອົງສາ C ທີ່​ນະ­ຄອນ​ຊິດ​ນີ (ທາງ​ທິດຕາ­ເວັນ​ອອກ​ຂອງ​ລັດ​ນີວ​ເຊົາແວ​ລ) ຄາດ​ວ່າ​ມີ​ອຸນ­ຫະ­ພູມ​ສະເລ່ຍ​ໃນ​ອາ­ທິດ​ນີ້​ທີ່ 37 ອົງ­ສາ C ແຕ່​ຢູ່​ທາງ​ທິດ­ຕາ­ເວັນ­ຕົກ​ຂອງ​ນະຄອນ​ນີ້ ຈະ​ມີ​ອຸນ­ຫະ­ພູມ​ສູງ​ເຖິງ 40 ອົງ­ສາ C.

ຂ່າວທີ່ກ່ຽວຂ້ອງ