ຂ່າວຫຼ້າສຸດ

ADB ຊ່ວຍ­ເຫຼືອ​ກວ່າ 31 ຕື້​ໂດ​ລາ ໃຫ້​ແກ່ ອາ­ຊີ-ປາ​ຊີ​ຟິກ

46 11 ມ.ກ. 2017 ຂ່າວຕ່າງປະເທດ

ທະ­ນາ­ຄານ​ພັດ­ທະ­ນາ​ອາ­ຊີ (ADB) ແຈ້ງ​ໃຫ້​ຮູ້­ເມື່ອ​ວັນ​ທີ 9 ມັງ­ກອນ​ນີ້​ວ່າ ການ­ເຄື່ອນ­ໄຫວຊ່ວຍ­ເຫຼືອ​ທາງ​ດ້ານ​ການ​ເງິນຂອງ ADB  ທີ່​ໃຫ້​ແກ່​ບັນ­ດາ​ປະເທດ​ໃນ​ເຂດ​ອາ­ຊີ-ປາ​ຊີ​ຟິກ ໄດ້ບັນ­ລຸ​ລະ­ດັບ​ສູງ​ເປັນ​ປະ­ຫວັດ​ການ ທີ່ 31,5 ຕື້​ໂດ​ລາ​ສະ­ຫະ­ລັດ ໃນ​ປີ 2016 ເພີ່ມ​ຂຶ້ນ 17% ເມື່ອ​ທຽບໃສ່​ລະ­ດັບ 26,9 ຕື້​ໂດ​ລາ​ສະ­ຫະລັດ​ຂອງ​ປີ 2015.

ແຈ້ງ​ການ​ຫຼ້າ​ສຸດ​ກ່ຽວ​ກັບການ­ເຄື່ອນ­ໄຫວ​ທຸ­ລະ​ກິດ​ຂອງ ADB ຊຶ່ງ​ມີ​ສຳ­ນັກ­ງານ​ຕັ້ງ​ຢູ່​ໃນນະ­ຄອນ­ຫຼວງ​ມາ​ນີ​ລາ (ຟີ​ລິບປິນ) ໃຫ້​ຮູ້​ວ່າ ບັນ­ດາ​ບ້ວງ​ເງິນ​ໃຫ້ກູ້​ຢືມຊ່ວຍ­ເຫຼືອ​ການ​ເງິນ ໜູນຊ່ວຍ​ທາງ​ດ້ານ​ເຕັກ­ນິກ ແລະ ການ​ຮ່ວມ​ຊ່ວຍ­ເຫຼືອ​ຂອງ ADB ຕ່າງ​ກໍ​ເພີ່ມ​ຂຶ້ນ​ຢ່າງ​ແຮງ​ໃນ​ປີ 2016 ຍ້ອນ​ວ່າ­ຄວາມ​ຕ້ອງ­ການໃນ​ການ​ພັດ­ທະ­ນາ​ຢູ່​ໃນ​ພາກ​ພື້ນດັ່ງ­ກ່າວ ສືບ­ຕໍ່ເພີ່ມ​ຂຶ້ນ​ຢ່າງ​ແຮງ.

ບົດ​ລາຍ​ງານ​ດັ່ງ­ກ່າວ​ລະ­ບຸ​ວ່າ ກອງ​ທຶນ​ພັດ­ທະ­ນາ​ອາ­ຊີ (ADF) ໄດ້​ເພີ່ມ​ເຕີມ​ແຫຼ່ງ​ທຶນ​ສຳ­ຮອງ ໃນ​ໄລ­ຍະ​ປີ 2012-2016 ແລະ ແຫຼ່ງ​ທຶນ​ທີ່​ອຸ­ດົມ­ສົມ­ບູນ​ນີ້ ຈະ​ເປັນການ​ສ້າງ​ທ່ວງ​ທ່າ ແລະ ເຮັດ​ໃຫ້ ADB ເພີ່ມ​ການ​ໜູນ​ຊ່ວຍ​ການເງິນ​ຫຼາຍ​ພໍ​ສົມ­ຄວນ ໃຫ້​ແກ່​ບັນດາ​ປະ­ເທດ​ທີ່​ທຸກ​ຍາກຢູ່​ໃນ​ພາກພື້ນດັ່ງ­ກ່າວ ໃນ​ໄລ­ຍະ​ປີ 2017-2020 ສະ­ເພາະ​ໃນ​ປີ 2016 ຍອດ​ຈຳ­ນວນ​ທຶນ​ທີ່​ໄດ້​ອະ­ນຸ­ມັດຂອງ ADB ໄດ້​ບັນ­ລຸ​ລະ­ດັບ​ສູງເປັນ​ປະ­ຫວັດ​ການ​ທີ່ 12,5 ຕື້ໂດ​ລາ​ສະ­ຫະ­ລັດ ເພີ່ມ​ຂຶ້ນ 29% ທຽບ­ໃສ່​ປີ​ກ່ອນ​ໜ້າ​ນັ້ນ.

ຂ່າວທີ່ກ່ຽວຂ້ອງ