ຂ່າວຫຼ້າສຸດ

ເຫດ­ການ​ຮຸນ​ແຮງ​ໃນ​ເອ​ຢິບ

47 11 ມ.ກ. 2017 ຂ່າວຕ່າງປະເທດ
ເຫດ­ການ​ຮຸນ​ແຮງ​ໃນ​ເອ​ຢິບ

ຂ່າວ­ສານ AP ແລະ Reuters ອ້າງ​ຕາມ​ແຫຼ່ງ​ຂ່າວດ້ານ​ຄວາມ​ສະ­ຫງົບ ແລະ ການແພດ ​ໃຫ້​ຮູ້​ວ່າ ​ມີ​ຜູ້​ເສຍ​ຊີ­ວິດ 9 ຄົນ ແລະ ​ບາດ­ເຈັບ 10 ຄົນ ຫຼັງ​ຈາກ​ທີ່ມື​ວາງ​ລະ­ເບີດ​ສະ­ລະ​ຊີບ ຂັບ​ລົດບັນ­ທຸກ​ວັດ­ຖຸ​ລະ­ເບີດ​ພຸ່ງ​ຕຳ​ປ້ອມກວດ­ກາ​ຄວາມ​ສະ­ຫງົບ​ແຫ່ງ​ໜຶ່ງ ຢູ່​ດ້ານ​ນອກ​ອາ­ຄານ​ຂອງ​ກອງກຳ­ລັງ​ຕຳ­ຫຼວດ​ເອ​ຢິບ​ ໃນ​ນະ­ຄອນ ແອ​ລ​ອາ​ຣິ​ສ ບົນ​ແຫຼມ​ຊາຍ​ນາຍ (ທາງທິດ­ເໜືອ​ປະ­ເທດ​ເອ​ຢິບ) ເມື່ອ​ວັນ​ທີ 9 ມັງ­ກອນ​ນີ້.

ຂ່າວ​ແຈ້ງ­ວ່າ ໃນ​ຈຳ­ນວນ​ຜູ້ເສຍ​ຊີ­ວິດ​ຈາກ​ເຫດ­ການ​ຮຸນ​ແຮງນັ້ນ ມີ​ຕຳ­ຫຼວດ 8 ຄົນ  ແລະ ຍັງ​ບໍ່​ທັນ​ມີ​ກຸ່ມ​ໃດ​ອອກ​ມາ​ອ້າງຄວາມ​ຮັບ­ຜິດ­ຊອບ ເປັນ​ຜູ້​ລົງ­ມືໃນ​ເຫດ­ການ​ນີ້​ເທື່ອ.

ຂ່າວທີ່ກ່ຽວຂ້ອງ