ປະ­ທາ­ນາ­ທິ­ບໍ­ດີ ກົດ​ດີ​ວົວ ປົດ​ຕຳ­ແໜ່ງ​ການ​ນຳ​ກອງ­ທັບ ແລະ ຕຳ­ຫຼວດ

122 11 ມ.ກ. 2017 ຂ່າວຕ່າງປະເທດ
ປະ­ທາ­ນາ­ທິ­ບໍ­ດີ ກົດ​ດີ​ວົວ ປົດ​ຕຳ­ແໜ່ງ​ການ​ນຳ​ກອງ­ທັບ ແລະ ຕຳ­ຫຼວດ

3 ວັນ​ຫຼັງ​ເກີດ​ເຫດ­ການ​ທີ່​ທະຫານ​ກໍ່​ເຫດ​ວຸ້ນ­ວາຍ​ເພື່ອ​ທວງ​ໃຫ້ເພີ່ມ​ເງິນ­ເດືອນ ແລະ ແກ້​ໄຂ​ຊີວິດ​ການ​ເປັນ​ຢູ່ ມາ​ໃນ​ວັນ​ທີ 9 ມັງ­ກອນ​ນີ້ ປະ­ທາ­ນາ­ທິ­ບໍ­ດີ​ກົດ​ດີວົວ ອາ​ລາ​ສ​ຊັນ ອົວ​ຕາ​ຣາ (Alassane Ouattara) ກໍ່​ໄດ້​ປົດຕຳ­ແໜ່ງ​ຫົວ­ໜ້າ​ໃນກອງ­ທັບຕຳຫຼວດ ແລະ ທະ­ຫານ​ບ້ານ.

ເລ­ຂາ­ທິ­ການ​ຂອງ​ທຳ​ນຽບ​ປະທາ​ນາ​ທິ​ບໍ­ດີ​ກົດ​ດີ​ວົວ ໃຫ້​ຮູ້​ວ່າ 3 ຄົນທີ່​ຖືກ​ປະ­ທາ­ນາ­ທິ­ບໍ­ດີ​ ອົວ​ຕາຣາ ປົດ​ຕຳ­ແໜ່ງ​ນັ້ນ​ ແມ່ນ​ຫົວ­ໜ້າເສ­ນາ​ທິ​ການ​ສູງ​ສຸດ​ຂອງ​ກອງ­ທັບ ຜູ້​ບັນ­ຊາ​ການ​ທະ­ຫານ​ບ້ານ ແລະ ຫົວ­ໜ້າ​ກອງ​ກຳ­ລັງ​ຕຳ­ຫຼວດ ແລະ ກໍ່ໄດ້​ແຕ່ງ­ຕັ້ງ​ຜູ້​ຂຶ້ນ​ມາ​ແທນທັງ 3 ຕຳ­ແໜ່ງ.

ລັດ​ຖະ​ທຳ​ມະ­ນູນ​ໃໝ່​ຂອງ​ກົດດີ​ວົວ ທີ່​ປະ­ກາດ​ໃຊ້​ເມື່ອ​ເດືອນ​ພະຈິກ ປີ 2016 ລະ­ບຸ​ວ່າ ປະ​ທາ​ນາທິ​ບໍ­ດີ ມີ​ສິດ​ບົ່ງ​ຕົວຮອງ​ປະ​ທາ​ນາທິ​ບໍ­ດີ 1 ຕຳ­ແໜ່ງ ແລະ 1/3 ຂອງຈຳ­ນວນ​ສະ­ມາ­ຊິກ​ສະ­ພາ​ສູງ ປະທານ​ສະ­ພາ​ຕ່ຳ​ເປັນ​ຜູ້​ທີ່​ມີ​ສິດ​ໃຫຍ່​ອັນດັບ​ສາມໃນ​ປະ­ເທດ​ນີ້.

ຂ່າວທີ່ກ່ຽວຂ້ອງ