ຈີນ ສົ່ງ​ດາວ​ທຽມ 3 ດວງ ດ້ວຍ​ຈະ​ຫຼວດ​ສົ່ງ​ຍານ ໄຄວ້​ໂຈ່ວ 1A

101 11 ມ.ກ. 2017 ຂ່າວຕ່າງປະເທດ
ຈີນ ສົ່ງ​ດາວ​ທຽມ 3 ດວງ ດ້ວຍ​ຈະ​ຫຼວດ​ສົ່ງ​ຍານ ໄຄວ້​ໂຈ່ວ 1A

ຕາມ​ຂ່າວ­ສານ​ຈີນ ວັນ​ທີ 9 ມັງ­ກອນ​ນີ້ ຢູ່​ເມືອງ​ຈິວ​ຊວນ ໃນແຂວງ​ການ​ຊູ ຈີນ ໄດ້​ປະ­ສົບ​ຜົນສຳ­ເລັດ​ໃນ​ການ​ໃຊ້​ຈະ​ຫຼວດສົ່ງຍານ​ແບບ​ທົ່ວ​ໄປ ໄຄວ້​ໂຈ່ວ 1A ສົ່ງ​ດາວ​ທຽມ​ວິ​ດີ​ໂອ “ຈິ​ລິນ 1” ດາວ​ທຽມ “ຊິ່ງ​ຢູນ​ທົດ​ລອງ 1” ແລະ “ໄຂ​ຕູນ 1” ຂຶ້ນສູ່​ວົງ​ໂຄຈອນ.

ການ​ສົ່ງ​ດາວ​ທຽມ​ຄັ້ງ​ນີ້ ໄດ້​ໃຊ້ຮູບ​ການ­ຈັດ­ຕັ້ງ​ແບບ​ສັນ­ຍາ​ການຄ້າ ແລະ ປະ­ຕິ­ບັດ​ຕາມ​ກົດ­ເກນຕະ­ຫຼາດ 100% ແລະ​ນັບ​ວ່າ​ເປັນການ​ສົ່ງ​ດາວ​ທຽມ​ແບບ​ການ​ຄ້າຄັ້ງ​ທຳ​ອິດ​ຂອງ​ຈະ​ຫຼວດ​ໄຄວ້​ໂຈ່ວ ແລະ ເປັນ​ຂີດ​ໝາຍ​ສະ­ແດງ​ໃຫ້ເຫັນ​ວ່າ ເປັນ​ບາດ­ກ້າວ​ໃໝ່​ໃນ​ຂົງເຂດ​ການ­ບິນ​ອະ­ວະ­ກາດ​ການ​ຄ້າຂອງ​ຈີນ.

ກ່ອນ​ໜ້າ​ນັ້ນ ຂ່າວ­ສານ​ຊິນຮວາ ລາຍ​ງານ​ວ່າ ວັນ​ທີ 5 ມັງ ກອນ 2017 ນີ້ ຈີນ ໄດ້​ປະ­ສົບ​ຜົນສຳ­ເລັດ​ໃນ​ການ​ສົ່ງ​ດາວທຽມ​ທົດລອງ​ເຕັກ­ນິກ​ໂທລະ​ຄົມ 2 ຂຶ້ນ​ສູ່ວົງ​ໂຄ­ຈອນ ຢູ່​ສູນ​ສົ່ງ​ດາວ​ທຽມ​ຊີ່ສ່າງ ດ້ວຍ​ຈະ​ຫຼວດ​ສົ່ງ​ຍານ​ສາງເຈີ່ງ 3 ນີ້ເປັນດາວ​ທຽມ​ທົດລອງ​ໂທລະ​ຄົມ​ວິ­ທະ­ຍຸ​ກະ­ຈາຍສຽງ​ຮຸ່ນ​ໃໝ່​ຂອງ​ຈີນ ໂດຍ​ຕົ້ນ­ຕໍໃຊ້​ໃນ​ໂທລະ​ຄົມ​ຜ່ານ​ດາວ​ທຽມວິ­ທະ­ຍຸ​ກະ­ຈາຍ­ສຽງ ໂທລະ­ພາບ ການ​ສົ່ງ​ຕົວ​ເລກ​ຂໍ້​ມູນ ແລະ ອື່ນໆ ພ້ອມ​ທັງ​ດຳ­ເນີນ​ການ​ທົດລອງ​ທົດ​ສອບ​ການ​ສົ່ງ​ຕົວ​ເລກຄວາມ​ຖີ່​ກວ້າງ​ດ້ວຍ​ຫຼາຍ​ຊ່ອງ.

ການ​ສົ່ງ​ດາວ​ທຽມ​ເທື່ອ​ນີ້ ໃຊ້ຈະ​ຫຼວດ​ສົ່ງ​ຍານ​ລະ­ບົບ​ສາງ​ເຈີ່ງ ສົ່ງ​ດາວ​ທຽມຄັ້ງ​ທີ 245 ພ້ອມທັງ​ເປັນ​ຜົນ­ສຳ­ເລັດ​ຄັ້ງ​ທຳອິດ​ໃນປີ 2017.

ຂ່າວທີ່ກ່ຽວຂ້ອງ