ປາ​ເຢດ ກັບ​ຄືນ ມາກ​ເຊ ດ້ວຍ​ຄ່າ​ຕົວ 25 ລ້ານ​ປອນ

148 31 ມ.ກ. 2017 ວົງຈອນກີລາ
ປາ​ເຢດ ກັບ​ຄືນ ມາກ​ເຊ ດ້ວຍ​ຄ່າ​ຕົວ 25 ລ້ານ​ປອນ

    ເດລີ ເມວ ສຳ­ນັກ​ຂ່າວ​ຂອງ​ອັງ­ກິດ ລາຍ​ງານ​ວ່າ ຜູ້​ບໍ­ລິ­ຫານ​ຂອງ​ທີມ ເວ​ສ ແຮມ ຢູ​ໄນ​ເຕັດ ຕົກ­ລົງ​ຍອມ­ຮັບ​ເງິນ​ຄ່າ​ຕົວ 25 ລ້ານ​ປອນ ປ່ອຍ ດິ​ມິ​ທຣີ ປາ​ເຢດ ນັກ​ເຕະ​ໄຮ້​ໃຈ​ກັບ​ໄປ​ຫຼິ້ນ​ກັບ ໂອ​ລິມ​ປິກ ມາກ​ເຊ ທີມ​ເກົ່າ​ຂອງ​ຕົວ​ເອງ​ແຫ່ງ​ເວ­ທີ ລີກ ອອງ ຝຣັ່ງ.

    ປາ​ເຢດ ກຳ­ລັງ​ຈະ​ໄດ້​ກັບ​ສູ່​ເຮືອນ​ຫຼັງ​ເກົ່າ ເມື່ອ​ຜູ້​ບໍ­ລິ­ຫານ​ຂອງ ມາກ​ເຊ ເຈລະ­ຈາ​ກັບ ເວ​ສ ແຮມ ລຸ​ລ່ວງ​ໄປ​ດ້ວຍ​ດີ ເຖິງ​ແມ່ນ​ຈະ​ຕ້ອງ​ຍອມ​ຫັ່ນ​ເງິນ​ຄ່າ​ແຮງ​ລົງ 25.000 ປອນ ຈາກ​ທີ່​ເຄີຍ​ໄດ້​ຢູ່ 125.000 ປອນ ແຕ່​ເບິ່ງ​ເໝືອນ​ເລື່ອງ​ເງິນ​ຈະ​ບໍ່​ແມ່ນ​ປະ­ເດັນ.

    ນັກ​ເຕະ​ໄວ 29 ປີ ຕອນ​ນີ້​ຢູ່​ທີ່​ຝຣັ່ງ ໂດຍ​ຄາດ​ການ​ວ່າ ຈະ​ເປີດ​ຕົວ​ຊູ​ເສື້ອ​ກັບ ມາກ​ເຊ ພາຍ​ໃນ​ເວ­ລາ 24 ຊົ່ວ­ໂມງ ໃນ​ໄລ­ຍະ​ໂຄ້ງ​ສຸດ​ທ້າຍ​ກ່ອນ​ຕະ­ຫຼາດ​ປິດ ວັນ​ທີ 31 ມັງ­ກອນ ເຊິ່ງ​ເປັນ​ວັນ​ດຽວ​ກັບ​ທີ່​ທີມ​ຈະ​ພົບ​ກັບ ໂອ​ລິມ​ປິກ ລີ​ຢົງ ແລະ ຜູ້­ກ່ຽວ​ກໍ​ໜ້າ​ຈະ​ໄດ້​ເລີ່ມ​ລົງ​ສະ­ໜາມ​ພ້ອມ​ກັນ​ໄປ​ເລີຍ.

ຂ່າວທີ່ກ່ຽວຂ້ອງ